hanipha
“Sa tanyaok drah brei nao sa rai duik hu dok veik”, thau hu makna prong glaong nan, luac 15 thun tapa, ong Thổ Phú bangsa Chơro daok di xã Bảo Quang, ban sit Long Khánh, tỉnh Đồng Nai tuk halei jeng halan hatain alin brei dom tanyaok drah bhong di drei piah dong ka urang ruak. Dalam kadha “Nmenuac gheih bruk siam” harei ni, khol drei pang kadha vak di Sông Thao vak angaok harak báo Đồng Nai ka kreih camin ni :
Sang ong Thổ Phú hu labaih 130 mbang brei drah ngak pahla. Dom mbang brei drah di ong Thổ Phú meblah labaih 100 mbang dalam nan. Meng dom rik dong ka bhap bini di drei, ong hu rilo mbang hu Trung ương Hội Chữ thập đỏ Việt Nam pok meyaom, UBND tỉnh brei bằng khen, ban sit Long Khánh brei harak meyaom ka bruk brei drah ngak pahla
Ong Thổ Phú khan lac: “Thun 2004, tapa jak ba di puk palei,hulin mboh brei drah dong menuac lac bruk ngak siam yau nan ye hu mbaok tame. Hulin mboh brei drah min dok khang kadang, yau nan ye dom urang dalam sang oh daok huac song ba gauk nao brei drah. Tapa bruk brei drah nan, hulin hu ban sit .Biên Hòa saong hu nao tal Hà Nội taduan pok meyaom”.
Oh lac rup ong song boh sang kham merat hu mbaok tame brei drah dong menuac urang, lac urang umo prong thun dalam bhap bini bangsa Chơro daok di xã Bảo Quang, ong Thổ Phú dok rik dong gam song karja pak ni jak ba mik va hu mbaok tame brei drah. Tui muk Trần Kim Oanh, Chủ nhiệm kalup kapul brei drah halan hatain xã Bảo Quang, urak ni yaom lac dom mbang brei drah dalam thun oh dok rilo yau dahlau deih. Min thun ni umo labaih 60 thun song pren yava oh daok khang kadang yau dahlau daih, min ong Thổ Phú jeng daok pambuak bruk saong kalup kapul jak ba mik va kham merat hu mbaok tame brei drah dong menuac song hu rilo urang pachreih tui./.
Sông Thao –Báo Đồng Nai
Viết bình luận