Rilo urang taduan hu pok lisei di ong
Ong Trần Cang takre ngak bruk pahla meng rilo thun ni mai, dong ka rilo urang kan kandah yam tagok dalam rai duik, nan ye hu pagap yau "ong phật" di dunya.
Dalam harak meyaom, akaok negar Nguyễn Xuân Phúc vak lac: ong jak ba hu pok jien labaih 17 tỉ đồng song pambuak bruk hong Ủy ban Mặt trận negar Việt Nam, Hội Chữ thập đỏ, Kapul pachreih bac song karja palei, dong hu ka labaih 4.582 mbang urang taha daok sa drei, urang kathaot, urang ruak khang gaok kan kandah , boh sang njauk bala meng langik tasik, pui mbang, anek saih kan kathaot pachreih bac da-a.
Abih di nyu nan lac hu dong ka labaih 2.000 boh sang kan kandah song 500 urang umo taha blac meta, rong labaih 100 urang taha dok sa drei gam song rilo bruk ngak hu makna karei karei. Dom bruk ngak di ong brei mboh ka yaok ribau bruk ngak siam di urang umo taha dok ngak yaok harei dalam joa kandang di taneh ia drei, dong kak kajap talei jum pataom di dom bangsa adei saai, rik dong pakhang pakajap bruk jum pataom abih bangsa, ngak brei mekre jang rup binguk urang umo taha Việt Nam, kreh camin hadah song lac lac brei ka dam dara bac megru, ngak tui.
Urang jakar ngak praong pan akaok palei ini brei thau, meng thun 1995 tal thun 2012, ong Trần Cang hu Đảng ủy, UBND xã Phú Tâm brei bruk ngak akaok Kapul urang umo taha di xã; ủy viên Ủy ban Mặt trận negar Việt Nam huyện Châu Thành; Kapul dong uranaih di tỉnh...
Ong Cang lac urang prong thun hu angan je dalam bhap bini bangsa takik di tỉnh, lagaih piah jak ba puk palei hu mbaok tame bruk ngak pahla, rik daong bruk iek glang urang taha kan kathaot, ruak kik, dok sa drei song uranaih ruak kan kandah daok dalam song langui tỉnh.Kuhria meng thun 1986 tal ni, ong Trần Cang jak ba hu labaih 17 tỉ đồng. Pok jien ni hu ong dong ka labaih 4.582 urang taha dok sa drei, sang kan kandah, gaok bala, ruak trak damak...
Ong Cang dok hu mbaok tame dom bruk pambuak gauk padang tatua palei, ramik pasiam jalan palei duh ka bruk nao mai di bhap bini song anek saih... Ong Trần Cang brei thau biak bui sambai tuk taduan hu harakk meyaom di akaok negar Nguyễn Xuân Phúc. Gam haong nan, akaok UBND tỉnh Sóc Trăng - Trần Văn Lâu hu pok harak meyaom ka ong Trần Cang. Ong Cang khan lac : “Harei halei dok prein yava, dahlak dok ngak bruk pahla". Ong ndom lac dom bruk ngak di drei oh prong, tok cong khin ba tangin tame dong ka puk palei, dong ka dom urang hu rai duik kan kandah yam tagok dalam rai duik, saong tapa nan nyu ba bui sambai ka rup drei./.
Urang lang: Hanipha -9/8
Viết bình luận