Ông Trương Thành Tấn- Phun đại  thụ xứ Gò

  -Lihik rilo tukvak, dahlak meng gaok hu ông Trương Thành Tấn. Yaom lac umo 75 thun, min ông tuk halei jeng jar var saong bruk xã hội haong dom bruk daok ngak ye: akaok kapul Kiểng cổ, ủy viên BCH Hội Sinh vật cảnh tỉnh Tiền Giang, Chủ nhiệm kalup kapul hưu trí ban sit Gò Công, chủ nhiệm kalup kapul ariya xã Thạnh Nhựt, huyện Gò Công Tây... Ông Trương Thành Tấn hu labaih 40 thun ngak bruk cách mạng. Ông praong tagok meng du kích xã Phú Thạnh, huyện Tân Phú Đông blaoh tal ngak đại tá  Phó Giám đốc Công an tỉnh, Chỉ huy trưởng Bộ đội biên phòng tỉnh Tiền Giang.  Yaom lac ngak bruk hagait, ông Trương Thành Tấn jeng brei mboh bruk ba akaok nao dahlau di urang jakar, urang đảng, bộ đội cụ Hồ, tuk halei jeng caik lợi ích negar, bangsa tagok angaok saong kham merat ngak siam bruk hu jao brei. 

-Thun 2002, tuk padheih bruk, urang jakar urang đảng ini jeng daok hu pilih ruah tame ngak dom bruk đoàn thể xã hội, dom kapul nghề nghiệp dalam palei. Abih di nyu nan lac bruk ông hu mbaok tame ngak bruk pahla nhân đạo xã hội, daong sang kathaot, dak padang raidiuk ilimo barau di libik bhapbini daok…Yaok thun, ông dang tabiak rik pataom  alin jien, pandap ka sang kathaot, sang sarak kan kandah hu bui sambai mbang Tết Nguyên đán, rik daong jien padang ngak baoh sang jum pataom, baoh sang đồng đội, baoh sang dhar phuan alin ka dom urang daok gaok kan kandah gah sang daok. Kuhria dalam 4 thun tapa, ông jak ba rik pataom hu labaih 160 triệu đồng, padang 4 baoh sang alin ka dom sang sarak, đồng đội klak gaok kan kandah di huyện Tân Phú Đông. Dalam paok jien ini, eng ông Trương Thành Tấn neh meng jien bilan padheih bruk jaik  60 triệu đồng, piah ngak bruk xã hội. 

-Meng tuk ngak tui Chỉ thị 03, urak ini lac Chỉ thị 05 di mintri Chính trị ka jhul khang bruk bac megru saong ngak tui jalan hadah krah siam mekre di Chủ tịch Hồ Chí Minh, ông rik tame labaih 50 triệu đồng daong sang kathaot, sang sarak daok sa drei, uranaih jaoh jo, anek saih kathaot bac joi. Lac akaok kapul Kiểng cổ di tỉnh saong chủ nhiệm kalup kapul ariya, ông saong dom hội viên ngak dom tác phẩm nghệ thuật hu pablak pathau khan dom panuac ndom biai, tacei pato di Chủ tịch Hồ Chí Minh. Pagap yau bộ kiểng cổ jaik 20 tác phẩm parang iek di sang, ông mbeik thaik, mbeik dhar tui dom baoh akhar: cần, kiệm, liêm chính- chí công, vô tư; trung saong taneh ia, hiếu saong bhapbini, nhân, lễ nghĩa, trí, tín…Ndom ka bruk ngak ini,  ông Trương Thành Tấn khan lac :Tapa bac megru tui Wa, drei hu sahaneng lac drei bac ka habal nyu tame raidiuk yaok harei. Meng sahaneng mboh yau nan, drei ngak bộ kiểng cổ, tui jalan hadah krah di Hồ Chí Minh tame bộ kiểng cổ.  Dom makna nan tuk drei peih nyaom biai hu rilo adei saai thợ kiểng, nghệ nhân pachreih tui”

-Ông Trương Thành Tấn sahaneng dalam hatai lac, tuk mesruh metak atau thời bình jeng njauk patagok ilamu siam mekre di bộ đội cụ Hồ, ngak rilo bruk siam, kein ka taneh ia, ka bhapbini. Yau nan ye tuk padheih bruk yaom lac pren yava oh daok khang min ông kham merat hu mbaok tame dom đoàn thể xã hội, jaik tabhia saong bhapbini, rik daong dak padang đảng, karja puk palei khang kajap. Dalam nan ông biak sangka tal bruk pato pakai ilamu anit taneh ia ka rairah ranaih umo tui kadha pato di Wa Ho anit ranam. Amuk Lê Thị Ngọc Thu, Bí thư Đảng ủy phường 3, ban sit Gò Công brei thau, bruk kinh tế- xã hội puk palei hu jalan patagok siam. Đảng bộ phường rilo thun hamiet mek hu angan hacih, kajap dalam nan hu bruk rik daong di urang dahlau dhiah ngak bol lin Trương Thành Tấn: Cei sáu Tấn yaom lac padheih bruk paje min abih hatai rik daong, brei panuac ka bruk patagok kinh te – xa hoi dalam phường. Cei rik daong biak rilo ka bruk kinh tế- xã hội, an ninh trật tự  jeng ye dom bruk dak padang Đảng bộ phường 3 hu hacih kajap dalam dom thun tapa. Bruk brei panuac di Cei jeng ye bruk nao dahlau lac kreih camin piah rairah ranaih saong dom urang jakar di libik bac megru tui cei. 

 -Dalam sang, ông lac urang pasang, urang ame mẫu mực, tuk halei jeng tacei pato anek taco patagok ilamu baoh sang cách mạng, takre bac megru jeng urang hu kein ka xã hội, pasram oh padheih tui panuac pato di Wa Ho anit ranam “ bac, bac hamiet”. Urak ini sang ông hu 9 urang lac đảng viên Đảng Cộng sản Việt Nam, hu bac daa tal labik tal dhua; dalam nan hu dua urang nao tui jalan ông, lac “ bộ đội Cụ Hồ”.

-Meng dom kham merat saong abih hatai duh ka đảng, ka bhapbini, tukvak tapa ông Trương Thành Tấn hadah mbaok meta hu Đảng- karja saong dom gah chính trị, xã hội alin brei 13 Huân chương,  6 Huy chương, 5 Kỷ niệm chương,  9 harak meyaom saong Huy hiệu 40 thun, 50 thun, 55 thun Đảng… Barau ini, urang dahlau dhaih ngak bol lin Trương Thành Tấn  hu tỉnh Tiền Giang pilih ruah lac kreih camin hadah  nao nao pataom mbaok di Lễ pok angan 70 kreih camin hadah dalam tuk pahadar 70 thun harei Chủ tịch Hồ Chí Minh tabiak panuac  ieu pakacah gauk anit ranam taneh ia di Hà Nội. Ông Trương Thành Tấn brei thau, tukvak tal daok ngak bruk xã hội saong kham merat pathau khan, jak ba urang bhapbini bac megru saong ngak tui panuac Wa tapa bruk hình tượng hóa dom pandap bingu kiểng saong thơ ca, ngak ka bruk jak ba ini hu tame dalam raidiuk:

Meng bruk rik pren oh thau glaih glar, ông Trương Thành Tấn yau sa phun taha praong di palei Gò Công, tuk halei jeng pacang halui, tabiak pahe piah duh ka raidiuk, rik daong dak padang puk paga, palei negar dak harei dak salih barau yau panuac caong khin di Wa Ho anit ranam./. 

Thúy Linh

16