Mbung aia tuk menei tasik 

Amuk Phạm Thị Minh Hiền, Phaok akaok Sở LĐ-TB-XH tỉnh Phú Yên brei thau: gam haong bruk peih ngak biak catang di dom pakat, dom gah saong jabat chức năng, paglaong bruk pacang caga bala mblung aia di uranaih hu tỉnh mong yau bruk ngak di taong abih baoh sang, bhap bani saong taong abih bol bhap rah ra. Meng thun 2015 tal ini, Sở LĐ-TB-XH dang tabiak, pambuak haong dom jabat pambuak pagam tal peih bruk pathau khan ka ilamu pacang caga bala mblung aia di uranaih pagam haong dom danak dak langiu khóa saong ala hala dok, pablak bruk padang ngak “Sang bac salamat” haong “Sang bac siam mekre, anek saih kham merat”; gru pato, anek saih hu pathau khan tapak ka ilamu pacang caga bala mblung ia di uranaih. Langiu di nan, dom sang bac rilo meng peih bruk pathau khan tal dom urang ngak amaik ame, rik daong paglaong akaok saneng ka dom urang ngak amaik ame dalam bruk pacang caga mblung aia ka nek bhik di drei saong paglaong akaok saneng, ilamu eng drei thau pacang caga dom bruk mbuan ba tal bala ka anek saih.

Tal urak ini, di dom sang bac dalam tỉnh, bruk padang ngak “Sang bac salamat”, pacang caga bala mblung aia di uranaih hu peih ngak siam. Tui tacei pato di Sở pato megru, dom labik pato megru peih dom bruk langiu khóa ka anek saih thau bruk pacang caga mblung aia, bala ba tal rambuis uranaih; pambuak haong dom jabat, dom kapul nyaom peih ngak dom bruk pasiam veik labik bac da-a, ma-in sambai piah patrun rilo bruk mbuan ba tal bala dalam sang bac.

   Gru Phan Thanh Phước, Phaok Akaok sang bac THCS Nguyễn Văn Trỗi (bal Tuy Hòa, tỉnh Phú Yên) brei thau, thun 2019, sang bac hu ba tame pandar labik caluai aia Yết Kiêu dalam mblang bein di sang bac saong ba môn caluai aia tame pato piah pabak ilamu diuk rai, pacang caga bala mblung aia ka anek saih. Labik caluai aia ini oh lac tok duh ka anek saih dalam sang bac bo daok taduan raok dom anek saih daok di labik karei dalam bal tui danak dak Pato pathram caluai aia dalam sang bac di bal Tuy Hòa. “Bruk padang labik caluai aia di động dalam sang bac nan lac sa dalam dom danak dak hu makna biak siam, daong ka anek saih hu labik piah pathram rup bhap, daong pabak bruk thau caluai aia, pacang caga bala mblung aia”, gru Phước khan lac yau nan.

   Tui taong yaom di Sở LĐ-TB-XH, jaik abih dom bala di uranaih yau bala angaok jalan mbak, bala mblung aia… rilo meng lac kayua khách quan. Hu dom adei mblung ia kayua labik nan oh salamat, kayua amaik ame takik caik hatai sangka saong kayua bruk takre ma-in di uranaih ba tal dom bala biak pandik harao. Lingiu di nan, urang ngak bruk gah uranaih di puk palei, khu phố daok biar ilamu pacang caga bala di uranaih jang yau bruk sahneng mboh dahlau piah pathau khan saong hu panuac pok likau langyah ka nyu samar drah...

Meng bruk peih ngak di Sở LĐ-TB-XH, dom huyện, bal hu ba bruk pato  caluai aia tame danak dak peih ngak dom bruk pacang caga mblung aia ka uranaih, abih di nyu lac dom puk palei hu rilo kraong ribaong, bingun, danao. Tui bruk xã hội hóa bruk thể dục thể thao, dom kapul nyaom, manuac urang dalam tỉnh, padang labik caluai piah duh ka bhap bani, abih di nyu lac dom tal pato caluai ka dom adei ranaih dalam bilan hè hu ba mai mblang ma-in biak siam laghaih, paglaong pren yava, pacang caga mblung aia ka uranaih.

   Piah pacang caga bala mblung aia di uranaih, nrei hu hu bruk pambuak gauk khang kajap jang di dom pakat  pakat, dom gah, Ủy ban MTTQ saong dom kapul nyaom chính trị - xã hội dalam bruk tacei pato saong peih ngak dom jalan ka nyu samu gauk. Patui jalan jhul pakhang bruk pathau khan paglaong akaok saneng dalam bhap bhjap, baoh sang, sang bac ka ilamu pacang caga bala mblung aia di uranaih, abih di nyu lac ngak jeng labik diuk rai siam mekre ka uranaih. Taphia di nan njauk peih bruk pato brei sraoh oh mek jien ka uranaih, jak ba urang ngak amaik ame ba uranaih nao bac caluai aia, piah daong patrun bala mblung aia, bala di uranaih./.

Urang lang: Jasi-5/7