Dalam bruk pala durieng ye tuk tabiak bingu ndam baoh nan lac tuk bhian hu halak halin palai kaik ralo di abih, tui nan nyu ngak brei patrun năng suất saong chất lượng baoh di phun durieng. Dalan tuk ini janih halak mbang bingu saong halak kaik baoh lac dua janih halak hu mboh ralo di abih.

Kadha vak hadei ini hu daong ka mikva saong taong abih gauk thau cambaih jang ka janih halak nan saong jalan pacang caga nyu.

Vaktu phun tabiak bingu, janih halak mbang bingu mboh biak ralo dalam bein durieng, tuk jeng kadit nyu hu sambo màu kanjik bleic. Kadit nan bhian tabiak mbang melam, nyu mebaoh angaok dom bingu, tuk caih tabiak halak meda mbang catai bingu, kaik tame gah dalam blaoh ngak khut abih nhụy đực, nhụy cái, catai bingu ngak ka bingu khut saong oh daok thụ phấn hu tra.

Dalam vaktu jeng baoh, abih di nyu lac vaktu baoh meda saong baoh prong, phun bhian njauk halak palai kaik baoh. Halak mbang baoh bhian palai kaik meng tuk baoh daok meda tal tuk baoh taha saong jaik tasak, min vaktu tamuh khang di abih lac tuk baoh daok meda. Tuk njauk halak palai kaik baoh oh daok siam saong jruh. Meyah njauk  halak mbang baoh ye baoh jeng oh daok tamo oh daok siam nan ye bruk samar mboh piah pacang cakak nan lac bruk njauk ngak.

Jalan pacang caga siam mekre.

Bruk pandar dom jalan ngak sinh học tuk halei jeng hu pachrei pandar, abih di nyu lac pandar dom janih thiên địch yau idam sư tử atau cim mbang halak piah  tấn công meng gah langiu saong pametai halak halin siam jang. Dom janih yau bọ ngựa, nhện jeng meda pametai hu halak.

Njauk caik hatai tabiak rivang bein vaktu phun daok tabiak bingu saong ndam baoh piah samar mboh bruk halak mbang bingu saong halak kaik baoh, meyah mboh takik sa dua drei ye pataom mek saong am cuh klak nyu.

Dalam bein njauk cakak dhar piah bein phun laneng lanoi, dom baoh oh siam dalam chùm njauk cakak klaak meneng. Juai caik chùm meng labaih 3 baoh tagok. Njauk pandar ba-ar khang piah halok kreh dom baoh, patrun patakik bruk cakrok patagok di halak halin.

Hadei di tuk baoh thụ phấn hu jaik sa bilan ye pandar mbao ba-ar piah mbao baoh veik. Bruk pandar bẫy Pheromone piah pachreih kadit lac bruk njauk ngak.. Meyah dalam bein hu mboh inem di halak halin palai kaik biak ralo ye meda pandar dom janih jru hóa học yau Abatin 5,4 EC, Regent 5SC, Brightin 1.8EC, Sagolex 30EC piah pruh ka dom phun njauk halak halin palai kaik ralo. Pruh dom janih jru ini meda daong ka phun thụ phấn hu ralo jang, jeng plaih hu bruk baoh sượng. Njauk pruh jru chip tuk mboh inem di halak halin ye siam jang. Njauk caik hatai khik caga vaktuk pruh jru atah vaktu baoh tasak, juai caik jru kandaong veik dalam baoh ngak jhak tal pren yava di urang blei mbang./.

Jasi lang tapa sap Cam