Pathau mikva saong taong abih gauk. Mikva pala medhar njauk caik hatai, dalam bilan hè (meng bilan 4-8), meyah mboh angaok phun medhar hu halak mbang hala, halak balik hala atau nhện bhong, njauk pruh jru pametai halak palai kaik phun medhar: Dalam kadha “urang ngak hamu caong thau” harei ini khaol dahlak hu kadha vak brei ka mikva saong taong abih gauk thau jalan pacang caga ruak angaok phun medhar, daa mikva saong taong abih gauk tui pang.

Dahlau di tuk medhar tabiak bingu ralo di bilan 8, bilan 9, yaom lac oh hu halak min njauk pruh jru piah caga halak mbang baoh meda. Dalam tukvak phun medhar tabiak bingu ralo, njauk takik pruh jru piah plaih bingu jruh. Tuk medhar hu baoh meda, meyah mboh hu halak kaik baoh meda pruh jru Bi 58 lai mbrang, nồng độ jaik 0,07%.

Tuk mboh hu halak mbang hala, halak bilik hala atau nhện bhong, njauk pruh jru Wafatox lai mbrang tui tỷ lệ 0,1%, siam di abih njauk pruh định kỳ 15 harei sa mbang. Meyah mboh hu halak xén tóc mebaoh tame dhal phun, mek akaok to haluk raih tui jalan halak mbang piah mek halak meda, blaoh pandar Wofatox lai tui tỷ lệ 0,2% luk tame labik nyu mbang nyu kaik.

Tuk mboh dhal hala thu layau, njauk saneng tal halak đục thân, dhal, jalan pacang caga nan lac bhian pasang iek, cakak klak dom dhal njauk halak mbang saong pametai halak meda.

Daok ruak phấn mbong di hala, ruak bruk baoh pacang caga tui jalan cakak klaak hala njauk ruak, tukvak phun medhar tabiak baoh njauk bhian cakak klaak dom dhal hala saong baoh hu halak mbang, thu, layau piah ka phun, baoh cakrok patagok siam./.