Urang bangsa takik meblah 64% dom menuac sia dalam tỉnh, ilamu daok biar, daok hu rilo adat cambat klak oh daok lagaih... Gam haong nan, tui sarak peih pabah mbang kinh tế, Lào Cai padang dom khu đô thị, dom cụm côngnghiệp, pablei salih, rilo labik du lịch me-in sambai, hu buh jien tame padang ngak, peih praong. Meng nan, nyu pachreih hu rilo urang ngak, tuai negar lingiu mai tal Lào Cai, tui nan, rilo kol kanjah jhak nyu ba gauk mai, ngak suan adat hukum, dom tệ nạn xã hội dak harei dak rilo, abih di nyu nan nan lac ma tuý, jru phiel...

     Tapa nan, kol tội phạm jeng ye kol pablei salih, pajeng ba ma túy tapa jalan tapen negar dak harei dak rilo. Bruk pablei salih, pajeng ba ma túy daok rah tabiak khang tui rilo jalan, rilo thủ đoạn dak harei dak tinh vi, manh động. Heroin bhian hu kol nyu pajeng ba meng Lào tapa dom tỉnh Điện Biên, Thanh Hóa, Nghệ An mai Lào Cai pataom bloh ba tapa Trung Quốc pablei. daok ma túy tổng hợp meng  Trung Quốc loa ba mai Lào Cai bloh ba nao pablei di dom tỉnh, ban dalam taneh ia. Bruk pablei salih di kol nyu biak kandauk, biak khang kajap, dalam nan, kol phạm tội lac urang Lào pambuak haong dom urang Mông daok di huyện Mường Khương, tỉnh LàoCai saong dom tỉnh jaik taphia pablei salih, pajeng ba ma túy biak rilo.

      Dalam dom thun tapa, bruk mesruh pacang tội phạm matúy dalam tỉnh Lào Cai mek hu dom jak jeng praong, abih di nyu nan lac patagok hu pren khang di dom gah, dom kapul nyaom saong bhap bini abih hatai hu mbaok tame bruk Bhap bini khik caga an ninh Tổ quốc. Dom pakat ủy, karja, kapul nyaom, cơ quan, doanh nghiệp jeng thau cambaih jang bruk di drei dalam pacang caga ma túy. Bhap bini hu pathau khan, paglaong akaok sahneng saong thau ngak njauk tui adat hukum, thau paglaong hatai sangka, caga tame pacang kol tội phạm, taong tayah dom tệ nạn xã hội di puk palei. Meng nan puk palei padang hu, khik ramik hu rilo bruk siam daong khik caga tani tanat bruk patagok kinh tế, xã hội di puk palei.

   Abih di nyu nan lac, tukvak tapa, bruk pambuak gauk di Công an tỉnh Lào Cai haong Bộ độiBiên phòng dalam bruk khik ramik saong patagok bruk ngak di Jabat taom gaok tapa tapen negar (Jabat BLO) Lào Cai haong Jabat BLO Hà Khẩu, tỉnh VânNam, Trung Quốc hu peih praong saong hu kein laba, daong pacang cakak kol tội phạm ma túy di labik tapen negar. Bahrau ini, Công an tỉnh Lào Cai ngak hu 5 chuyên án praong, dalam nan kol tội phạm jeng khan lac kol nyu taduan pajeng ma túy meng Lào mai pataom di Lào Cai piah ba tapa Trung Quốc pablei. Tapa dom vụ án mboh lac kol nyu mek radaih ô tô pajeng biak rilo heroin meng Lào mai Việt Nam piah ba tapa Trung Quốc pablei, kol nyu pandauk dalam dom gilaong di khung radaih, sàn radaih bloh hàn veik saong pruh sơn tagok. Jalan ngak ini oh lac bahrau min nyu ngak kan kandah oh takik ka dom gah chức năng njauk tui iek di labik praong, pandap panda jamriak daok kurang rilo janih.

   Gah pacang caga tội phạm  ma tuý Công an tỉnh tuk halei jeng thau lac, bruk pacang caga tội phạm ma tuý dalam saman mbeik drei tame bruk ngak mbang dunya lac bruk dak harei dak kan kandah, glaih glar, brei hu bruk kham merat di taong abih dom pakat ủy, urang dang akaok dom đơn vị dalam tacei pato, peih ngak dom bruk chuyên môn. Anak tal, Công an tỉnh njauk pambuak bruk khang kajap haong gah biên phòng, hải quan piah khik iek dom urang daok di dom xã jaik taphia negar, taom gaok haong Công an Trung Quốc piah thau, piah khik iek dom urang daok di labik jaik taphia negar saong urang Việt Nam ngak mbang, pablei salih di Trung Quốc, piah mboh, piah thau, piah pacang cakak bruk pablei salih, pajeng ba ma túy tame ViệtNam tapa pabah mbang negar di Lào Cai saong dom jalan tiểu ngạch.

      Meng bruk ba tangin tame di dom pakat, dom ngành, dom gah chức năng, bruk mesruh pacang kol tội phạm matúy meda daong jhul kadun likuk saong pacang cakak kol tội phạm ini, daong khik kajap anninh chính trị, trật tự an toàn xã hội angaok bhum taneh biên giới di taneh ia./..