Pathau mik va urang nong! Kadha: “Urang ngak hamu cong thau” harei ni, khol hulin hu kadha vak brei thau jalan pacang caga ruak akaok jhuk njuk di  menuk.

Ruak akaok njuk di menuk daok ieu lac ruak kén ruột, ruak viêm gan ruột. Ruak ngak ka menuk metai rilo song ngak patrun năng suất rong glang.

Ruak rah tabiak di menuk, menuk prang rong palao song dom janih cim brim. Ruak bhian rah tabiak di menuk praong labaih 2 adit tal 4 bilan. Tuk môi trường nerak tachauk menuk tukvak mebaoh rong palao jeng njauk ruak.

Ruak njom tapa jalan tung, menuk khang kadang mbang pandap mbang, ia menyum njom anek ruak, tuk pren pacang ruak di menuk trun, ruak tamuh tabiak. Menuk ruak aik tabiak, anek ruak hu dalam baoh giun kim atau khak menuk hu anek ruak hu giun đất mbang, nan ye anek ruak kandong veik biak suai livik dalam môi trường, biak kan si lihik abih. Di dom labik rong  menuk hu njom ruak bloh, dom tapon rong patui nan mbuan si njom ruak biak glong. 

          Meyah menuk ruak cấp tính, menuk pandiak glong, metai samar dalam 1 tal 2 harei, oh hu triệu chứng điển hình. Bhian di nyu menuk sa-nyo, pandiak glong rúc akaok tame sayauk, dang di labik hu pandiak, khak labar katam, njuk, atau yau gạch cua…. Cambuai menuk atah, meta cahut dalam, quầng meta hajao ngù song njom tagok akaok ( akaok menuk nyu njuk)

           Piah iek ruak, meda klauk ka menuk jru hu Doxycyclin; atau lai tame pandap mbang, ia menyum ka menuk dom janih jru hu Sulfamonomethoxine atau Doxycyclin (liều lượng tui panuac tacei di labik ngak jru). Pagam pabak jru bổ gan, vitamin, men tiêu hóa, jru pabak pren ka menuk. Tuk iek ruak, njauk patagok bruk iek glang, pasiam labik rong, vệ sinh, pruh jru var ro saong labik vil val nan.

          Mik va caik hatai sangka: Ngak siam bruk pacang caga ruak, caik var ro daok saoh hadei di yaok mbang raong, jhui rong menuk prang song dom janih (pajaih) menuk karei, jhui rong menuk praong sit karei di gauk dalam sa labik. Puh ramik njauk harei, pruh jru khử trùng var ro, bein palao menuk, proi cu tabung di labik rong piah pametai anek ruak. Jhui palao menuk tabiak bein tuk langik bahrau hajan. Tẩy giun ka menuk song puh saat khak hadei di tuk tẩy. Di dom bhum hu ruak bloh, tuk menuk labaih 20 harei, meda brei menyum dung dịch: 1g jru tím atau 2g  sulfat đồng lai song 10 lít ia ka menuk menyum dalam 1 tal 2 tuk, meyah labaih njauk tuh klak, yaok 20 harei brei menuk menyum sa mbang.

          Ngan song dom var rong, labik palao menuk njauk ruak akaok njuk njauk caik var saoh takik di abih 30 harei, dahlau di tuk var daok saoh, brei puk ramik hacih sa-at var rong song labik palao rong, patom khak ủ sinh học atau am klaak. Dalam tuk var ro daok saoh, yaok adit sa mbang pruh jru khử trùng var rong, labik palao song vil val labik nan, kuac taneh proi chu, pametai giun đất./.