Thei jeng mbuan ruak dom jalan suan di bilan la-ar, yau nan min, uranaih birau ndih tapui tal umo bac pakat 1 saong urang taha umo lac dom kapul urang mbuan ruak di abih. Kayua lac dua kapol ini takik prein yawa, tuk langik samar trun tagok nhiệt độ yau nan mbuan ba tal dom ruak jalan suan yawa atau dom janih ruak dị ứng yau viêm idung, pandik tarakong, viêm xoang…

Pandik tarakong :Ruak pandik tarakong bhian lac ba-har tarakong, patuk, labar, dom urang karei mboh pandiak sốt…Bruk ba tal pandik tarakong ralo meng kayua virus, min jeng kayua dom vi khuẩn pambak ruak. Khol drei meda maong tame la-bar piah thau ruak pandik tarakong kayua virus atau vi khuẩn.

Pandik tarakong kayua virus atau kayua ruak cảm la-ar: La-bar ia saong mbuan cuac tabiak.

Pandik tarakong kayua vi khuẩn: la-bar hu sambo mbong patih, kanjik katam atau hijao. Langiu di nan, pandik tarakong kayua vi khuẩn ye bruk njak sap dak harei dak trak jang, urang ruak mboh lagah lagoi, meda pandiak. 

Tuk ruak pandik tarakong kayua virus ye khol drei brei pandar kahg sinh, brei menyum ginup ia, menyum dom vitamin atau mbang rilo baoh kayau hu vitamin C piah pabak ka prein yawa, meyah mboh pandiak ye meda menyum paracetamol. Meyah pandik tarakong  kayua vi khuẩn meng brei menyum jru kháng sinh, tuk nan khol drei nao bac si iek ruak saong piah tacei pato menyum njauk kháng sinh.

Ruak viem idung: Viem pandik idung meda mboh oh lac bilan halei dalam thun, min bilan  la-ar  lac mbuan mboh ruak. Ngan saong rup pabhap urang halei dị ứng, meyah oh hu jalan pacang caga, tuk bilan la-ar meda hu la-ar, ia dung, vi sinh vật caik menek gam saong langik la-ar  ngak niem mạc idung thu veik saong ngak ruak idung. 

 Dom janih viêm xoang yau viem xoang dhei, viem xoang bướm, viem xoang sàng…meda hu mboh di balan la-ar. Urang ruak viem xoang  bhian riak idung, sre ia dung, ba-har…meyah viem xoang sàng saong xoang dhei ye mboh pandik kaok, pandik trun tal takoi, ba-ar…min dom ruak pandik nan meda ngak glaih glar tal raidiuk, bruk ngak saong kan ndih di urang ruak.

  Piah plaik njiak ruak pandik idung ralo meng brei khik am rup pabhap, menyum ia am yaok harei, brei pandar ia sara sinh lý piah rao hacih idung  tuk page ndih tagok saong melam tuk nao ndih.

Hen phế quản:Meyah dalam rup hu ruak hen dahlau di nan ye dalam bilan la-ar khol drei njauk caik hatai tal bruk plaik njiak ralo jang. Kayua langik la-ar ngak co thắt phế quản, kandah tal bruk suak suan yawa, kandong gar khí cacbonic dalam phổi saong meng nan ba tal kan suak yawa.  Di bilan la-ar, hen bhian tagok kayua yau nan ye dom urang ruak hen meng dahlau mai ye brei khik la-ar rup pabhap, oh njuk pakao atau plaik atah sauk pakao, khik am dalam sang, tuk halei brei caga khí dung dalam sang piah caga ruak hen ngak kan suak yawa…

Urang lang: Ái Nghiêm - 2/1