Mikva urang ngak nong njauk caik hatai saong brei ngak dahlau di tuk raong ikan kadoc ikan klaic nan lac brei ramik hacih danao ia piah ka dom sinh vật phù du dalam danao cakrok siam meng palao ikan anek tame raong. Brei palao meng 5 tal 10 ribau drei dalam sa hecta. Hadei di tuk palao hu meng 7 tal 8 harei oh ka brei ikan mbang, hadei di nan gam buh khah tame danao gam sraong dom janih anek phù du brei pabak pandap mbang ka ikan, (3 - 4 kg anek phù du brei ka sa ribau drei ikan). Raong yau nan dalam 18 tal 20 harei mboh ikan hu sambo kanjik katam, angaok rup ikan mboh hu kakah, hadei di nan nyu salih tapa sambo njuk, tuk ini brei ka ikan mbang ikan anek, hadang atau pandap mbang hu rilo đạm. Raong dalam dua bilan ikan praong hu meng 9 tal 12cm jeng ikan pajaih ba tame danao praong jang raong ikan piah pablei rilo.

Dom ruak di ikan nan lac:

-Ruak kaih laka: Ikan takik mbang atau klak mbang, caluai ia ndong akok tagok, kalik nyu juk saong hu dom laka bhong, tuk ruak trak dom laka nan mbang dalam tame tal talang, tal rilo saong ikan mbuan metai.

Jalan pacang caga ruak: Bhian pandar vitamin C sraw tame pandap mbang ka ikan meng 5 tal 10 gram ka 1 kilo ikan.

Ruak mbong patih kalik: Iku ikan mboh hu jalan mbong pambak tagok gah akok, ikan oh daok labar, truh kakah.

Jalan pacang caga: lai cur tapung meng 5 tal 10 kilo ka 100 met vuong, proi bak danao meng 2 tal 3 mbang  sa adit.

Ruak kayua sán lá đơn chủ: Nan lac ký sinh trùng ndam tame mang saong kalik ikan. Ruak barah mang praong, dom tia mang klaih klaoh, mang hu rilo labar ngak brei ikan oh suak yawa hu saong metai, ikan bhian ndong akok saong pataom mai labik hu ia nduac.

Jalan iek ruak ka ikan:  Pandar sara meng meteh kilo tal sa kilo ka 100 lit ia ngan saong ikan sit, meng 3 tal 4 kilo ka 100 lit ia ngan saong ikan praong, menei ka ikan meng 15 tal 30 minit, tui danao praong atau sit. 

Ruak trùng mỏ neo: Anek ruak bhian ndam di kalik, mang, kakah, meta di ikan. Tuk ruak ikan takik mbang, dak harei dak lavang, vin taom dar labik anek ruak ndam nyu barah saong tabiak darah. Ruak trùng mỏ neo ký sinh nan lac kadha akok meti ba tal ruak nhiễm khuẩn.

Jalan iek ruak: pandar hala phun soan kak jeng paok atau ciak klik palao trun danao raong ikan. Menei ikan meng jru tím 10 tal 25 ppm dalam sa mong./.