Dom uranaih bangsa takik biak rambah rambeip 

Harei 4/8/2020 hu mong lac harei njauk kanar hadar tuk taong abih 187 negar dalam Kapul urang ngak dunya (ILO) brei tapa Sarak bruk ngak di uranaih piah jhul khang bruk kham merat khik caga uranaih tabiak truh bala kateik geik mek ngak diuk, kateik geik ngak bruk saong kateik greik nao mesruh. Bruk njauk biai nan lac, jak jeng praong ini mek hu tok dom bilan dahlau di tuk peih tabiak Thun dunya palahik bruk uraniah ngak bruk di thun 2021 piah paglaong akaok saneng saong daong jhul samar vaktu peih ngak bruk ini.

Urang dang akaok Gah urang ngak dunya (ILO) Guy Rai-đơ (Guy Ryder) ndom lac: jeng daok hu 152 triệu urang ngak lac uranaih, jaik sa meteh dalam nan lac dom bruk jhak di abih caik ka uranaih ngak, kayua yau nan ye khaol drei daok lavik meng tamat hu bruk mesruh ini. Dom hagait khaol drei njauk ngak urak ini, lac jhul samar vaktu pamong tal palahik abih bruk urang ngak lac uraniah. Dalam danak dak ginum biai di Liên hợp quốc 2030, khoal dahlak hu ba tabiak ka dunya jalan ngak ini”.

Di Việt Nam, bahrau ini, UBND tỉnh Điện Biên brei taduan mek phun jien daong di kapul nyaom Meta maong Dunya di Việt Nam, yaom 37 tỷ đồng piah peih ngak danak dak “Pacang caga pablei salih urang kamei saong uranaih kamei”. Danak dak hu peih ngak di 2 huyện Tuần Giáo saong Mường Chà, vaktu meng 1/3/2020 tal 28/2/2023. Danak dak piah patrun patakik dom urang kamei saong uranaih kamei di 2 huyện nan, dalam umo meng 12 - 30 thun njauk pablei tapa negar langiu, kateik geik ngak bruk; dalam nan hu jalan ngak cambaih laih lac: Urang kamei meng 19 - 30 thun hu brei quyền eng drei khik caga rup drei saong ayut sahabat di drei klak di bruk pablei salih, kateik geik saong taong paoh tapa bruk hu mbaok tame dom bruk ngak di bol bhap rah ra; urang kumei, uranaih kamei hu brei quyền  tapa bruk pakhang pasiam bruk ngak mbang kinh tế di drei.

Jit praong Covid 19 ngak kan kandah trak tal bhap bani. Sa dalam dom nyaom manuac sia brei hu daong saong sangka rilo abih nan lac uranaih. Kapul Plan International Việt Nam ba tabiak danak dak “Khik caga uranaih bangsa takik anak jit ruak Covid-19” hu peih ngak meng harei 1/ 4 tal abih harei 30/9/2020 di taong abih bol bhap kayua Plan daong brei. Meng kadung jien abih tih 16 tỷ đồng, danak dak hu daong tapak ka 32.000 uranaih caong hu daong saong 250.000 urang dalam bhap bani.

Kapul Plan International pakat dunya gam haong 20 urang pal akaok di dom kapul nyaom ngak pahla cak rok patagok karei hu sanya “Khaol drei njauk  ngak, meng di urak ini. Njauk gul pataom, kham merat ka uranaih saong abih di nyu lac uranaih kamei hu siam mekre meng rup babhap tal hatai saneng dalam jit praong Covid-19”.

Di Việt Nam, Plan International urak ini daok daong tapak ka 32.000 uranaih di 66 xã dalam 13 huyện di 5 tỉnh, bal dalam negar, lac Hà Giang, Lai Châu, Quảng Bình, Quảng Trị saong Kon Tum. Uranaih hu daong lac uranaih bangsa takik daok di bhum atah bayah.

Dom hagaik daok rah tabiak saong dom bruk pablei salih manuac biak srau kadau, kan thau tapa rilo jalan ngak yau cap mek, meblah mek uranaih piah ba nao pablei, pablei salih anek kaman, gam hu bruk pablei salih uranaih tui jalan taduan mek anek raong atau ndih tapui pah. Meng bruk pambuak gauk haong dom gah meng Trung Ương tal puk palei saong dom urang halan hatian, danak dak hu daong ka dom balai y tế, dom sang bac meng pandap panda tal patagok ilamu ngak bruk ka dom urang jakar iek gah pambuak pagam tal saong abih di nyu lac bruk pathau khan praong dalam, khik hu bruk uranaih bangsa takik saong baoh sang hu thau dom thong tin njauk jia tui saong kien laba./.

Urang lang: Jasi -11/12