Pathau mikva saong taong abih gauk!

Tỉnh Ninh Thuận daok dalam bilan pandiak, thu lagu, min ruak pandiak tabiak drah jeng daok  patagok, dalam nan hu bhum urang Chăm. Kadha vak hadei ini di Ái Nghiêm, urang vak di rayo sap ndom VN daok di ban raya HCM ndom ka bruk pacang cakak ruak pandiak tabiak drah di puk palei hu ralo bhap bini Chăm daok di Ninh Thuận, daa mikva saong taong abih gauk tui pang:

Tui Bác sĩ Nguyễn Nhị Linh – Giám đốc pasak y tế dự phòng tỉnh Ninh Thuận, yaom lac oh ka tamuh jeng jit, min ruak pandiak tabiak drah daok patagok. Kuhria meng akaok thun tal ini, tỉnh Ninh Thuận hu 287 urang ruak pandiak tabiak drah duk saong thun 2015 tok hu 10 urang njauk ruak. Ini lac bruk bo meng meng dahlau mai takik mboh, rilo thun tapa, ruak pandiak tabiak drah tok rah tabiak di bilan hajan. Di Ninh Thuận, meng bilan 6 tal bilan 11 nan lac tukvak tamuh jit pandiak tabiak drah. Kayua ini lac bilan hajan, jamuak caik nek ralo dalam dom labik kandong ia, dom lubang saong dom bể ia, dom jek, chậu caik gah langiu pandok ia hajan. Min, tapa pasang iek di dom puk palei dalam tỉnh, bruk baoh sang hu pandap caik ia hu lăng quăng biak ralo meblah tal 46%. Ini lac labik piah jamuak caik enk saong pambak ruak. Piah pacang cakak ruak pandiak tabiak drah tamuh jeng jit, bruk ngak hu kein lagaih abih urak ini di dom baoh sang lac patagok bruk pametai lăng quăng, bọ gậy. Meng hu pathau khan ka makna saong jalan pacang cakak ruak pandiak tabiak drah, baoh sang amuk Nguyễn Thị Củi daok di palei Phước Nhơn 3, xã Xuân Hải, huyện Ninh Hải, tỉnh Ninh Thuận hu puh ramik hacih sa-at sang danaok, jah tak hareik likuk sang. 

Sap Chăm:

Xã Xuân Hải, huyện Ninh Hải, tỉnh Ninh Thuận lac palei hu ralo bhap bini chăm daok saong meng akaok thun tal ini hu 4 urang njauk ruak pandiak tabiak drah duk saong tukvak ini thun 2015 lac oh hu urang halei. Meng hu bruk tacei pato chip di karja palei saong gah y tế, abih di nyu nan lac bruk kham merat di y tế puk, palei… tal tukvak ini di xã Xuân Hải oh hu urang halei njauk ruak pandiak tabiak drah. Bác sĩ Thành Thị Ngọc Lịch, akaok blai y tế xã Xuân Hải, huyện Ninh Hải, tỉnh Ninh Thuận brei thau:

         Sap Chăm:

Dom urang njauk ruak pandiak tabiak drah meng akaok thun tal ini dalam tỉnh ralo meng mboh di ban sit Phan Rang – Tháp Chàm ngan saong labaih 100 urang, patui di nan lac Ninh Phước, Ninh Sơn, Ninh Hải. Ruak pandiak tabiak drah lac ruak nguy hiểm, mbuan njom mbak tapa jalan ba ruak lac jamuak vằn, rah tabiak kan kandah saong meda ba tal metai lihik. Saong jeng lac janih jamuak njom vi-rút Zika  ngak brei viêm đa rễ thần kinh saong ruak akaok sit di anek kamar tuk urang kamei metian njom virut ini. Tal urak ini dua janih ruak pandiak tabiak drah saong ruak kayua vi rut Zika oh ka hu vacxin pacang cakak, jeng oh ka hu jru iek ruak. Bruk pruh jru pametai jamuak tok pametai hu jamuak praong, oh pametai hu lăng quăng. Kayua yau nan ye, pametai lăng quăng, bọ gậy lac jalan praong piah pacang cakak pandiak tabiak drah. Bác sĩ Nguyễn Nhị Lnh – Giám đốc pasak y tế dự phòng tỉnh Ninh Thuận lac:

         “Urak ini ruak pandiak tabiak drah oh daok lac ruak bilan hajan, di Ninh Thuận daok pandiak bhang min ruak jeng patagok. Jalan pacang cakak pandiak tabiak drah hu kein lagaih abih, kol dahlak daok brei dom urang jakar y tế cơ sở gam saong karja di palei, xã, phường bhian nao rivang yaok baoh sang bhap bini, iek dom pandap caik ia pandar dalam baoh sang hu lăng quăng tacei mikva rao klung, gum tuk…puh ramik haci hacih vil val sang piah oh hu labik ka jamuak caih baoh”.

Piah pacang cakak ruak kayua vi rút Zika saong pandiak tabiak drah dalam bhap bini, langiu bruk kham merat di gah y tế Ninh Thuận ye brei hu bruk ba tangin tame di bhap bini meng dom bruk ngak sit abih yau oh lui jamuak kaik, puh ramik hacih sa-at labik daok, klak dom pandap caik ia oh cần thiết piah pametai jamuak, bọ gậy./.