Mayah hu bruk hagait njauk tabiak truh, brei cuk tamo praong jih, cuk khan aw pacang pandiak

Dom harei jaik di ni rilo mbang rahtabiak dom bruk urang njauk jru mek pandap mbang dalam negar, hu manuac metai, hu manuac njauk rambuac glo akaok. Tui pasak pasang iek ruak kik ban raya HCM (HCDC), langik pandaik pandap mbang mbuan khut, ma-ih, gam haong nan lac bruk bhian randap pandar pandap mbang ka oh ngak tathak yau ye (tiết canh, nem chua, limo metah...) mbuan ngak brei njauk jru mek pandap mbang. Kayua yau nan ye, njauk mbang dom pandap hu ngak tathak, manyum ia pandiak caik liar, pilih ruah pandap mbang thait, thau hu asal di nyu. Oh manyum rilo ia liar, ia patuo.

Langik pandiak, uranaih bhian tagok camin, viêm kalik ngak brei katal, tagok chàm (eczema). Dom bức xạ tia UV, dom bức xạ karei (hu dalam ia harei) biak jhak, meda ba tal dom ruak di kalik yau ye jhuk kalik, kalik kacuh taha, pandung kalik, ung thư kalik, dom janih ruak mata yau ye bhang meta... Tuk langik pandiak jhui tabiak truh sang. Mayah hu bruk hagait njauk tabiak truh, brei cuk tamo praong jih, cuk khan aw pacang pandiak.

Mbuan lahik ia saong điện giải kayua tabiak rilo ia hauk, abih di nyu nan lac urang ngak bruk ala langik pandiak. Lahik ia saong chất điện giải meda ngak brei baoh hatai nduac samar jang, darah trun, trụy tim mạch. Ngan haong dom urang ngak bruk di langiu langik pandiak, atau manei ia kraong, manei tasik… tuk lagik pandiak meda njauk sốc nhiệt. Urang ruak tagok darah meda tagok darah khang kayua kayua pandiak, liar chip. Bruk pandiak blaoh la-ar chip meda ba tal var drei jan.

Tui bác sĩ Trần Anh Tuấn - akaoks khoa hô hấp sang iek ruak Nhi đồng 1, jalan patrun pandiak siam lagaih abih ka rup pabhap dalam dom harei pandiak lac manyum rilo ia. Gam haong nan, brei mbang rilo njam patam, baoh kraoh piah pabak dom janih vitamin saong khoáng chất, daong paglaong prein pacang caga ruak di rup pabhap.

Langiu di nan, njauk pandar dom janih pandap ngak brei trun pandiak yau ye kadik jamriak, mac liar dalam dom harei pandiak. Tuk meng gah lingiu pandiak mai oh peih kadik khang yuk ngin tame tapak rup. Kayua ngak yau nan nyu ba tal salih nhiệt độ chip di rup pabhap, mbuan njauk ruak.  Nhiệt độ mac liar caik dak glaong dak siam. Nhiệt độ siam ka prein yava lac meng 27 độ C tagok.

Bác sĩ Anh Tuấn jeng brei thau, dalam dom harei pandiak rilo manuac bhian pandar kadik jamriak hu ia. Min, bác sĩ Anh Tuấn khan lac, kadik hu ia hu độ ẩm glaong, njauk pandar di labik praong, laneng, oh pandar dalam labik sit, sre kayua mbuan tamuh tabiak nấm mốc, ba tal ruak ./.

Urang lang: Thu Thảo – 15/04