Rilo kapul nyaom ngak pahla hu dong ka urang kan kathaot 

Di tuk Uan raok harei Noel thun 2021, lambaok Ủy ban Trung ương Mặt trận negar Viet Nam, Bí thư Trung ương Đảng, ong Đỗ Văn Chiến Akok Ủy ban Trung ương MT negar Việt Nam hu payua harak thư tadhau ayuh tal dom halau janeng, tu sĩ jeng yau taong abih bhap bini agama Kitô di Viet Nam uan raok Gíang sinh hu siam mekre, salamat, rilo pahla di Thiên Chúa. Dalam tuk bui sambai uan raok Noel, ong Đỗ Văn Chiến brei mboh hatai jia lac: Giáo hội, bhap bini Kitô, mikva bhap bini agama Tin Lành Việt Nam tuk halei jeng patagok hatai anit ranam taneh ia, dom ilamu , jalan diuk rai siam mekre; pambuak pagam haong bangsa; jum pataom khang kajap jang; paglong jalan sahaneng saong patui daong bruk pacang caga jit Covid-19 tui jalan “Diukrai palagaih, salamat, sami samar, pasang iek hu siam jit ruak Covid-19”, rik daong cak rok patagok kinh te - xa hoi, oh padeih paglong raidiuk, mbang ngui daok dang di bhap bini, ngak hu jak jeng  bruk caong khin dak padang taneh ia kaya meda, haniem phol.

Pachreih tui bruk “Abih gauk dalam taneh ia ba tangin tame daong ka urang kan kathaot oh caik ka urang halei klaak veik gah likuh”, Kapul urang  Quốc hội tỉnh Sóc Trăng bahrau peih bruk parabha jien dong padang sang dok  ka urang kan kathaot kan kandah ka sang dok  di 11 puk palei, yaok huyện 3 boh sang, yaok sang yaom  50 triệu đồng. Kapul urang  Quốc hội tỉnh jeng hu jak ba dom doanh nghiệp rik dong labaih 1,6 tỉ đồng dong padang  33 boh sang prong jum pataom  ka sang kan kathaot

Harei ini 22/12, UB bhap bini tỉnh Ninh Thuận brei thau lac hu tabiak blaoh Jalan ngak khik iek Labik khik ramik tasik di Bein pakat negar Núi Chúa vaktu 2021 -2025. Tui nan, k brei khik iek, pacang caga, khik ramik dom yaom glaong kaya pandap di langik tasik, alam moi truong, rilo janih sinh học; dom inem krung ilamu, sajarah; mek pandar lagaih saong patagok dom yaom glaong di Labik khik ramik tasik; pasiam raidiuk di bhap bini daok dalam saong vin taom dar Labik khik ramik tasik Bein pakat negar Núi Chúa dalam Labik khik piah sinh quyển di Núi Chúa. Jalan khik iek Labik khik ramik tasik hu peih ngak dalam labik jaik saong dalam Labik khik ramik tasik atah meng Mũi Đá Vách di gah Barak trun tal Bắc Hòn Chông di gah Meraong, kuhria abih tih taneh praong 7.352ha. 

Piah trun trak damak ka dom labik taong ruak ka urang ruak  COVID-19, tỉnh Bà Rịa - Vũng Tàu hu peih  Tổng đài tự động iek glang  F0 di sang tui laik phone 0254.7300730. Tổng đài tự động iek glang  F0 di sang  hu pandar  trí tuệ nhân tạo (AI), hu bruk iek glang  y tế tapa jalan ndom biai nao mai 2 gah lac : Tổng đài taduan mbang ieu  di  F0 tuk khin dong  y tế song Tổng đài tự động ieu tal dom  F0 piah tangi sua pren yava yaok harei song tacei pato bruk iek glang, taong ruak.  Tong abih  mbang ieu di  F0 haong  “trợ lý ảo” jeng hu khik veik  piah urang gah  y tế meda tui iek  pren yava di  F0 yaok harei.

Tapa bruk pandiak bhang, ia mbak dom thun dahlau, thun  ini, dom tỉnh di bhum Taneran kraong Cuu Long brei caga pacang ia mbak njom tame tui jalan ngak lac “ khik ia taba, rami ramik ia mbak”. Sở Ngak nong saong patagok palei pala tỉnh Bạc Liêu brei peih kreik khang ia mbak tame labik salih tapa raong hadang. Langiu di nan, tỉnh brei peih brong ia labik kapal gilai Ninh Quới piah pacang ia mbak tame Sóc Trăng. Tỉnh Tiền Giang brei padang ngak 8 ar pacang meng thép piah khik caga 2 labik ngak ia taba nan lac Bảo Định saong Gò Công, ngak 16 baoh bingun piah duah ia brei ka mikva di dom labik atah bayah.  Karja palei gam gam kakei, tacei pato mikva urang nong dom jalan ngak piah patrun khat lahik ka phun pala meyah ia mbak njom tame. 

Gah  Y tế dunya  (WHO) bahrau tabiak harak brei thau, kuhria tal abih harei  21/12, biến thể mbuan njom  Omicron hu mbaok di  106 taneh ia song bhum taneh  di dunya. Tapa giải mã dom urang njom bahrau  kuhria meng di harei  20/10 tal ni, biến thể Omicron meblah labaih  1,6% dom urang njom. Yaom lac  oh ka thau cambaih ka tanut kan kandah dut song  biến chủng Delta urak ni, song WHO khan lac, kan kandah pambuak tal  biến thể Omicron dok biak glong . Urak ni, tapa rilo roh duah tuk camereip, biến thể Omicron hu tong yaom lac njom mbak samar jang dut song  biến thể Delta. Tui WHO, dom urang klauk jru ginup 2 mbang, atau dom urang ruak dahlau di nan  njauk ruak  Covid-19, jeng takik njom  biến chủng Omicron jang.

Noel lac tuk piah ka urang dalam sang hu taom gauk di dom taneh ia phương Tây. Yau nan min, biến thể Omicron ngak ka dom njaom darak Giáng sinh di rilo taneh ia njauk padeih, bruk brei takik nao mai saong takik pataom rilo manuac hu peih ngak veik. Di Hà Lan, bhap bini tok hu brei da-a dua tuai tame sang uan raok Noel.Dom labik chieu phim, bein bingu ma-in sambai saong  dom labik pablei salih oh njauk pandap pandar yaok harei karei di Đan Mạch oh brei peih pabah mbang. Di Anh, rajaei London brei padeih bruk uan raok tukvak yam tame thun birau 2022 tui kuhria lac hu mbaok di yaok ribau urang tame. Rajaei Anh dang anak bruk kan kandah tuk urang njom ruak kayua Omicron tagok glong, min oh ka ba tabiak hu dom jalan ngak birau pacang jit dahlau Giáng sinh.

Tổng thống Philippines Rodrigo Duterte brei patabiak bruk “thảm họa” di dom labik  piah jhul samar bruk  dong duah dom urang gaok bala di ribuk  Rai palai pajoa gah kreih negar  song gah merong negar ni di adit dahlau. Urak ni, bol lin Philippines dok samar pabak pandap mbang song ia saat, dalam tuk dom kapul ngak pahla  jeng ieu pataom kadung jien piah dong ka yaok rituh rabau urang lahik sang dok. Min, bruk dong duah dok gaok rilo kan kandah kayua ia sua cakak jalan nao mai, dalam tuk pandap mbang dok kurang takik. Ribuk  Rai – lac ribuk khang abih dalam thun ni  tuh tame  Philippines – ngak brei takik di abih  375 urang metai, 56 urang lahik, labaih 500 urang njauk rambuac. Hu 1,8 triệu urang gaok kan kandah, dalam nan hu 630.000 urang brei panduan nao labik karei piah nyaik bala./.

Urang lang: Ái Nghiêm- Hanipha- 22/12