Kruac bung Năm Roi Vĩnh Long

Dalam tỉnh Tây Ninh urak ini hu labiah 3.400 ha phun mbang baoh yau darang, kruac bung, durian, kandiuk…salih ka dom janih phun pala hu laba biar jang yau cao su, bei plom, tabau. Dalam nan, rilo taneh bein phun mbang baoh hu pala tui jalan birau. Bruk njauk ndom tal abih di kaya nong Tây Ninh lac bruk baoh kandiuk hu jeng kaya nong praong, hu chỉ dẫn địa lý, hu prein meriak gauk glaong. Langiu di nan, tỉnh jeng daok pataom tame padang angan je ka dom janih baoh kayau  karei yau bruac bung kalik jao, pa-ok, panat…Meng hu công nghệ thông tin, dom janih baoh ini anak tal duah thau hu asal di nyu meng halei mai.  Tỉnh Tây Ninh kham merat tal thun 2020 padang hu meng 2 tal 3 angan kaya nong praong di tỉnh.

Di Bình Phước, UB bhap bini tỉnh hu brei bruk ka Sở KH-CN peih ngak danak dak padang ngak angan tập thể, yaih khan angan je ngan saong manuk raong palao dalam bein  saong darang asar sit Thanh Lương - Bình Long. Hadei di labaih 2 thun, 2 pandap nan hu Cục Sở hữu trí tuệ (Bộ KH-CN) brei harak khik angan  Kapol nyaom ka Urang nghak nong xã Thanh Lương (ban sit Bình Long). Tui nan, 31 baoh sang urang nong pala darang  saong 32 baoh sang urang raong manuk di Thanh Lương hu adat brei pandar angan kapul nyom ini.

Bruk hu pok brei angan kapol nyaom tuk camereip brei mboh angan je saong yaom glaong di kaya nong praong di tỉnh. Gam peih praong bruk ngak, patagok phun jien, pandar ilamu ky thuat piah ngak tabiak kaya nong rilo jang, siam jang, pabak hatai caong khin di urang blei.

Gah chức năng 2 tỉnh ngaok nan daok pataom tame padang dom bhum pala dom janih phun  hu yaom glaong; jhul khang bruk padang angan pablei salih kaya nong praong, patagok bruk pablei salih saong daong doanh nghiep, urang nong ba pandap tame dom nyaom darak parang iek piah yiah khan, patagok darak pasar; ba jalan urang ngak bein pambuak gauk dalam bruk ngak tabiak, pablei kaya nong. 

Di Tây Ninh, bruk pambuak gauk ngak tui chuỗi gia tăng giá trị kaya nong daok hu pambak praong. Tal urak ini, Công ty cổ phần Lavifood hu mbaoh tangin pambuak bruk blei kaya nong di urang nong dom huyen ngan saong taneh praong 224 hecta phun mbang baoh. Doanh nghiep ini jeng daok pambuak bruk saong UB bhap bini  huyen Dương Minh Châu padang Danak dak pambuak bruk pala, pablei njam patam baoh karaoh ngan saong taneh praong 3.000 ha.

Tui Giám đốc Sở NN-PTNT tỉnh Tây Ninh Võ Đức Trong, tỉnh daok jhul patagok dom bruk ngak nong tui jalan cong nghe glong piah ngak hu bruk ba tabiak tal thun 2020, kaya nong ngak tabiak tui jalan cong nghe glong labaih 30% kuhria taong abih bruk ngak nong, hu takik abih lac 40% kaya nong ngak tabiak lac hacih sa-at.  Mbiah tal ini, rilo bruk salih mengdom janih phun pala takik kein laba tapa phun mbang baoh daok ba mai kein laba glaong: Pala phun kandiuk VietGAP di taneh praong labaih 200ha, kruac bung kalik hinjao labaih 1.000 ha, patei me-mbong pablei tabiak negar langiu 380 ha, 38 bruk pala njam hacih sa-at, 33 trang trại pala njam pacang sir saong 90 ha pala bingu lan.

Tỉnh Bình Phước ba tabiak bruk lac tal thun 2020 hu 157 HTX, lien hiep HTX ngak nong, ngak glai, ngak ikan, labaih 50% HTX ngak nong tut angan ngak bruk hu kein laba; padang 73 HTX ngak nong birau dalam gah pala drak, raong glang hu kein laba saong kham merat hu 16 HTX pandar cong nghe glaong…

Meng nan, gah ngak nong daok pasang iek dom kaya pandap praong tui jalan rami ramik veik gah ngak nong pambuak saong padang ngak palei pala birau, piah padang chuỗi pambuak bruk di urang nong, HTX saong doanh nghiep./.

Urang lang: Ái Nghiêm -10/12