Pathau mikva saong taong abih gauk!

Meng hu phun jien buh tame ngak di sarak 30a di rajaei, hatai caong hu sang khang kajap meng lavik ini mai di baoh sang dahlak hu jeng biak. Ralo thun daok dalam baoh sang tak tahak, urak ini hu daok dalam baoh sang glaong, laneng lanoi sang dahlak biak chreih chrai, saai Lý Văn Chin, bangsa Nùng, palei Tùng Nâu 2, xã Tung Chung Phố, huyện Mường Khương, tỉnh Lào Cai brei thau ka bruk bui sambai. Kadha vak di Minh Đức hu ndom ka bruk ini:

Mường khương lac sa dalam 3 huyện kan kathaot di abih dalam tỉnh Lào Cai hu mbang tui sarak 30a di rajaei. Hadei di tuk sarak hu peih tabiak, huyện Mường Khương hu samar tacei pato dom mban, ngành, kapul nyaom pambuak tal ba gauk tame padang dom đề án, hạng mục cong trình praong, daong phun pajaih, anek pajaih, tư liệu sản xuất mũi nhọn piah brei mesraiy phun jien.

Sarak 30a di rajaei lac jalan daong ka bhap bini yam tagok patruh eik patrun kathaot.

Bí thư Huyện ủy Mường Khương, Nguyễn Chí Sử brei thau: peih ngak danak dak, taphia bruk daong ngak sang daok piah ka bhap bini padang mbang ngui, huyện hu pataom tame salih barau janih phun pala, athur raong tui jalan patagok jien mek tame di angaok sa mbalng taneh canh tác. Tapa sarak daong sản xuất meng phun jien 30a, bruk ngak mbang kinh tế di puk palei hu  salih barau tui jalan tagok gah công nghiệp, tiểu thủ công nghiệp, patrun bruk ngak nông. Dalam ngak nông, hu padang dom bhum ngak tabiak pandap panda praong: bhum phun lương thực (padai Séng Cù, tangei lai piah pablei…), bhum phun mbang baoh (menaih, patei..) saong bhum tea. Mường Khương jeng hu daong ka labaih 2.000 baoh sang raong saong pala barau 14.000 ha glai; daong raong athur, daong salih barau phun pala takik harei, pala phun mbang baoh. Meng nan, rai diuk di bhap bini dom bangsa di puk palei dak harei dak hu salih barau.

 Hadei di 5 thun peih ngak danak dak 30a di Mường Khương, mboh lac bruk salih barau tui jalan trei sil, kaya meda daok mai tal. Tốc độ patagok yaok thun labaih 13%; kết cấu hạ tầng dak harei dak hu ngak siam ngan saong 100% dom xã hu điện negar, blai y tế, jalan ô tô nao tal pasak xã; 90% puk, palei hu jalan nao tal dom palei; hệ thống thủy lợi ginup pruh ka 85% taneh hamu; 80% dom baoh sang palei pala hu pandar ia hacih; baoh sang kan kathaot meng 55% (thun 2011) trun daok 20% (thun 2015).

Jak jeng dalam bruk peih ngak sarak 30a di Mường Khương meng hu bruk njauk gauk, kham merat yam tagok di bhap bini dom bangsa saong bruk daong ba di bhap bini, doanh nghiệp hu mbaok tame daong pren ka danak dak. Piah  ngak hu bruk patrun kathaot samar, khang kajap ka bhap bini,  Mường Khương daok jhul khang bruk pathau khan, tacei jalan piah mikva thau samar dom kadha di danak dak; jhul khang bruk ba ilamu khoa học, công nghệ tame sản xuất, ngak siam sarak brei mesraiy ka baoh sang kan kathaot, sarak daong 50% jien laba thương mại ka dom baoh sang patagok sản xuất, bruk ngak…”. Phaok akaok UB bhap bini huyện Mường khương Đinh Trọng Khôi brei thau yau nan.