Bruk blei salih kruac ini dak tuk dak mboh chreih chrai kayua mboh radaih pambuak gauk nao mai tame truh dalam hamu apuh pajeng baoh kruac urang pablei tame gilang. Dom janih chreih chrai sambai suka ba mai ralo urang pala urang ngak nong sanang hatai ngak mbang blei salih. Kadha cih vak di Nguyễn Quang – di rayo padang di Ban raya HCM brei thau:   

Sang saai Trần Văn Năm jeng tabiak mblang hamu biak aval, samar drah pataom baoh kruac di mblang taneh hamu apuh di drei praong labaih 2ha pala kruac haong labaih 2/3 baoh kruac aik mek hu tanut siam angan GlobalGap. Kruac di sang saai Trần Văn Năm jeng ye di rilo urang ngak nong karei hu Công ty Chanh Việt, Long An, blei tame abih piah pablei tapa Amirika, Japan, Cina saong Na Uy: "Dut saong dom janih baoh karuac karei, kruac aik  di mikva mbang ini hu pandar biak  rilo. Tết thun ini abih tih dom sang urang pala jeng mek hu sản lượng, chất lượng njauk haong panuac ieu kakei, hu pataom blei ngan haong yaom biak glaong nan ye biak chreih chrai jang".

Ong Nguyễn Văn Hiển, akaok HĐQT Công ty Cổ phần pablei salih saong buh jien tame kruac aik Việt brei thau lac, kruac aik tuk paik baoh blaoh meda brei papaok dalam kadung pablei that. Langiu di nan brei ngak tabiak jeng labaih 50 janih pandap nda karei brei pablei tabiak negar langiu. Tui kuhria mboh, yaok bilan công ty ini pablei tabiak labaih 10 tấn kruac aik that brei ka dom darak pasa karei yau ye: nagar Amireka, Japan... dom harei luac thun ini, công ty mada hu dom harak lakau blei bahrau mai meng nagar Cina, Na Uy saong peih praong tal darak pasa gah Arab Trung Đông. 

Kruac aik hu yaom jeng ye darak pasa karo tani tanat brei mai bui sambai chreih chrai ka urang ngak mbang blei salih jeng ye urang ngak hamu pala drak. Ong Nguyên Văn Hiển khan brei thau lac, yaom lac baoh kruac that saong dom pandap panda ngak meng kruac aik daok njauk bruk maraik gauk biak khang min bruk buh jien tame ngak saong paglaong hatai saneng di urang ngak nong pala apuh ye mboh baoh kruac aik di Long An jeng daok hu labik hu taneh dang takai: "Biak uan tabuan tuk darak pasa kaya nong dahlau di tuk Tết mboh dom bruk biak siam jang yau siam lagaih. Yaom kruac aik urak ini hu pluh dom ribau, dut saong dahlau deih njauk hu meng 3.000 tal 5.000 ribau, kayua yau nan ye yaom kruac aik hu tagok dom mbang. Nan lac bruk ngak ka mikva pala biak chreih chrai, bui sambai".

Huyện Bến Lức urak ini ieu lac sa labih pala kruac aik praong abih. Dalam huyện hu labaih 7.000 ha taneh pala kruac aik, dalam nan hu labaih 6.500 ha kruac aik oh hu asal, hu pala pataom gauk jeng dom mblang pala praong. Rilo meng lac mblang taneh pala kruac aik hu doanh nghiệp daong ka urang nong peih ngak njauk haong ilamo pala, tani tanat dom panuac ieu kakei di bruk pablei tabiak negar langiu. Jaik 90% sản lượng kruac aik di Bến Lức duh ka bruk pablei tapa dom darak pasa Trung đông, EU, Amirika, Japan saong dom taneh ia jaik taphia. 

Masa mai tal, gam haong bruk daong urang ngak nong, urang blei salih, urang gah, HTX pandar konghe glaong, UBND tỉnh Long An pambuak bruk brei sarak karja daong brei kot bhum pala, daong pacei taneh pala, padang labih dhua pala kruac... Pakat Tỉnh kham marat dang ngak danak dak ngak nong brei pandar kongnghe glaong piah peih praong darak pasar ka dom ndap nda mai meng ngak nong dalam nan hu kruac chanh. 

Gah Công thương Long An jeng daok halan hatain jhul khang dom bruk ngak kuhria ka darak pasa, pambuak haong doanh nghiệp, pachreih bruk pablei salih piah patagok yaom glaong di kaya nong. Ong Nguyễn Tuấn Thanh, yam ndok Sở Công thương Long An brei thau lac: "Dalam jalan ngak pachreih bruk pablei salih di Sở Công thương ye jeng hu brei ngak dahlau, abih di nyu nan lac kaya nong. Langiu di thanh long ye urak ini Sở Công thương jeng daok pataom tame cak rok patagok darak pasa, ka sa lac brah; ka dua lac dom pandap mbang yau ye kruac aik, patei, panat…abih di nyu nan lac urak ini, Long An hu pandap mbang bahrau nan lac baoh durain. Urak ini Long An hu 2 labik ngak durain hu pabak mã bhum pala pablei tabiak negar langiu tui jalan chính ngạch tapa Trung Quốc".

Dalam tuk ekonomi daok rilo kan kandah, ndap nda kaya di urang ngak nong daok rilo maraik gauk dalam bruk ngak mbang blei salih di dom taneh ia nagar di dalam bhum jaik taphia, dom kein lagaih meng bruk pablei tabiak negar langiu, duah jalan pablei pandap nda ieu lac prein pachreih piah ka urang ngak nong saong urang blei salih sambai patui veik buh jien tame ka bruk ngak mbang, pala drak, pabak ka bruk pablei tabiak negar langiu./.