Padai Dong Xuan thun ini, mblang padai ngai tui sinh thai pagam saong caga khik anek sếu akaok merah di HTX Phú Xuân, xa Tam Nông, tinh Dong Thp ba mai ralo bui sambai praong brei ka urang ngak nong ngak jeng padai tagok glaong. Ini lac bilan ngak padai Dong Xuan hu yaom asar siam glaong di abih di dalam 8 mbang ngak blaoh, gam yaok sa ha mek hu meng 8-8,5 tan, asar padai praong, ban sambo kanyik, cangaih, njauk tui tanut pablei tabiak langiu nagar; oh sa janih hu padai ralo, urang ngak nong daok duah kein raba hu meng 20-25 trieu dong/1ha, glaong jang urang ngak tui gah langiu meng 5-8 trieu dong. Ong Lê Thanh Hùng, Yam ndok HTX Phú Xuân khan brei thau lac. 

 “Bruk ngak padai gam saong raong khik anek sếu ngak tui Danak dak 1 trieu ha. Piah khik ka njauk tanut asar siam, tanut dunya, ye hadei di yuak kuak, kongti brei taeik chip dan pajeng tal sang brei pambu thu dalam 12 jam piah khik asar siam brei bingi di abih ka brah, mek hu tanut siam yau ye jabat karja daok kakei”.

Kuhria mbiah tal thun 2025, taong abih atneh brei ngak Danak dak 1 trieu hecta di tinh Dong Thap mek hu labaih 75.000 ha; gam saong 21 thaik thaok ngak padai yaom asar glaong, tathuak nerak biar gam saong patagok hijau. Dom bruk ngak tui thaik thaok bahrau mboh siam, daong patagok prein mariak khang brei ka brah Dong Thap di angaok darak pasar …

Ong Lê Văn Chấn, Phaok akaok Jabat Chi cuc Pala saong Caga phun kayau tinh Dong Thap brei thau lac, di Danak dak dahlau, hu sa bruk njauk mek taong abih 100% pong di hamu hadai thun 2025, bruk ini oh ngak hu, njauk ndom mayai lac tame bilan hujan; kayua yau nan ye langiu di mek pong piah ngak khak, piah brei lamo kabao mbang, pabam di gok kayau phun pala mbang baoh,… daok brei pandar ngak ndap nda sinh hoc piah jeng khak, pakurang njom ia nerak. Ong Lê Văn Chấn daok brei thau.

 “Janih bahrau di nyu hu ieu mayai lac bruk ngak bruk pagap pakre janih pajaih brei pandar; khol dahlak pagap pakrei daok 80kg dan saong hadei di meng thun 2028-2030 nyu daok mala 70kg/1ha. Dalam nan mboh bahrau di nyu hu bruk brei tui ia ka nyu dauk, nyu thu pablak gauk; bruk ini njauk lac janih kadha praong daong pakurang patathuak khí kreih camin; dalam nan hu khí metan dalam Danak dak 1 trieu hecta ini”.

Tinh Dong Thap ngak tui Jalan bahrau brei ka Danak dak 1 trieu ha padai asar yaom siam glaong, patathuak nerak biar pataom tame brek ngak njauk siam tui jammriak ky thuat karo (tukik pajaih, tukik khak, tukik jru, pagap iar, pandar pong hrom), pagam saong majam yaom kom di nyu, jeng ye pandar iamo kong nghe lek taka piah dut, brei thau, taong yaom piah mek hu tanut njauk tui "Brah Viet hijau tathuak nerak biar". Ong Lê Chí Thiện, Phaok yam ndok So ngak Nong saong Alam langik tinh Dong Thap brei thau.

 “Piah pambak praong taneh ngak tui Danak dak 1 trieu ha padai asar yaom siam glaong, patathuak nerak biar gah ngak nong mada gam saong dom palei padang ngak dom bruk ngak ieik piah ka mikva mboh dom bruk ngak siam brei ka kinh te, kein raba ka kinh te dalam bruk ngak ka padai asar siam yaom glaong, patathuak nerak biar ka mikwa chreih ngak tui; ba mai bruk siam makre yau ye danak dak di UB Bhap bini tinh ba tabiak”.

Bruk sa hatai ngak tui jalan ngak nong hijau, tuần hoàn oh sa janih daong ka tinh Dong Thap njauk di dalam bruk ngak tui Danak dak 1 trieu ha padai asar yaom siam glaong, blaoh nyu daok padang sa baoh mblang khang brei ka bruk ngak patagok karo kajap. Bruk ngak njauk ngak jeng peih tabiak jalan nao njauk tui caong takre: paglaong yaom kom ka kaya ngak nong, pakurang nerak brei tathuak, jeng ye ngak hu tui hatai caong takre ngak kaya yau "po brei" ka urang ngak nong di taneh Sen Hồng./.