Sang saai Trương Thanh Tuyền daok di puk Mỹ 1, xã Vĩnh Phú Đông, huyện Phước Long pala 1ha tamekai Tết. Meng hua hajan siam hangin lagaih saong pandar ilamo tame pala nan ye bilan tamekai ini hu biak rilo baoh. Tuk tết meng blaoh, urang blei salih tame tal mblang hamu piah blei: “Xã palei pala bahrau kiểu mẫu ye dom gah cak rok patagok biak cambaih laih. Daok gah ngak nong hu salih meng pala padai tapa pala njam patam. Dahlau deih di pak ini, drei ngak sa thun hu 2 vu padai, kaoh tabiak jien buh tame ye 1ha laba hu labaih 50 triệu đồng. meng di tuk salih tapa pala njam patam, kaoh abih phun jien je laba di drei lac labaih 150 triệu. ”

Meng bruk lac xã palei pala bahrau paglaong hu pok brei angan di thun 2019, tukvak tapa xã Vĩnh Phú Đông daok pataom tame padang ngak xa palei pala bahrau kiểu mẫu. Tapa 2 thun kham marat padang ngak, yaom lac tukvak katut, min danak dak padang ngak padang ngak xa palei pala bahrau kieu mau di pak ini mek hu dom jak jeng cambaih laih di taong abih dom asal kadha. Abih di nyu nan lac, di kadha ngak mbang – jien mek tame – sang kan kathaot, Vĩnh Phú Đông hu pataom tame quy hoach yaok bhum sit, pambuak gauk ngak tui chuoi pambuak bruk ngak saong duah jalan pablei pandap panda ngak rilo di palei. Gam haong nan, lac patagok bruk tacei pato, pandar ilamo - công nghệ, jamraik bahrau piah peih ngak dom bruk dalam jalan ngak mbang, pala drak tui jalan ngak tabiak rilo pandap panda, hu năng suất, chất lượng, siam lagaih saong hu prein maraik gauk biak glaong; gam jhul khang bruk cak rok patagok du lich, patagok dom yaom glaong ilamo, khik ramik dom rija meng kan… Tal akaok thun 2022 xã Vĩnh Phú Đông hu pok brei angan lac palei pala bahrau kieu mau. Ong Huỳnh Hữu Tính - akaok xã Vĩnh Phú Đông, huyện Phước Long brei thau: “Tuk padang ngak hu jak jeng xa palei pala bahrau kieu mau nan lac bruk salih bharau biak cambaih laih. Dom jalan ngak mbang pala drak di rahra hu ilamo jang, blaoh mbaok mata di puk palei jeng hu khik tani tanat saong khik kajap hadah hadai, hijao, siam gheih. Rilo gah karei yau ye ilamo, ye raidiuk ilamo di rahra jeng hu paglaong biak rilo, blaoh gah an ninh, trật tự tuk halei jeng hu khik khang kajap. Raidiuk, jien mek tame di rahra jeng hu paglaong, puac thun 2021 lac 75 triệu đồng ye tal puac thun 2022 jien mek tame yaok tui akaok manuac hu labaih 80 triệu đồng sa thun, nan lac dom bruk ngak hu biak siam njauk caik hatai ”

Dalam thun meng blaoh, huyện Phước Long hu 2 xã hu pok brei angan lac mek hu tanut chuan palei pala bahrau kieu mau lac Vĩnh Phú Đông saong Vĩnh Phú Tây. Urak ini di dua palei ini, kết cấu hạ tầng palei pala hu ngak salah, alam môi trường sinh thái hu tani tanat, an ninh trật tự, salamat dalam rahra hu khang kajap, hệ thống chính trị hacih sa-at, rilo prein khang piah masuh metak, abih di nyu nan lac jien mek tame kuhria tui yaok akaok manuac mek hu biak glaong.

Tui jalan ngak lac “padang ngak palei pala bahrau hu labik peih tabiak min oh hu labik tamat”, dua labik ini jeng daok kham marat, ngak pasiam, paglaong jang dom asal kadha mek hu blaoh piah pamaong tal xa Palei pala bahrau kieu mau taong abih gah, abih di nyu nan lac kieu mau di gah padang ngak piah paglaong raidiuk mbang ngui daok dang di rahra daok pak ini. 

Meng abih tih 7 xã palei pala bahrau paglaong, dalam nan hu 2 xa Palei pala bahrau kieu mau, Phước Long daok patagok dom jak jeng ngak hu, daok kham marat padang ngak veik 3 xa mek hu tanut chuan palei pala bahrau kieu mau dalam thun ini, patagok abih tih hu 5 dalam 5 xa mek hu tanut chuan Palei pala bahrau kieu mau. Taphia di nan, huyen padang 2 xa lac Phước Long saong Phong Thạnh Tây B jeng đô thị pakat 5. Phước Long kham marat mek hu huyen Palei pala bahrau kieu mau di thun 2025 tui Sarak di Tỉnh ủy Bạc Liêu ba tabiak./.