Ngan haong urang Xơ Đăng daok di palei Mô Bành 2, xã Đăk Na, huyện Tu Mơ Rông, tỉnh Kon Tum,  ma-in kong chieng saong kaya mbang meng kan urak ini hu jeng pandap dui pachreih tuai dulich. Meng hu yau nan, bruk padang ngak palei pala birau di palei Mô Bành 2 jeng hu rilo mbuan lagaih. Sa-ai Nguyễn Thị Thiên Nga hu ame lac urang Kinh, amaik lac urang Xơ Đăng urak ini ngak Pho Akok Kapol urang kumei xã Đăk Na brei thau, mikva dalam palei biak uan tabuan kayua hu veik sa bruk birau, gam duah hu jien  gam khik ramik , patagok ilamu meng kan di bangsa drei:“ Dalam xã Đăk Na hu ia ceik Siu Puông biak mekre, ia laar jangaih bhap bini thau khik caga alam glai klo. Piah duh ka tuai mai rivang ,ma-in, mikva bhian ngak pandap mbang meng kan  di urang Xơ Đăng, yau lisei lam, ahar takaiy kubao, ikan am cuh dalam nding kreim la-ar…Meng harei patagok bruk ngak dulich  bhap bini dalam palei khang hatai jia, sami samar jang biak ralo mbang”

Mboh urang Xơ Đăng thau sahaneng, abih hatai dalam bruk ngak ka bhap bini, lagaih dalam bruk patagok kinh te kapol nyaom, meng dom urang ngak bruk daong palei pala, di xã Đăk Na urak ini padang hu 3 HTX saong 3 Kapol pambuak bruk. Bruk hu mbaok tame dom HTX hu daong ka bhap  bini salih jalan sahaneng dalam bruk ngak mbang. Ong Võ Nguyên Sinh, Akok Hội đồng Quản trị gam ngak Yam ndoc Hợp tác xã Du lịch saong Dược liệu xanh Siu Puông ngan haong 43 urang, jaik abih lac urang bangsa Xơ Đăng, brei thau: “Urang dalam HTX ye urang salih hu jalan sahaneng ngak mbang. Tame HTX  piah pala sâm Ngọc Linh ye khik hu glai saong cakrok khang kajap. Kayua urang salih hu jalan sahaneng meng nan ngak jeng dom bruk kinh te karei. Tukvak panak ye pala sâm talei, blaoh raong manuk, raong pabui piah ngak dulich. Daok suai lavik ye hu sâm Ngọc Linh. Urang hu jien mek tame katut harei saong lavik harei.”

Tui yaok pataom di UB bhap bini huyen Tu Mơ Rông brei mboh lac dalam thun 2023 hu labaih 10.000 mbang tuai dulich mai huyen. Ini lac bruk jak jeng biak njauk uan tabuan ka Tu Mơ Rông, huyen bhum atah bayah biak kan knadah di tỉnh Kon Tum ngan haong 95% bhap bini lac urang Xơ Đăng. Ong Võ Trung Mạnh, Akok UB bhap bini huyện Tu Mơ Rông khan lac, prein khang ilamu meng kan  tuk halei huyen jeng thau lac labik khang kajap dalam padang ngak palei pala birau. Bruk ieu pataom hu prein khang ini piah padang ngak palei pala birau hu daong ka bhap bini khang hatai jia jang, sami samar jang, ngak jeng bruk dui pachreih biak karei, khik ramik hu raidiuk tani tanat,, sumu gauk:“Huyen uy, UB bhap bini huyen Tu Mơ Rông labik piah patagok kinh te – xa hoi nan lac tui iek, khik caga, patagok glai; pala phun jru raong glang ala halui phun glai pambuak pagam haong dulich nan lac jalan patagok meng kaok tal iku. Tui nan huyen hu rilo danak dak , jalan ngak  piah pandar dom prein khang, dalam nan quy hoach cambaic laic dom labik dulich; brei padang ngak dom bruk bo tuai caong hu piah dui pachreih tuai,  piah bhap bini hu mbang tui rilo kein laba abih dalam bruk ngak dulich.

Meng bruk pamedeih tagok hu dom ilamu siam gheih meng kan, mikva urang bangsa takik di huyen Tu Mơ Rông jeng yau di tỉnh Kon Tum dak harei dak sami samar dalam bruk padang ngak palei pala birau. Kuhria tal puac thun 2023 hu 32 palei bhum urang bnagsa takik di tỉnh Kon Tum mek hu tanut chuan palei pala birau. Taong abih dom xã dalam tỉnh mek hu chuan meng 15 tanut palei pala birau tagok. Dalam tỉnh Kon Tum  urak ini hu 42 xã mek hu tanut chuan palei pala birau, dalam nan  hu rilo xã bhum urang bangsa takik mek hu tanut chuan palei pala birau./.