Ini hu maong lac gah tangin pambuak atah jang di Mbang pato tacei jalan ka bruk salih số pakat tỉnh, pakat huyện trun tal pakat xã saong dom palei dalam bruk peih ngak, njauk gauk dom bruk ngak salih salih angka số di dalam tỉnh. 

Ngan haong bruk pato tacei di Kapul công nghệ số di palei, njauk dalam masa tukvak katut, ong Bá Văn Đấu daok di palei Tân Đức, xã Phước Hữu, huyện Ninh Phước hu thau cambaic saong brei thau lac dom takai angka số hu rami ramik di angaok phone par tangin hu biak rilo kein lagaih, meda peih ngak dom janih online, pablei salih pandap panda di angaok di blah web pablei salih jamaraik saong abih di nyu nan lac tapa bagian laman phần mềm, rahra meda payua panuac pathau khan dom bruk ka oh njauk hatai karei yaok tuk, yaok labik biak lagaih piah ka rajaei samar drah langyah. 

Amuk Lê Thị Thu Hoa – Daok di Palei Phước Thiện, xã Phước Sơn brei thau, yaom lac ka oh thau cambaic rilo ka bruk salih angka số, min tapi meng di tuk peih ngak bruk salih angka số kon dahlak hu hulin mboh biak kein lagaih, daok di sang jeng meda ngak hu dom janih tapa phone pal tangin: “Dahlau deih njauk nao tal dom labik piah đóng jien. Urak ini, tuk salih số njauk caong hu phone par tangin, kol dahlak hulin payua hu jien ka anek mbik atau lac đóng jien dien atau dom dịch vụ karei di mangaok phone par tangin.”

Di UB bhap bini xã Phước Sơn, huyện Ninh Phước, urak ini hu labaih 2.404 harak gar di bhap bini hu urang jakar ngak di “sa baoh pambang” pato tacei jalan ngak bahrau di angaok “sa baoh pambang” piah langyah harak gal tui jalan online. Ong Ngô Văn Chánh, Akaok UB bhap bini xã Phước Sơn, huyện Ninh Phước brei thau lac:  “Di suai lavik, bruk cak rok patagok salih số ye lac biak hu kein lagaih biak praong ka bhap bini. Bhap bini jar var oh njauk nao tal jabat sa pambang bo njauk daok di sang pandar phone par tangin, pandar komputer payua harak gar tagok jabat sa pambang di dom xã, dom urang jakar ngak bruk “sa pabah mbang” taduan harak gar, số hóa dom harak gar ini, biyar dalam tukvak brei adat”.

Huyện Ninh Phước hu padang ngak 8 kapul jamraik angka số rahra ka pakat xã, ban sit saong 33 kapul jamraik angka số rahra di pakat palei. Yaok kapul jamraik angka số rahra hu meng 3 tal 5 urang jakar. Dom urang jakar di dalam kapul nao tal yaok baoh sang daong ka yaok urang rahra dalam bruk rami ramik dom janih pandar bruk nagar palei di tỉnh. Tapa bruk ngak nan, jeng hu rik buh tame daong ka mikva peih ngak hu siam lagaih dalam bruk raidiuk harei harei.

Tal urak ini, dalam tỉnh Ninh Thuận hu padang ngak 227 kapul jamraik angka số di rahra palei, ngan haong 1.143 urang. Bruk ba pakat takai jamraik angka số, công nghệ số, kỹ năng số tal rahra hu daong njom pambak jamraik angka số tal yaok rahra bhap bini, brei daong jhul samar drak bruk salih jamraik angka số di palei pala, bhum ceik dak harei dak biak khang jang. Ong Nguyễn Văn Sỹ, Yam ndok Pasak Công nghệ Jamaraik khau tin saong Dakwah Truyền thông – Sở Khau tin saong Dakwak tỉnh Ninh Thuận brei thau lac:  “Piah peih bruk salih số ye tapa Kapul công nghệ số rahra piah nao yaok jalan sit, jalan praong, yaok baoh sang tal yaok manuac urang, pato tacei bruk salih số, pato tacei ilamo biak samar drah di abih, siam lagaih di abih piah ba bruk salih số, nền tảng số, kỹ năng số tal rahra di puk palei, bhum atah biyah, bhum mikva bangsa”

Brei thau cambaic bruk salih angka số camriep meng rahra, mek rahra ngak pasak hatai, piah ka rahra mboh hu salih angka ieu lac bruk mbuan sanang, siam lagaih. Kayua yau nan ye, bruk dom kapul công nghệ số rahra hu padang ngak di dom labik hu pachreih hu hatai, bruk ngak kayua kein laba di rahra. Mai meng nan, rik tame bruk ba jamraik salih số tal yaok urang rahra daok di palei pala, bhum mikva bangsa takik saong bhum ceik car./.

Urang langTS P.V. Hẳn