Dahlau diah, Lộc Khánh lac sa dalam dom xã kan kandah di huyện tapen negar Lộc Ninh. Xã hu 50% bhap bani lac urang bangsa takik, diuk rai meng bruk ngak nong. Piah mek hu bruk ba tabiak ka palei pala bahrau di puac thun 2021, xã gaok rilo kan kandah; abih di nyu lac dalam bruk peih ngak tiêu chí ka jien mek tame saong môi trường.

Tapa dom danak dak daong brei dalam rilo thun, dom sarak ka bhap bani bangsa takik patagok hu siam makre meng bruk daong phunpajaih, anek pajaih, pachreih bruk ngak nong nan ye jien mek tame hu tagok. Yau nan min, bruk raong glang tui jalan meng kan di mikva oh khik hu hacih sa-at nan ye tiêu chí môi trường kan si mek hu.

Di ấp Ba Ven harei ini oh daok mboh bruk raong kareik limo, kubao tapen sang ngak neriak tachuak alam môi trường. Karja puk palei hu pathau khan, jak ba mikva bangsa takik ba van ro nao tabiak atah di labik daok. Tapol limo kubao yaok rituh drei hu ba nao tal labik raong kareik pataom sa labik hu daong ka môi trường di labik daok hacih sa-at jang. Kajar puk palei hu daong ka mikva padang labik raong kareik pataom sa labik meng kiak xi măng biak khang kajap nan ye khak limo khak kubao hu pataom mek ba pambu thu. Blaoh khak nan mikva mek buh ka phun pala atau ba nao pablei piah hu jien mek tame.  

Di ấp Cần Lê lac labik daok di labaih 40 baoh sang urang bangsa S’tiêng. Dahlau diah, ini lac labik kan kathaot abih di xã, bruk nao mai biak kan kandah, baoh sang khang kajap tok hu dom baoh min. Tal hrei ini, labik daok bahrau ini hu “salih ao bahrau” meng dom baoh sang  hu padang ngak khang kajap ba mai bui sambai ka bhap bani. Ong Điểu Minh, urang hu angan je di ấp Cần Lê brei thau: Jalan mbak, điện mai tal palei nan ye mikva hu mbuan lagaih dalam bruk nao mai, ngak mbang ngak huak.  

Dalam cak rok patagok bruk ngak nong, xã Lộc Khánh hu pataom tame salih bruk ngak, salih phun pala, athur raong. Gam haong nan, karja xã hu pachreih bhap bani patagok bruk ngak mbang tui jalan ngak tabiak pandap panda prong saong pambuak gauk ngak, pambuak gauk pablei pandap panda, caik hatai tal bruk pathram ilamu - kỹ thuật, samar ba ilamu bahrau tame bruk raong glang, pala drak.

Pagap yau, dalam thun meng blaoh, bruk pambuak gauk ngak padai ST24 tui jalan  hữu cơ di Hợp tác xã padai brah chất lượng xã Lộc Khánh haong Hợp tác xã Bom Bo Bình Phước hu ba mai năng suất meng 5 tấn tal 5 tấn meteh yaok ha sa vụ. Yaom pablei padai glaong, hu labik pablei tani tanat daong ka mikva hu jalan nao bahrau. Sang ong Lâm Khên daok di ấp Chà Đông biak bui sambau hadei di yuak blaoh 1,5 ha padai mek hu labaih 7 tấn. Tui ong, dom vụ padai dahlau yaom lac sản lượng padai mek hu min yaom pablei oh tani tanat nan ye sa vụ mek jien tame oh hu rilo. Meng tuk hu mbaok tame bruk ngak padai pajaih ST24, mbang yuak padai akaok mereip ngan haong 1,5 ha, bhap bani meda mek hu labaih 7 tấn padai.

Danak dak pakat negar padang ngak palei pala bahrau hu bluh angin bahrau, daong ngak ka mbaok meta di xã dak harei dak siam mekre jang, rai diuk di bhap bani tagok mboh di anak meta. Ong Trần Quang Vinh, akaok UBND xã Lộc Khánh brei thau: meng labik xuất phát biar, phun jien piah padang ngak cơ sở hạ tầng duh ka bruk padang ngak palei pala bahrau biak prong min kadung jien karja oh hu rilo. Thau lac jhul khang bruk raong, pala, paglaong rai diuk ka bhap bani lac bruk njauk ngak dahlau di abih, xã pataom tame pathau khan, jak ba bhap bani kham merat salih janih phun pala, athur raong ka nyu lagaih haong pren khang di puk palei piah patagok năng suất. Tal harei ini, xã hu 2 hợp tác xã ngak nong, 1 mô hình pambuak gauka ngak gam  haong pablei pandap panda kaya nong khik hu patagaok khang kajap.

Tal harei ini, jien mek tame kuhria tui akaok manuac hu labaih 46 triệu đồng sa urang sa thun, tagok jang 4 mbang duk haong thun 2011. Dom urang dalam umo ngak bruk hu bruk ngak jaik 92%. Bruk iek glang pren yava tuk akaok mereip ka bhap bani, bruk pato pakai hu caik hatai sangka; baoh sang hu sang daok khang kajap, meteh khang kajap, meblah labaih 96%... Xã Lộc Khánh urak ini oh daok baoh sang kathaot. Abih di nyu lac, labaih 95% bhap bani njauk hatai ka bruk padang ngak palei pala bahrau.