Thun 2020, xã Tân Mỹ Chánh mek hu angan xã palei pala bahrau paglaong. Meng jak jeng nan, Đảng bộ saong bhap bini dalam xã kham merat paglaong dom tiêu chí saong ngak pabak 4 tiêu chí di xã palei pala bahrau kiểu mẫu, blaoh tal puac thun 2022 mek hu taong abih dom tiêu chí ini.
Tal urak ini, xã Tân Mỹ Chánh hu taong abih dom jalan palei hadah - hijao – hacih mekre saong khang kajap; taong abih taneh ngak nong hu ginup ia pruh; taong abih sang bhap bini hu pandar điện siam mekre, taong abih 3 sang bac mek hu chuẩn pakat negar. Dalam xã tok daok 56 sang kan kathaot, meblah 1,26% …
Piah hu yau nan, Đảng ủy, Karja, kapul nyaom dalam xã hu dom sarak, danak dak, jalan ngak cambaih laih, sangka patagok bruk ngak di urang đảng, urang đoàn, urang hội, ba akaok nao dahlau peih ngak hu siam, paglaong dom tiêu chí di xã palei pala bahrau paglaong.
Ong Nguyễn Văn Út - Bí thư, gam lac akaok palei Bình Phong, xã Tân Mỹ Chánh brei thau, palei hu 57 urang đảng saong yaok urang đảng jeng lac sa urang pathau khan abih drei dalam bruk pathau khan, jak ba bol bhap rahra ba tangin tame padang ngak xã palei pala bahrau kiểu mẫu, palei Bình Phong mek hu angan “palei thông minh”.
Ong Nguyễn Văn Út lac: "Meda lac taong abih urang jakar, urang đảng meng tuk padang ngak palei pala bahrau tal urak ini jeng thau paglaong hatai sahneng, kham merat pathau khan ka menuac dalam sang di drei saong bhap bini dalam palei ngak siam dom jalan ngak, sarak di Đảng, dom bruk dom kadha bo Karja ba tabiak".
Đảng bộ xã Tân Mỹ Chánh hu 13 chi bộ; dalam nan hu 6 chi bộ ấp, 7 chi bộ cơ quan haong labaih 300 urang đảng. Bruk padang ngak xã palei pala bahrau kiểu mẫu hu abih urang Đảng tal bhap bini njauk hatai, pachreih tui. Urang jakar, urang đảng, urang hội di dom kapul nyaom, tổ chức chính trị xã hội dalam xã ba akaok nao dahlau dalam bruk padang ngak xã palei pala bahrau kiểu mẫu, gam haong nan, lac urang pathau khan, jak ba gauk gar, rahra pachreih tui jalan ngak ini. Amuk Nguyễn Thị Ánh Hồng, akaok kapul urang ngak nong xã Tân Mỹ Chánh khan lac: "Dom urang đảng lac urang jakar, urang dalam kapul urang ngak nong di dom palei tuk halei jeng ba akaok nao dahlau dalam bruk padang ngak palei pala bahrau. Tuk hu bruk padang ngak dom jalan dal, jalan nao mai di dom tổ, jalan hẻm ye dom urang ini halan hatian brei taneh, dalam nan hu pala njam patam bo oh cang bayar jien hagait".
Meda lac, piah mek hu angan xã palei pala bahrau kiểu mẫu, Đảng bộ xã Tân Mỹ Chánh ieu pataom hu prein khang di abih hệ thống chính trị; dalam nan urang jakar, urang đảng tuk halei jeng ba akaok nao dahlau, padang ngak xã palei pala bahrau. Dom danak dak, jalan ngak dahlau di tuk ba tabiak ngak jeng hu ginum biai, njauk gauk.Ong Trần Minh Thuận, Bí thư Đảng ủy xã Tân Mỹ Chánh daok brei thau lac: "Urang jakar, urang đảng di xã kham merat, pataom tame rilo bruk, meng pathau khan tal ba tangin tame ngak, paglaong dom tiêu chí, tacei pato bhap bini salih bahrau, ba pandar dom ilamu - kỹ thuật bahrau dalam bruk ngak, pambuak gauk ngak tui chuỗi pambuak bruk, khik caga alam alam langik tasik piah mek hu angan xã palei pala bahrau kiểu mẫu".
Mek hu angan xã palei pala bahrau kiểu mẫu lac kan, daok khik kajap saong paglaong angan ini dak kan kandah jang. Kadha ini brei hu bruk kham merat rilo jang di taong abih urang jakar, urang đảng saong rahra dalam xã piah padang bhum palei ini dak harei dak siam mekre, kaya meda./.
Viết bình luận