Bruk khik caga, iek glang prein yawa saong pakhang prein yawa di bhap bini mek hu rio bruk praong siam

Page 10/12, di Ha Noi, Tổng hội Y học Việt Nam peih bruk Taduan raok Huân chương lao động hạng Nhì saong Bruk pok meyaom trí thức naih gheih gah Y tế mbang ka dua. Dom thun tapa, bruk khik caga, iek glang prein yawa saong pakhang prein yawa di bhap bini mek hu rio bruk praong siam. Dom labik y tế, abih di nyu lac y te di bhum palei, y tế caga ruak dak harei dak hu khang kajap saong patagok. Rilo công nghe birau hu roh duah saong ba tame pandar hu siam lagaih. Dom chỉ số prein yawa yau umo thun hu patagok, Viet Nam hu dom gah di dunya taong yaom lac negar ngak siam bruk cak rok patagok sa birau thun di LHQ. Hu yau nan meng hu bruk rik daong di Tổng hội Y học Việt Nam saong dom urang tri thức, dom urang di Tổng hội Y học Việt Nam dalam peih ngak rilo bruk saong mek hu rilo jak jeng gah y te, abih di nyu lac dalam bruk pacang caga, caga jit Covid-19.

Harei 10/12, dom quận huyện di ban raya .HCM peih bruk klauk vaccine pacang COVID-19 mbang pabak ka dom urang ngak bruk pacang caga jit yau urang y tế, công an, quân đội, urang trun bruk pacang ruak,... Tui pasak pasang iek ruak kkik tban raya .HCM, mbang klauk ka 3 hu klauk ka dom urang ginup 2 mbang, tuk vak klauk lac hadei di 6 bilan kuhria meng mbang klauk puac di abih. Mbang klauk pabak brei klauk ka dom urang trun bruk pacang ruak, umo labaih 50 thun, hu ruak dahlau dalam rup, nyaom urang mbuan si njauk ruak… Dom labik y tế brei padang angan dom menuac njauk klauk mbang pabak atau klauk hadar veik, saong brei pambuak bruk hong karja, công an piah padang angan ka nyu cambaih laih.

Dalam var ngak bruk saong UB bhap bini tỉnh Trà Vinh ka bruk ngak tabiak kaya nong di tỉnh birau ini, Thứ trưởng Mentri Ngak nong saong Patgok palei pala Lê Quốc Doanh kakei lac, bilan padai đông xuân lac bilan padai praong di abih dalam thun. Kayua pandiak bhang, ia mbak meda rah tabiak di puac thun, yau nan ye brei trun pajaih tamat di bilan 12 piah plaih ia mbak puac thun. Yaom pandap buh tame ngak tagok, tỉnh Trà Vinh kakei bhap bini brei ka urang ngak nong thau dom jalan ilamu ky thuat, caik hatai brei trun takik pajaih. Daok bruk glut jaleih kayua bien ndoi khi hau, Mentri Ngak nong saong Patagok palei pala pasang iek brei pabak phun jien ka tỉnh, abih di nyu lac danak dak danao ia taba krong Láng Thé. 

Yaom lac dang anak dom kan kandah ka jit ruak, langik tasik oh lagaih, min hadei di sa thun ngak, jalan nduac samar Phan Thiết - Dầu Giây, sa dalam dom binah di danak dak jalan nduac samar Bắc - Nam gah tinum hu padang tagok. Jalan nduac samar Phan Thiết - Dầu Giây nao tapa tỉnh Bình Thuận song Đồng Nai tah jiak 100km, hu 6 jalan radaih, nduac samar di abih lac 120 km sa tuk song hu peih tabiak ngak di puac thun 2020. Meng kreih bilan 11 tal ni, tuk langik tasik siam lagaih, pandiak rilo, jit COVID-19 hu pasang iek, dom po thầu hu ba tal danak dak rilo jamriak, urang ngak, peih ngak tong abih dom bruk padang jalan song tatua… Dom bialn anak tal, dom nhà thầu pataom tame ngak ka nyu samar bruk padang ngak, kham merat ngak salah bloh tong abih danak dak dalam bilan 1/2023.

Dunya dok having akaok langyah bruk oh samu gauk ka vaccine pacang COVID-19 song dok tabiak atah bruk klauk pabak vaccine ka labik Nam bán cầu. Bruk ni dok ba tal mbuan si rah tabiak biến thể bahrau kan kandah jang di virus SARS-CoV-2. Ni lac panuac khan bahrau di abih di gah y tế dalam tuk biến thể Omicron njom mbak khang di dom taneh ia.

Rajaei Lào khan brei thau bruk padang ngak “ Bhum hijao dulich” piah peih pabah mbang veik dom gah di negar ka tuai damuai meng bilan 12 thun 2022. Tui nan, tuai damuai Lào saong negar langiu mai tal tame dom “Bhum hijao dulich” brei klauk ginup 2 mbang jru vaccine pacang Covid-19 takik di nyu 14 harei dahlau di tuk nao dulich. Tuai negar langiu brei hu thị thực online, brei dut iek PCR âm tính saong Covid-19 takik di nyu 72 tuk dahlau di tuk tagok pakal haok saong tame Lào, tui nan brei dut iek ruak sa mbang hadei di tuk tame negar. Dalam tuk cang thau bruk dut iek, tuai brei daok karei di khách sạn dalam 14 mong. Meyah dut iek mboh âm tính, tuia hu nao tal “ Bhum hijao dulich”./.

Urang lang: Hani Pha - Bhumi - 11/10 06:30:00