Mentri Y tế blei vaccine Spikevax piah duh ka bruk samar brei pabak paca caga jit di Việt Nam

Page 29/6, Tổng cục yaok pataom brei thau ka bruk ngak kinh tế - xa hoi 6 bilan tapa thun 2021. Njauk caik hatai lac dalam tuk jit ruak Covid -19 tamuh tabiak, kuhria taong abih pandap dalam negar(GDP)tagok 5.64%; yau nan min bruk blei pandar cai dalam 6 bilan tapa akaok thun tagok 1,47% dut  saong tukvak ini dahlau, biar di abih kuhria meng thun 2016; khat lahik dalam 6 bilan tagok 0,87%. Yaom lac jit ruak ngak kan kandah tal bruk ngak tabiak pandap panda, pablei salih min hu labaih 67 ribau doanh nghiep birau padang tabiak, tagok labaih 8% dut saong tukvak ini thun dahlau saong tagok 34% phun jien tut angan. Yaom lac, meteh thun ini jeng hu 35 ribau 600 D.N padeih pablei salih, tagok 22%; D.N brei ngak salah harak gal piah yah klak tagok 33,8%.

Mintri Y tế mesup ini brei thau lac hu 2 urang likei ruak dalam rup, njauk ruak Covid-19 blaoh metai, tui nan meng akaok jit tal harei ini hu  78 urang metai. Dalam nan urang metai ka 77 lac urang likei, umo 77 thun, daok di quận Bình Tân, TPHCM, daok dalam sang haong 4 urang F0 daok hu taong ruak di Sang iek ruak Quận Bình Tân. Urang metai ka 78 lac urang likei umo 54 thun, daok di quận 1, dalam rup hu ruak tagok darah, ruak thận haong me-ik saradang type 2.

Mentri Y tế  birau mbaoh tangin blei vaccine Spikevax, daok lac Moderna, piah duh ka bruk samar brei pabak paca caga jit di Việt Nam. Tui bruk ngak iek lam sang tukvak ka 3 kayua Moderna brei thau di bilan 4 thun 2021, vaccine pacang hu ruak siam 90%, pacang dom urang ruak njom nCoV trak. Lagaih di nyu oh khik piah di nhiệt độ bier biak la-ar, mbuan pajeng ba nao lagaih jang.  Urak ini 49 taneh ia daok pandar vaccine di Moderna.

Kapul roh duah Viện Hóa học, Viện Hàn lâm Khoa học saong Công nghệ Việt Nam hu duah tabiak jalan dui katut panak bruk pataom veik jru Favipiravir, piah pacang nCoV. Ini lac jalan ngak dreih yau Remdesivir, pandar piah menyum, mbang camereip hu pandar piah pacang nCoV di Vũ Hán (Trung Quốc), hadei di nan hu brei pandar di negar Japon, Nga haong dom taneh ia karei. Bruk pataom veik janih jru ini brei tapa 7-8 mbang phản ứng min kapul roh duah di taneh ia drei hu roh duah, dui katut panak bruk pataom veik jru, tok ngak tapa 3 phản ứng, meng pandap piah ngak - hu dalam taneh ia, nan ye yaom jru lap jang.

Harei 29/6, Sở Y tế TPHCM brei thau, piah sumu saong bruk rah tabiak birau di jit ruak pak ban raya, Sở Y tế brei pambuak song Sở Giao thông - Vận tải jak ba 200 radaih pajeng tuai brei ginup tuk pajeng ba urang ruak Covid-19 tui njauk bruk ba tabiak di karja. Radaih nan brei ginup dom paka pacang caga jit, piah pajeng ba urang ruak Covid-19 oh mboh ruak atau mboh ruak njol. Ini lac bruk birau hu Sở Y tế peih ngak piah pabak sumu tukvak birau di jit ruak di ban raya.

Hãngtin Reuters harei ini brei thau, bruk khik ramik sron mbon di Liên Hợp quốc angaok dunya meda brei kreik pabah mbang meng harei 1/7 meyah Đại hội đồng Liên hợp quốc oh brei tapa paok kadung jien 6 tỷ đô la Mỹ dalam thun tal, harei puac di abih lac harei pagaiy 30/6. Makna ba tal bruk dom taneh ia thành viên oh ka brei tapa lac kayua salih karei bruk ginum biai, dom bruk gah logistics, gam haong bruk Trung Quốc saong dom taneh ia châu Phi ba tabiak dom kadha di tuk puac abih. Urang dang akaok Gah khik ramik sron mbon Liên Hợp quốc duh hatai lac, dom kapul meda oh peih ngak hu dom bruk khik caga rahra, langyah jit praong Covid-19, daong ka dom kham merat gah chính trị saong langyah ba brei siam.

Nyaom biai Akok mentri Ngoại giao Nyaom dom taneh ia kinh te cakrok patagok saong birau patagok dahlau di dunya G20 peih tabiak di harei ini di Italia. Mbang taom gaok tapak kaok meti di Ngoại trưởng dom taneh ia G20 dalam labaih 1 thun tapa piah ginum biai ka dom jalan pasiam veik kinh te khang kajap hadei di jit ruak praong. Tui Viện Jien padai Dunya, jien sre tagok patui di dom darak pasar taneh ia birau patagok glaong abih labaih 86 ribau tỷ USD dalam quý akaok di thun ini. Bruk pasiam veik kinh te ka dom taneh ia daok cak rok patgaok dalam tukvak katut saong atah hu dom taneh ia G20 pataom tame daong ka 22 dalam 72 taneh ia dang anak tavak sre rilo.

Hàn Quốc daok duah jalan peih pabah mbang kinh tế saong peih ngak dom danak dak baoh blong du lịch. Pamaong ngak ka pahu bruk miễn dịch cộng đồng di bilan 11, rajaei Hàn Quốc daok hu jalan jhul patagok bruk blei pandar saong pachreih patagok kinh tế dalam meteh thun daok veik di thun ini. Urak ini 30% menuac sia Hàn Quốc hu klauk pacang Covid-19 saong meda hu 70% di bilan 9. Taneh ia ini daok duah thau, peih bruk baoh blong du lịch haong dom taneh ia yau Singapore haong Đài Loan (Trung Quốc), brei adat ka dom menuac hu klauk vaccine nao du lịch saong klaak bruk brei daok karei dom urang nan./.

Urang lang: Mousaphuong -Ái Nghiêm -29/6 15:50:44