Mesup ni (21/8), Mban tacei jalan pakat negar pacang caga jit  Covid-19 brei thau, dalam 12 tuk tapa, dalam negar oh hu urang halei njom bahrau. Urak ni, urang njom Covid-19 di  Việt Nam lac  1.007 urang, dalam nan 666 urang njom dalam negar. Dalam negar hu  542 urang ruak hu iek abih ruak, gam song nan lac  25 urang metai. Tui mintri  Y tế, dalam 1 bilan tapa  hu dut iek ka  390.490 urang, bruk dut iek hu patagok cambaih laih  dut song dom tuk vak dahlau di jit  Covid-19 di  Việt Nam. Urak ni , negar hu 123 balik dut iek meng jalan  RT-PCR song công suất 46.000 urang sa harei. Mintri  Y tế hu padang bruk dong dut iek di  3 labik piah dong ka dom tỉnh ban tagok bruk dut iek  tuk mboh khin.

Hadei di tuk urang ruak 87 thun di sang iek ruak E (Hà Nội) dut iek viek  mboh âm tính haong virus SARS-CoV2, nan lac oh njom Covid-19, puac maong bier harei kabroi, Cục khik ramik taong ruak (mintri Y tế) hu harak samar drah brei ka sang iek ruak E ngak bruk gilac meng maong 6 melam 20/8; gam tui di nan jeng ieu kakei sang iek ruak ngak catang adat pacang caga bruk njom mbak SARS- CoV2 dalam sang iek ruak tui panuac kakei di Mintri Y tế. Dahlau di nan, pasak pasang iek ruak kik Hà Nội hu mek mẫu dom urang medil lac F1 saong F2 di sang iek ruak E, taong abih urang nan jeng mboh âm tính haong SARS-COV-2.

Di pambah mbang negar dunya  Namphao- Cầu Treo, Bộ Tư lệnh Quân khu 4 bahrau jao brei  Cục Quân y-Bộ Quốc phòng Lào pandap dong pacang caga jit  Covid-19, dalam nan hu  765 kg hóa chất, 1.000 khan aow pacang khik, 175 nhiệt kế hồng ngoại, jiak  2.400 klaoh pametai anek ruak samar, jiak  79.000 blah patiah pacamg mbaok dom janih, 4.800 hagum tangin y tế song rilo pandap panda  y tế karei hu yaom abih tih labaih 1,1 tỷ đồng. Meng tuk jit  Covid-19 rah tabiak, bol bala Lào taduan hu bruk dong di bol bala bhap bini  Việt Nam dalam nan hu rilo pandap hu yaom labaih 5 tỷ đồng. Cục quân y mintri  Quốc phòng Việt Nam ba rilo urang karja  y tế tapa dong bol bala Lào peih dom jalan pacang caga jit  song iek ruak ka urang ruak Covid-19.

UBND tỉnh Đồng Nai brei thau daok pambuak saong UB bhap bini ban raya HCM duah jalan siam abih piah padang ngak tatoa Cát Lái. Dom kapul langyah njauk gauk pachrieh tui bruk padang ngak tatoa Cát Lái praong 6 jalan radaih saong labik akaok pambuak saong jalan roya Bến Lức - Long Thành di xã Phước Khánh (huyện Nhơn Trạch), nduac tagok kraong Đồng Nai saong pambuak tame jalan Vành đai 2 – ban raya HCM, atah jalan ba tagok tatoa Phú Mỹ labaih 1 km saong atah nút giao Mỹ Thủy labaih 2,3km.

Jabat  cảnh sát pasang iek mintri  Công an bahrau tabiak bruk  khởi tố bị can, pasang iek, chap khik ong Võ Tiến Hùng, Tổng Giám đốc Công ty tathuak ia Hà Nội. Tui jabat cảnh sát điều tra, ong Hùng njauk khởi tố pagam tal bruk “Ngak suan hukum ka bruk khik ramik pandar drap ar karja ngak khat lihik palai pajoa " rah tabiak di UBND ban Hà Nội  song dom đơn vị pagam tal. Dahlau di nan, ong Nguyễn Đức Chung, Chủ tịch UBND ban  Hà Nội, jeng njauk brei padeih ngak piah pasang iek pagam tal bruk ni song 2 bruk karei.

Kuhria tal dah page ni, dom urang njom Covid-19 di dunya lac labaih 22 triệu 800 ribau saong jaik 796 ribau urang metai. Jit Covid-19 di dunya daok rahtabiak sarau kadhau tuk dom urang metai kayua Covid-19 di Mỹ Latinh tagok tapa 250 ribau urang. Ma-rốc harei kabroi brei thau meda pandar viek sarak pacang cakak abih gah, tuk dom urang njom Covid-19 daok tagok di negar ni, rilo abih di dom labik rivang main. Dalam tuk nan, Cô-oét brei thau harei 30/8 anak tal ,eda yah klaak bruk giới nghiêm pandar di negar ni piah pacang caga jit Covid-19.

Tổng thống Pháp Emmanuel Macron song  Thủ tướng Đức Angela Merkel harei 21/8 taom gaok gauk di Prang  song khan lac 2 negar  Prang -Đức njauk hatai dalam dom harak  hồ sơ dunyan pandiak urak ni yau jit prong  Covid-19 di châu Âu, bruk  Belarus, meriak gauk di Hy Lạp-Thổ Nhĩ Kỳ jang yau khau tin ka urang đối lập di  Nga. Jit  Covid-19 dak harei dak jeng kan kandah di  Prang, Đức song rilo negar châu Âu, ngan song urang njom ruak yaok harei tagok di tanut glong di abih meng di tuk dom negar yah klaak bruk papatah di gauk. Thủ tướng Đức Angela Merkel brei thau, bruk njauk ngak dahlau di châu Âu lac njauk gauk ka dom jalan pacang caga jit di dom negar saong nyiah bruk kreih pambah mbang jalan tapen negar.

Urang dang akaok 15 negar Cộng đồng kinh tế dom negar Tây Phi bahrau ba tabiak panuac ieu peih palao chip Tổng thống Mali Ibrahim Boubacar Keita. Kapul 15 negar brei gam pambang tapen negar haong Mali, padieh buh phun jien tuh tame Mali piah mesuh haong bruk srau kadau bahrau rahtabiak di negar ni. Tổng thống Ni-giê-ri-a Muhammadu Buhari harei kabroi brei thau lac, bruk gam pambang tapen negar lac bruk camriep di kapul. Patui di nan dom negar njauk ngak dom adat taong phat piah patagok prein kateik greik haong kapul bol lin, ngak pasiam veik trật tự hukum di Mali./

Urang lang: Thu Thảo - H.Pha  21/8/2020 10:49:30