Dom panuac tangi sua hu langyah tabiak dalam nyaom roya 

Page harei ini 16/10, Nyaom roya Đảng bộ tỉnh Bình Thuận mbang ka XIV, vaktu  2020 - 2025 daok patui ngak bruk. Nyaom roya hu palih ruah 50 urang tame Ban Chấp hành Đảng bộ tỉnh mbang XIV, vaktu 2020 - 2025. Di Nyaom biai mbang ka sa, Mban Chấp hành Đảng bộ tỉnh hu palih ruah 14 urang tame Ban Thường vụ Tỉnh ủy Bình Thuận mbang XIV. Ong Dương Văn An, Phó Bí thư Tỉnh ủy, vaktu 2015-2020 hu pok ngak Bí thư Tỉnh ủy Bình Thuận, vaktu 2020 -2025.

Rajaei Japon daok hu jalan daong gah jien padai brei ka 23 danak dak pambuak bruk công nghệ di dom Cty Japon haong gah pambuak bruk di bhum Đông Nam Á. Dom danak dak ini piah langyah dom cuang kandah pambuak tal năng suất kaya nong saong chất lượng y tế bo dom taneh ia Đông Nam Á daok dang anak. Dalam 23 danak dak nan, njauk caik hatai lac, di Việt Nam, tập đoàn thương mại Sojitz Corp  meda pabak ka dom sang raong pabui di Việt Nam jalan khik iek tui công nghệ thông tin. Tapa nan, urang raong meda ramik veik pandap mbang rilo jang atau takik jang, saong khik iek prein yava di pabui meng camera.

Tui Đài khí tượng thủy văn bhum Nam Bộ, yaom lac hajan praong di bhum taneh gah ala Lào saong gah barak Campuchia min ia di Tasik Biển Hồ pabak ia ka bhum taneran kraong Cửu Long jeng biak sit kuhria meng dahlau mai. Kayua ia ndik sit abih dalam sajarah dakrai mai yau nan ye tui kuhria mboh dahlau, bilan pandiak, thu, njom ia mbak meda trak jang. Jabat chức năng dom palei njauk brei hu jalan padang piah ia taba, caga khat lahik. Dom harei tapa ia di dom kraong ribaong Cửu Long nyu tagok, ikan hadang tui mai ngak brei bhap bini biak uan tabuan, min jabat chức năng brei thau ia jeng daok ndik sit di abih kuhria  meng kan mai, ia meda trun dalam dom harei anak tal.

Anak bruk hajan praong dui atah, tỉnh Cà Mau brei anek saih padeih bac piah khik siam mekre dalam dom harei hajan praong, jalan dauk, mbuan hu bala oh siam ka anek saih. Kuhria tal tukvak ini, hu 2 labik lac huyện Trần Văn Thời haong huyện U Minh brei ka anek saih padeih bac. Sở jeng hu tacei pato dom sang bac hu jalan pato pabak veik piah khik ginup danak dak bac da-a.

Lac tỉnh hu rilo gaiy gilac taong chap ikan, tỉnh Kiên Giang kham merat peih ngak khang dom jalan pacang caga chap mek kaya ikan dalam ia suan hukum, oh tui bruk ba tabiak di karja. Gam saong dom gah chức năng, Bộ Tư lệnh Vùng Cảnh sát tasik 4 jhul khang bruk pasang iek gilai taong chap ikan piah bruk chap mek kaya ikan dalam ia njauk tui bruk ba tabiak di hukum karja. Urak ini, tỉnh Kiên Giang, hu jaik 3.500 gilai pagam thiết bị tui iek bruk nao tame tabiak. Gah chức năng hu padang ngak saong ngak brei salah bruk taong phạt gilai taong ikan ngak suan hukum hu duah mboh tapa jamraih ngan saong gilai oh pambuak hu langiu tasik, lih tame tasik negar langiu…Tui nan, vak angan po gilai ngak suan, urang peih gilai bhian ngak suan; duah mboh samar saong taong phạt catang dom gilai ikan ngak suan.   

Tui gah Y tế Dunya (WHO), urak ini hu labaih 100 janih vaccine caga COVID-19 daok hu patagok di dunya. Min 2 mbang ngak iek  bahrau ini njauk brei padeih veik kayua oh khik hu salamat ka anek menuac. Dom bác sĩ hu khan brei thau dom kanjah jhak di kháng thể ngan saong dom urang ruak COVID-19 trak. Urang samar trak damak jang hadei di tuk hệ miễn dịch daok tabiak kháng thể pacang veik virus.

Quốc hội Israel harei 15/10 hu brei tapa dom thỏa thuận pasiam veik talei rohim pambuak bruk haong gauk bo taneh ia ini hu mbaok tangin saong Dom Tiểu vương quốc Arab Thống nhất (UAE) saong Bahrain. Thủ tướng Israel Benjamin Netanyahu ndom lac thỏa thuận sajarah dakrai ini bmeda ba Israel mai jaik jang  dom taneh ia karei dalam bhum piah mbaok tangin tame dom thỏa thuận hòa bình karei.

Mesup 16/10 (tui tukvak Việt Nam), Twitter mboh yau hu peih veik hadei di tuk khut njauk brei padeih di dunya dalam jaik 2 tuk. Bruk jaleih mạng Twitter angaok dunya lac meng  4h30 harei 16/10  ( tui mon Việt Nam). Menuac pandar di dunya khan lac oh pandar hu mạng xã hội ini, saong bruk nan rilo meng rah tabiak di dom bhum gah pai saong timur negar Mỹ, gam haong Japon./.

Urang lang: Mousaphuong- Ái Nghiêm - 16/10