Kapul pakat negar  Việt Nam hu mbaok tame pakacah Olympic Sinh học dunya thun 2020

Page harei ini 25/8, Mban tacei jalan pakat negar pacang caga jit Covid-19 brei thau, dalam 12 tuk tapa, dalam negar drei oh hu urang njom ruak Covid-19 birau saong 5 page gam Việt Nam oh hu urang ruak ka jalan suan yawa mbuan ba tal metai ini. Yau nan, mbiah tal urak ini Viet Nam hu 1.022 urang ruak Cobid-19, dalam nan hu abih tih 680 mbang urang ruak Covid-19 kayua ruak njom mbak meng urang dalam negar. Dom mbang ruak pambak meng Đà Nẵng kuhria meng harei 25 bilan 7 mbiah tal ini lac 540 urang. Kuhria abih tih urang hu taom gaok jaik saong mai meng bhum jit daok hu tui iek prein yawa di labik brei daok karei lac 70.620 urang, dalam nan brei daok karei pataom sa labik di sang iek ruak 1.992 urang.

Nyaom biai online  peih tabiak danak dak padang ngak song patagok y tế puk palei hu mintri  Y tế peih tabiak di mesup harei (25/8) . Danak dak hu phun jien abih tih 126 triệu đô la Mỹ (USD) jiak hu peih ngak di  13 tỉnh, lac Hậu Giang, Bạc Liêu, Trà Vinh, Long An, Hà Giang, Bắc Kạn, Sơn La, Yên Bái, Hoà Bình, Quảng Bình, Quảng Ngãi, Quảng Trị và Ninh Thuận dalam  5 thun (2020-2025). Jalan ngak di danak dak  lac paglong bruk pandar  dịch vụ y tế di  puk palei di  13 tỉnh. Dong pasiam dom  dịch vụ kuhria caga, iek glang, patagok pren yava, iek ruak tuk camereip, siam lagaih ka dom urang lac uranaih, urang kamei, urang umo prong, urang di bhum kan kandah, bhap bini bangsa takik. Dalam 5 jalan ngak praong hu bruk padang bahrau  138 balai y tế xã, pasiam veik  325 bilai  y tế karei song  ramik pasiam veik  12 pasak y tế huyện

Yam ndoc Sở Công thương ban Đà Nẵng hu payua harak tal dom gah pambak tal, ka bruk peih ngak tui dom jalan parabha mbang nao darak di bhap bini daok di Đà Nẵng. Cambaic laic, UB bhap bini dom quận, huyện brei dang akaok peih bruk parabha bruk nao darak di bhap bini ban Đà Nẵng, brei pandar thẻ mbong brei tame darak; karja palei tabiak harei tame darak angaok thẻ, njuak brei 3 harei nao darak sa mbang, dom baoh sang salih ka gauk nao darak. Thẻ tame darak brei pandar sa mbang kasa darak dalam Ban Đà Nẵng, oh kuhria darak kaya iakn dalam ia  Thọ Quang dalam quận Sơn Trà. Tukvak pandar Thẻ tame darak sambo mbong meng harei 27 bilan 8 mbiah tal tuk hu tabiak panuac khan birau.

Kapul pakat negar  Việt Nam hu mbaok tame pakacah Olympic Sinh học dunya thun 2020 dalam nan hu 4 anek saih song 4 adei jeng mek hu giải, dalam nan hu  1 huy chương meh, 1 huy chương pariak, 1 huy chương ban song 1 giải Khuyến khích. Mbang pakacah hu peih tui jalan online  kayua Japon dang tabiak peih ngak. Anek saih mek hu  huy chương meh lac adei Hồ Việt Đức, anek saih tal  12, sang bac Trung học phổ thông chuyên Quốc học, tỉnh Thừa Thiên -Huế.      

Biar harei 24/8, gah chức năng tỉnh Bình Dương duah mbo sa labik di huyện Bàu Bàng, tỉnh Bình Dương daok palih ngak birau veik biak ralo grum tangin saong khan ao y tế pacang rup hu pandar blaoh. Labik ini daok di klau talei sang trọ di khu sang urang ngak, xã Lai Hưng, huyện Bàu Bàng. Tuk pasang iek, dom rajakar chức năng hu mboh urang ngak kong daok palih tabiak, papaok veik yaok rituh thùng grum tangin y tế hu ngak meng grum tangin y tế tapa pandar blaoh, oh thau meng halei mai. Tapa pasang iek, po di dom grum tangin saong khan ao y tế tapa pandar blaoh oh ba tabiak hu harak tut ngan pablei salih; gam brei thau labik nan apah ngak meng bilan 6 thun 2020 piah khik, palih dom janih grum tangin, khan ao y tế tapa pandar baloh piah pablei ka urang. 

Harei  24/8, Gah Y tế dunya (WHO) brei thau 172 negar dok hu mbaok tame bruk hu angan COVAX kayua kapul ni pal akaok piah khik hu  samu gauk vaccine pacang virus SARS-CoV-2 ba tal jit viêm jalan suah yava cấp COVID-19.   Dahlau di nan, tuk ndom tal bruk bo ong ieu lac "chủ nghĩa dân tộc vắc-xin", Tổng Giám đốc WHO Ghê-brây-ê-xút hu panuac khan bruk rilo negar dok caik tabiak kein lagaih di drei tagok dom negar karei song bruk ni dok ngak ka mbang  khủng hoảng y tế urak ni kayua jit ruak  COVID-19 rah tabiak jeng kan kandah jang. Ong Ghê-brây-ê-xút brei thau ong payua harak tal tong abih dom negar dalam Gah  y tế dunya, dalam nan hu panuac ieu dom negar ni hu mbaok tame kham merat ka bruk  patagok vaccine pacang caga COVID-19.  

Sa urang ruak Cobid-19 hu dhit ruak di Khu hành chính đặc biệt Hong Kong (Trung Quốc) birau mboh sa mbang tra njom SARS-CoV-2 bo oh njauk kayua ruak dalam rup gilac. Ini lac mbang urang ruak gilac camereip hu mboh di dunya ini. Urang ruak birau mboh ruak gilac lac sa urang likei Hong Kong njom ruak Covid-19 di bilan 3 saong dhit ruak nao sang di kreh bilan 4. Urang ini birau nao dulich Tây Ban Nha blaoh tapa Anh, hadei di tuk gialc veik mai Hong Kong harei 15/8 dut iek mboh dương tính SARS-CoV-2. Hadei di tuk dut iek gien virus dalm mbang kaok meti saong mbang ka 2 di urang ruak nan, kapol urang roh duah di Khoa Vi sinh di Đại học Hong Kong duah mboh 24 kadha karei di gauk. Njauk caik hatai lac,  oh daok duah mboh kháng thể di urang ruak.

Anak dom khaw tin ka bruk Trung Quốc daok dang anak bruk kurang padai brah pandap mbang kayua jit Cô-vít 19 saong ia ndik tuk vak jiak di ni,  harei kabroi (24/8) Cục khik caga padai brah song pandap panda pakat negar Trung Quốc ndom lac, gilang padai brah khik piah di negar ni ginup pandar labaih sa thun di  36 ban prong song labik hu drak pasa pablei salih jeng peih bruk khik piah pandap mbang yau brah atau tapung, saong meda pabak ka drak pasa pak nan meng  10-15 harei./

Urang lang: Hani Pha – Ái Nghiêm – 25/08 10:38:33