Page ini 12/3, Mentri Y tế brei thau hu dua urang njom ruak nCoV, dua urang ini jeng daok di tỉnh Hải Dương, tui nan, abih tih urang njom ruak di tỉnh ini tagok tal 713. Dalam nan, “urang ruak ka 2534” lac F1 nyom mbak di urang ruak ka 2528, hu brei daok karei meng harei 8/3. Daok “ urang ruak 2535” di Ban Chí Linh, lac urang ngak di Công ty Poyun, hu brei daok karei meng harei 28/1. Dua urang ruak nan iek ruak di Sang iek ruak Dã chiến ka 3. Yau nan, 24 tuk tapa hu 6 urang njom ruak dalam nan 4 urang mai meng negar langiu saong 2 urang dalam bhap bini.

Kapul ngak bruk di dom mintri (Y tế, jien ndua, Kế hoạch song  Đầu tư, Ngoại giao, Công an) njauk gauk pok tagok Thủ tướng pasang iek song tabiak bruk taduan mek 30 triệu mbang vaccine Covid-19 bo Công ty VNVC kakei blei di  AstraZeneca piah pabak ka Việt Nam. Tal abih bilan 4-2021, Việt Nam meda taduan 4 triệu 170 ribauu mbang vaccine Covid-19 meng COVAX Facility. Mintri  Y tế dok ginum biai song dom gah ngak vaccine karei, piah hu rilo vaccine jang, piah ginup klauk ka bhap bini Việt Nam, samar jhul kandun likuk  jit praong.

Hãng kapal haok negar Vietnam Airlines birau hu panuac caong pajeng oh mek jien 5 trieu mbang jru vaccine Covid-19 meng harei 15/3. Ini lac dom jru vaccine Covid-19 tui jalan COVAX meng kadung jien Karja. Urak ini Vietnam Airlines jeng daok peih dom mbang par pajeng pandap nao negar langiu, tal dom taneh ia di châu Á, Úc, châu Âu. Bruk nan hu daong ka Vietnam Airlines tuk halei jeng pajeng hu vaccine meng negar langiu tame tuk hu panuac ieu di karja.

366 doanh nghiệp hu rilo urang ngak, tavak sraiy jien bảo hiểm xã hội labaih 6 bilan hu ba tame bruk pasang iek thun 2021. Dom doanh nghiệp nan tavak sre abih tih labaih  1.000 tỷ đồng, kan kandah ka jiak 30.000 urang ngak. Bảo hiểm xã hội TPHCM brei thau hu ba 79 harak gar doanh nghiệp tavak sraiy dui atah  tapa jabat  công an. Tal bih bilan 2 thun ni hu  52 jabat di ban raya song jiak  13.400 urang ngak padeih buh jien bảo hiểm xã hội kayua njauk kan kandah di jit Covid-19.

Tui UB bhap bini tỉnh Kiên Giang, meng akok bilan 3 thun 2021, ia mbak njom tame dalm tỉnh tagok glaong, hu labaih 1.234 ha padai njom ia mbak, dalam nan ngak khat lahik labaih 70% lac 769 ha. Piah caga pacang pandiak bhang, ia njom mbak, meng akok bilan 2 thun 2021, Sở Ngak nong saong Patagok palei pala Kiên Giang pambuak saong Mban khik iek saong padang ngak binek karoang ribaong 10  di Mentri Ngak nong saong Patagok palei pala brei peih ngak di brong ia Cái Bé pacang ia mbak, khik ia taba, khik bruk pala drak. Yau nan min, kayua thun ini hajan takik saong njom ia mbak samar yau nan ye taneh pala drak bahrau samu 79% tukvak ini thun dahlau; bilan Đông Xuân tam drak jeng oh sumu bruk ba tabiak, trun labaih 4.800 ha. 

Mintri Ngoại giao Prang brei thau, sarak ka bruk pacadu bruk nao mai haong 7 negar langiu Liên minh châu Âu hu ba tabiak dalam harei ni (12/3). Tui nan, tong abih dom urang  nao song mai meng  Australia, Hàn Quốc, Israel, Nhật Bản, New Zealand, Anh song Singapore oh brei khan ka bruk nao di drei. Min, tong abih dom bruk karei, dalam nan hu bruk brei hu harak dut iek  âm tính song Covid-19 hu  ngak dalam 72tuk  dahlau di mbang nao, jeng daok hu pandar.

Harei 11/3, Mentri Y tế Campuchia brei thau sa urang ruak Covid-19 di Phnom Penh metai. Ini lac urang metai akaok meti kayua Covid-19 di taneh ia ini. Anak bruk jit ruak dak harei dak trak, Thủ tướng HunSen brei mek dua khách sạn di ban ine Phnom Penh piah ngak labik taong ruak Civid-19. Gam haong nan, ieu pataom 300 y bac sĩ di Bol bala hu mbaok tame iek ruak ka dom urang ruak. Tal urak ini, Campuchia hu 1.163 urang njom ruak Covid-19, dalam nan hu 545 urang dhit ruak.

Urang brei panuac di bol bala Myanmar - Chuẩn tướng Gio Min Tun (Zaw Min Tun) brei thau, bol bala Myanmar tok pal akaok negar dalam sa tuk vak halei nan song peih bruk palih ruah piah jao quyền lực ka gah mek hu jayah. Yaom lac panuac sinya peih bruk palih ruah dalam sa thun anak tal, min bol bala Myamar oh batabiak harei cambaih laih./.

Urang lang: H.Pha - A.Nghiêm  12/3/2021  10:20:19