Tỉnh Bình Thuận patagok pasang iek, taong phat dom bruk ngak suan hành chính ngan haong quan cà phê, quan ia

Page ini 1/6, Mentri Quoc phòng peih Nyaom biai online haong abih bol lin dalam negar ka bruk ngak, jalan ngak samar drah dalam pacang caga jit Covid-19 tal 187 labik. Mbang jit ka 4 ini, dom gah di bol lin hu pabak brei 1.000 urang daong ka pasak jit ruak Bắc Ninh saong Bắc Giang; padang 3 sang iek ruak dã chiến iek ruak Covid-19, hu taduan taong ruak ka 641 urang. Dom đơn vị hóa học saong quan y hu  pruh jru pametai anek ruak di dom sruh jit  praong abih tih labaih 80ha.

Pathau khan di mbang ngak bruk online di Phó Thủ tướng Thường trực Trương Hòa Bình haong TPHCM dah page ni (1/6), Sở Y tế TPHCM brei thau, meng maong 6 melam tal maong 6 dah page ni, dalam ban raya hu 11 urang bahrau dương tính haong Covid-19.  Yau nan, dalam sa adit tapa, ban raya hu 211 urang ruak meng Hội thánh truyền giáo Phục hưng saong hu peih praong bruk dut iek labaih 181.000 mẫu piah pasang iek dalam rahra. Taong abih 20 dalam 22 quận, huyện hu manuac ruak, lingiu di quận 11 saong huyện Cần Giờ. Ban raya hu ieu pataom kapul menuac di gah y tế mek mau dut iek, ngan haong prein ngak lac dut iek hu 100.000 menuac sa harei.

Kapul Pajeng ba meng radaih oto Việt Nam birau hu harak harak layua tagok Mban tacei jalan pacang caga jit ruak Covid-19 pakat near saong Mban tacei jalan pacang caga jit ruak Covid-19 dom tỉnh, ban brei caik hatai sangka, brei klauk jru vaccine caga Covid-19 ka urang peih radaih. Tui yaok pataom, urak ini dalam negar hu labaih1,5 trieu urang peih radaih oto pajeng tuai damuai saong pajeng pandap panda yaok janih. Kayua bruk ngak nan, dom urang peih radaih mbuan njom ruak saong pambak ruak Covid-19 dalam bhap bini.

UBND tỉnh Bình Thuận bahrau hu harak samar drah ka bruk patagok pasang iek, taong phat dom bruk ngak suan hành chính ngan haong dom labik pablei salih, quan cà phê, quan ia… iek lap bruk pacang caga jit Covid-19. Tui panuac khan di Báo Sài Gòn Giải Phóng, dah page 1/6, rilo quan cà phê, quan pablei ia di ban Phan Thiết, dom manuac pataom gauk biak rilo, rilo urang oh cuk pataik pacang mbaok, po dom labik pablei salih oh ngak catang bruk paatah di gauk takik di abih lac 2m di dom bàn.

Page ini, Mban tacei jalan pacang caga jit Covid-19 tỉnh Long An brei thau,sa sinh viên likei mai meng Ban raya HCM njom SARS-CoV-2. Dahlau di nan, urang ini bac pasram di sa Cty di Ban raya HCM, hadei di nan mai sang di huyện Cần Đước. Yau nan, tapa 5 harei mboh urang ruak camereip, Long An hu 6 urang njom ruak dalam bhap bini, abih dom urang nan hu pambuak tal jit meng Hội thánh Truyền giáo Phục hưng.

Nhật Bản bahrau brei pandar 1 jalan ngak suai lavik piah samu haong Mỹ saong Châu Âu dalam bruk cak rok patagok saong ngak tabiak vaccine. Jalan ngak ni hu kanja Nhật Bản brei tapa di dalam harei ni. Tui nan hu panuac ieu brei padang dom pasak roh duah saong cak rok patagok pakat glaong abih pataom tame dom roh duah bahrau, jang yau padang jalan ngak di rajaei dalam bruk parabha yaom jien ka nyu lagaih. Rajaei Nhật Bản jeng meda kuhri kuhria blei vắcxin kayua dom Cty tư nhân cak rok patagok meyah tamuh tabiak dom janih ruak njom mbak bahrau.

Malaysia brei thau hu labaih 82.300 mbang urang dương tính saong nCoV di anek kuman saong uranaih sit, dalam tuk jit Covid-19 daok rah tabiak sraw kadau di taneh ia ini. Akok Mentri Y te Malaysia, ong  Baba brei thau, yaom lac hukum taneh ia oh hu bruk toang phạt dom amaik ame ba anek nao tal labik rilo manuac, min meda peih bruk duah thau meyah luai ka dom anek njom nCoV. Malaysia harei kabroi hu labaih 6.800 urang njom nCoV, abih tih urang njom ruak dalam negar tal 572.000, dalam nan labaih 2.7000 urang metai. Taneh ia ini harei ini peih bruk pacang cakak dalam negar tal harei 14/6.

Hãng tin Reuters ba panuac di dom urang hu mbaok di nan brei thau bol bala Myanmar hu pandar pháo binh saong kapar haoh trực thăng piah taong tame dom kapul cagar veik kanja di gah timur negar ni, ngak ka yaok ribau bhap bini nduac klak nao labik karei piah plaik bruk mesuk metak. Tui Liên Hiệp Quốc, mesuh metak di bang Kayah ngak ka labaih 37.000 urang gah đông nam Myanmar nduac klak sang nao tal labik karei dalam dom adit jaik di ni. Meng di tuk bruk mesuk metak rahtabiak, ngak ka labaih 800 bhap bini metai./.

Urang lang: Thu Thảo – Ai Nghiêm – 01/06 15:27:30