Pahadar 110 tuh harei menek di arauh Đại tướng Võ Nguyên Giáp 

Page ini ( 22/12), di tỉnh Quảng Bình, Mban Chấp hành Trung ương Đảng, Quoc hoi, Akaok negar, Rajaei,  UBTWMT Negar Việt Nam saong tỉnh Quảng Bình peih bruk pahadar 110 Harei menek Đại tướng Võ Nguyên Giáp dalam praong prang.Harei Pahadar piah pok meyaom saong hadar dhar phol  prein yava rik daong biak praong di Đại tướng ngan saong bruk mesruh metak peih paha bangsa, yasa taneh ia, padang ngak saong khik caga Negar Viet Nam XHCN; brei mboh bruk tacei ba jalan hadah krah di Đảng CSVN, Chủ tịch Hồ Chí Minh saong dom urang pan akaok ba jalan cách mạng gheih ghang  dalam bruk mesruh metak mek veik bebat, tự do di bangsa, hòa bình, yasa taneh ia, dak padang saong khik caga palei negar.

Urak ni, jit COVID-19 dok rah tabiak srau kadau. Mintri Y tế bahrau hu harak samar payua ka UBND dom  tỉnh, ban  ka bruk tacei pato khik caga urang dalam nyaom mbuan si njom  COVID-19. Dalam nan hu panuac cong dom tỉnh ban parabha kadung jien , jak ba dom mban, dom gah, kapul nyaom xã hội hu mbaok tame peih ngak tacei pato nan dalam labik di drei ka nyu siam mekre. Dom  xã, phường,ban sit... kapul nyaom pasang iek, ngak harak padang angan, yaok pataom menuac urang di nyaom mbuan si glong , boh sang hu urang di nyaom mbuan si song batabiak angan nyaom mbuan si njom  COVID-19. Dom tỉnh ban peih dom kapul nyaom COVID-19 bhap bini, kapul iek glang urang njom COVID-19, vak angan je  song tui iek pren yava urang di nuom mbuan si glong. Gam haong nan brei pachreih ba urang di nyaom mbuan , si  oh ka klauk atau klauk oh ginup piah samar klauk vaccine pacang  COVID-19.

Biar harei 21/12, kapol urang pan akaok Ban raya HCM kayua ong  Nguyễn Văn Nên, Ủy viên Mentri Chính trị, Bí thư Thành ủy Ban raya HCM ba akaok mai rivang saong tadhau ayuh Tòa Tổng Giám mục Tổng Giáo phận TPHCM saong  Tổng Giám mục Tổng Giáo phận TPHCM Nguyễn Năng di tuk jaik tal harei Giáng sinh thun 2021 saong Tết Dương lịch thun 2022. Lambaok urang pan akaok Ban raya HCM, ong Nguyễn Văn Nên taduan saong taong yaom glong dom  rik daong di dom linh mục, tu sĩ saong bhap bini katolit ngan saong bruk cak rok patagok  di ban raya, abih di nyu nan lac dalam bruk jak ba pacang caga jit Covid-19 meng blaoh. Abih di nyu nan lac, hu bruk rik prein tame di dom dam dara, cei anai tu sĩ halan hatian tagok jalan nao daong bruk pacang caga jit ruak Covid-19, klah rabha saong daong mikva oh patuah njom ruak Covid-19 dalam luac tukvak taong ruak.

Di Bến Tre, yaok harei hu  700-750 urang njom bahrau  COVID-19, hu harei tabung glong tagok tal labaih  1.000 urang. Piah pasang iek jit ruak siam lagaih  dalam tuk siam mekre bahrau, Bến Tre samar padang dom  bilac y tế nao mai  di tong abih dom  xã, phường piah samar iek glang ka dom  F0 iek ruak di sang. saong piah urang ngak sahnang hatai ngak bruk, Mban khik ramik  dom labik ngak cong tỉnh Bến Tre hu jak ba piah padang jeng labik taduan urang ruak tame taong ruak, labik dok karei anak meta di dom labik ngak cong piah ba F0 tabiak truh sang mac , patrun bruk njom mbak saong patrun trak damak ka dom doanh nghiệp hu rilo F0 atau oh ginup  labik piah brei dok karei .

Danak dak “ Padang ngak saong cak rok patagok bruk pala pablak tame dom janih phun mbang baoh dalam bein caphe bhum Tay Nguyen” tukvak  2019-2021 hu peih ngak di 4 tỉnh nan lac Đắk Lắk, Đắk Nông, Gia Lai saong Lâm Đồng, ngan saong 115 hecta taneh pala bơ saong durian dalam bein  caphe. Ta-eng di Đắk Lắk, dalam 3 thun (2019-2021), danak dak padang ngak  hu 55 ha taneh pala pablak ngan saong 55 baoh sang tame ngak. Danak dak hu daong 70% phun pajaih saong khak drak; peih tal pasram, ilamu ky thuat tacei pato ka dom baoh sang bhap bini piah ba tame ngak tui. Mbiah tal ini, dom bruk pala phun mbang baoh tamuh siam, that hijao. Tui kuhria mboh dahlau, tuk phun mbang baoh tal tuk paik baoh, meda brei jien tame tagok labaih 20% dut saong bruk pala sa janih caphe , trun bruk khat lahik tuk kaya nong trun yaom…

Hãng jru  Shionogi di Japon  bahrau brei thau bruk langyah tuk camereip brei mboh  , janih jru menyum taong ruak  Covid-19 bo jabat ni dok patagok  hu siam lagaih dalam bruk pacang  biến thể bahrau  Omicron. Jru menyum  Covid-19 dong patagok bruk pacang  virus song meda pacang veik  biến chủng Omicron dreih yau dom janih karei. Janih jru ni urak ni hu pandar ka dom urang ruak di tuk camereip njom mbak song hu siam lagaih piah pacang ruak trak song patrun patuh atau pandiak. Hãng jru Shionogi dok likau batabiak janih jru ni tame pandar chip dalam puac bilan ni.        

Cục Khí tượng Thủy văn Malaysia brei thau, hajan praong saong hangin khang  meda rah tabiak trak jang dalam dom harei anak tal, ngak brei ia dauk di rilo labik. Manuac metai kayua ia dauk ia sua di Malaysia dom harei tapa tagok tal 23 urang, dalam tuk labaih 70.000 urang njauk klak sang nao daok labik karei. Thủ tướng Malaysia hu panuac brei thau dom suai damuai dalam bruk ngak di dom jabat an ninh liên bang, ba tal bruk bhap bini gar veik dalam ia sua labaih 2 harei dahlau di tuk hu daong ba tabiak, abih di nyu nan lac di Selangor, labik kaya meda saong hu rilo bhap bini di abih di negar ini.

Urang lang: Hanipha- Ái Nghiêm -22/12