Mesup ni  22-6, Mintri Y tế brei thau hu  47 urang njom  Covid-19 bahrau, dalam nan hu tal  36 urang di ban raya HCM. Meng mpn 12 melam ni  Hà Nội brei adat peih veik  nhà hàng, labik pablei salih pandap mbang menyum dalam sang, labik cakak mbuk, raco akaok... Min brei khik paatah di gauk song  tok brei pandar meteh prein  di  nhà hàng. Daok nhà hàng alak, kuan alak mbia, tok brei pablei ba mai sang. UBND TP Hà Nội hu panuac kakei tong abih rahra peih bruk pathau khan y tế online dalam 24 mon, tuk mai veik ban, dom kapul Covid-19 bhap bini duah thau angan je urang meng labik karei mai, caik hatai sangka urang mai meng  Bình Dương, ban raya .HCM, Nghệ An, Hà Tĩnh song  Đà Nẵng piah pasang iek.

Ban raya Hồ Chí Minh daok peih bruk klauk vaccine Covid-19 praong abih kuhria meng dahlau mai haong labaih 1.000 labik klauk gam saong 944.000 mbang vaccine. Hadei di tuk ngak salah mbang ni, dom urang hu klauk jru di TP Hồ Chí Minh meda hu 6%. Dalam nan, taong abih urang ngak di labik ngak kong, labik chế xuất saong labik công nghệ glaong jeng hu klauk vaccine Covid-19. Abih tih dom urang hu klauk jru di labik công nghệ glaong lac labaih 46.000 urang, dom labik công nghiệp, labik chế xuất lac jaik  280.000 urang. Urak ni dalam ban raya hu 1.032 kapul klauk jru, ieu pataom meng 547  sang iek ruak, labik iek ruak kuhria gam tư nhân, pasak y tế. Yaok kapul klauk hu takik di nyu lac 5 urang, dalam nan hu 2 bác sĩ.

Tỉnh Vĩnh Long bahrau ngak salah bruk klauk vaccine pacang Covid-19 mbang ka  3, di  11 labik klauk dalam  tỉnh. Dalam mbang ni, tỉnh Vĩnh Long pataom tame klauk vaccine  Covid-19 ka dom urang jakar, công chức, viên chức lac urang gru pato dom pakat dalam tỉnh. Tui urang pal akaok UBND tỉnh Vĩnh Long, dalam mbang ka 4 anak tal, tỉnh hu peih bruk klauk vaccine pacang Covid-19 ka tong abih dom urang lac boh sang kan kathaot dalam tỉnh.

Tỉnh Bình Phước bahrau peih pakak danak dak pahadar bruk duah jalan daong taneh ia di Thủ tướng Campuchia Hun Sen di ấp Thạnh Tây, xã Lộc Tấn, huyện Lộc Ninh. Atah di ni 44 thun, harei 20/6/1977, Trung tá Hun Sen - Trung đoàn trưởng bhum 21, gah timur Campuchia, urak ni lac akaok Đảng bhap bini, Thủ tướng rajaei Campuchia – saong urang nao gam hadei di tuk yam tapa jalan tapen negar Campuchia – Viet Nam duah bruk daong di Viet Nam piah taong pajaleih kol diệt chủng Pol Pot, ba mai saron mbon ka taneh ia Campuchia. Danak dak pahadar bruk duah jalan daong taneh ia di Thủ tướng Campuchia Hun Sen di tỉnh Bình Phước hu dom bruk lac: Bia patau pahadar di labik padeih rtakai X-16; labik piah khik phao ndao; labik taom gaok boll in saong bol bhap rahra Việt Nam; sang parang iek thaot binguk, pandap panda pambuak tal bruk duah jalan daong taneh ia di Thủ tướng Hun Sen.

Harei  21/6, Viện Kiểm sát bhap bini  TP.HCM  hu mbaoh tangin tame harak khởi tố bị can ngan song ong Tất Thành Cang – urang dahlau deih ngak Phó Bí thư thường trực Thành ủy TP.HCM song 3 urang karei lac: Phạm Văn Thông (urang dahlau deih ngak Phó chánh Văn phòng Thành ủy); Huỳnh Phước Long (urang dahlau deih ngak Trưởng phòng jabat khik ramik pablei salih  phun jien di  jabat  Thành ủy) song  Phan Thanh Tân (urang dahlau deih ngak  Phó chánh Văn phòng Thành ủy). Dom urang ni njauk khởi tố piah pasang iek ka duas  "Ngak suan hukum ka bruk khik ramik song pandar  drap ar kajra ngak khat lahik palai pajoa" pagam tal ngak suan bruk  pablei labik taneh di karja prong 32 ha di  xã Phước Kiển, huyện Nhà Bè, ka urang karei oh njauk adat hukum. Yau nan, pagam tal bruk ngak suan pablei  32ha taneh nan  hu  10 urang njauk  khởi tố.

Điện Kremlin harei kabroi (21/06) hu panuac lac, bruk njom mbak jit Covid-19 di Nga daok rahtabiak tui jalan dak harei dak jhak nao. Tui yaok pataom, dalam harei kabroi, dalam taneh ia Nga hu labaih 17 ribau 300 urang njom Covid-19 bahrau saong hu 440 urang matai. Tal urak ni, bahrau hu 9,9% rahra Nga hu klauk ginup 2 mbang vaccine Covid-19, yaom lac Nga lac taneh ia camriep di dunya hu brei adat pandar vaccine caga Covid-19 di bilan pandiak thun 2020.

Dalam 24 mon tapa, Inđônêsia hu labaih  14 ribau 500 urang njom Covid-19 bahrau  - tanut tagok glong di abih  meng di tuk jit prong tamuh tabiak di negar ni, tui nan menuac njom dalam negar yam tapa  2 triệu urang. Tui mintri Y tế Inđônêsia, mbang tamuh ni kayua janih anek ruak  Đen-ta bahrau saong mai meng  dom bruk nao mai song mbang menyum di tuk roya  Eid An Fid di urang Islam bilan bloh, oh caik hatai hagait tal adat pakauh di rajaei.

Tổng thống Mexico Andres Obrador harei ni hu panuac ieu 1 mbang pasang iek liên bang ka bruk cuh phao rahtabiak di labik ban sit Reynosa di puac adit blaoh, ngak brei 19 urang metai. Mê-hi-cô lac 1 dalam dom taneh ia gaok trak damak meng dom bruk taong cuh gauk di rilo tapon, kapul tội phạm. Dalam nan, ban sit Reynosa jaik jalan tapen negar haong Mỹ lac 1 dalam dom ban biak kanjak jhak abih di Mê-hi-cô, ngan haong rilo băng đảng ma túy, pablei salih manuac ngak bruk biak srau kadau./.

Urang lang: H.Pha – Thu Thảo - 22/6/2021