Bến phà pambuak  duah gah di Ban Cao Lãnh saong huyện Lấp Vò, tỉnh Đồng Tháp brei padeih peih meng kreh melam 24/8

Page ini (24/8), UB bhap bini tỉnh Quảng Ngãi brei pacadu dom jalan pacang caga jit Covid-19 di tỉnh. Tui nan, tỉnh Quảng Ngãi brei adat peih veik dom bruk yau bhian harei ngan saong dom labik ngak tabiak pandap panda, pablei salih dịch vụ: Mbang, menyum caphe; dom bruk ma-in sambai, dulich, dom jabat pato megru hu adat brei ngak, min oh brei peih ngak dom bruk praong. Daok ndam lakhah, ndam padhi, …tỉnh Quảng Ngãi kakei brei peih ngak mbuan mbiah, lagaih saong raidiuk, siam mekre, oh pataom tapa 50 urang dalam 1 tukvak haong gauk. Bruk pajeng ba tuai damuai dalam tỉnh, dom tỉnh karei hu peih ngak saong brei ngak tui dom jalan pacang caga hu salamat, pacang jit tui adat…Bruk pajeng ba pandap panda, pandap pandar yaok harei saong bhap bini Quảng Ngãi nao tal huyện Lý Sơn jeng hu pambuak veik. Jeng dalam harei ini, bruk pato saong bac di tỉnh Phú Yên hu peih veik hadei di tuk padeih piah pacang caga jit Covid-19.

Cục Cảnh sát giao thông (C08) – Mintri  Công an brei thau, hadei di  21 harei peih bruk patagok tui iek  duah thau langyah ngak suan  ka jru phiel,  nồng độ cồn, gah  Cảnh sát giao thông dalam negar  duah mboh  9.355 urang hu  nồng độ cồn, dalam nan hu 8.663 urang peih radeih  mô tô. Gah Cảnh sát giao thông tong phạt labaih  48,6 tỷ đồng, mek harak peih radeih  7.721 urang , khik chap 9.355 radeih. Dalam nan 83 urang dương tính song jru phiel njauk langyah, hu rilo urang peih radeih pajeng tuai , radeih  tải, radeih  container. Meng ni tal puac thun 2020, gah  Cảnh sát giao thông daok patagok menuac saong pandap piah pasang iek, langayh urang ngak suan dalam nan pataom tame langyah dom urang hu  nồng độ cồn, jru phiel, pambuak song bruk pathau khan, pasang iek pacang caga jit Covid-19.

Bến phà hu meng rituh thun pambuak  duah gah takai kraong Tiền di Ban Cao Lãnh saong huyện Lấp Vò, tỉnh Đồng Tháp brei padeih peih meng kreh melam ini 24 bilan 8. Dahlau di nan, tuk tatua Cao Lãnh brei radaih peih tapa di thun 2018, phà Cao Lãnh jeng daok brei peih 2 baoh sit piah pabak bruk nao mai di bhap bini daok dua gah takai kraong. Tui Sở GT-VT tỉnh Đồng Tháp, anak tal sở brei đấu thầu buh jien tame ngak sa bến đò sit Lấp Vò - Cao Lãnh piah pabak bruk nao mai di rahra.

Liên đoàn Lao động quận Bình Tân (TP.HCM) brei thau, Công ty TNHH PouYuen Việt Nam hu bayar bloh jien dong lahik bruk ngak ka labaih  2.800 urang ngak njauk cakak trun  kayua jit  COVID-19. Tong abih pok jien dong lahik bruk ngak lac  260 tỉ đồng song tui tanut bayar lac  labaih  40-60 triệu đồng. Pok jien dong pakat glong di abih  bo urang ngak taduan hu lac  320 triệu đồng. Công ty jeng peih bruk bayar harak  sổ ka dom urang ngak lahik bruk ngak . Langiu di pok jien dong lahik bruk ngak , công đoàn công ty jeng hu jao brei yaok urang ngak sa pok pandap hu yaom  300.000 đồng.

Tui dom urang ilamu gah khí tượng -thủy văn, langik di Ban raya HCM saong bhum Nam bộ daok yam tame dom harei pandiak bhiang catang. Tukvak rah tabiak pandiak catang lac dalam bilan 8, bhian rah tabiak meng 7 tal 10 harei, suai di abih lac meng 15 tal 20 harei. Kayua oh hu hangin Tây Nam yuh, daok hangin Đông Nam thu catang. Yau nan ye, adit ini, nhiệt độ di TPHCM pandiak tagok. Yau nan min, dom harei akok adit, kayua hu hangin Tây Nam pataom mai yau nan ye di bhum Tây Nguyên saong Nam Bộ njauk brei caga kayua meda hu hajan mbiah, praong di tuk biar harei saong tuk melam .

Hãng thông tấn karja  SANA di Xyri harei ni brei thau, sa mbang patuh jalan nding ba khí đốt ngak lihik điện di  Xyri. Mbang patuh rah tabiak di labik  At Đu-may song  Át-ra, gah lingiu ban ine Đa-mát. Jalan nding ba khí đốt A-rập ni pambuak gah merong Xyri song binah dok veik di negar ni. Akaok mintri xăng menyek  Xyri ndom lac, mbang patuh meda lac sa mbang tong khủng bố. Urak ni oh ka thau hadom menuac metai song khat lahik hadei di mbang patuh. Jalan nding  ba khí đốt A-rập atah 1 rabau  200 ki-lô-mét, pabak  nhiên liệu meng  Ai Cập tal  Xyri, Li-băng và Giooc-đa-ni. Ni lac mbang patuh ka 6 rah tabiak di jalan nding ba khí đốt di  Đa-mát.

Page ini, Đài Khí tượng negar Trung Quốc daok brei thau piah caga hajan praong katam kanjik. Tui kuhria mboh dahlau, meng 8h page harei 24/8 tal 8h page harei 25/8 tui maong pak nan, dom tỉnh ban di bhum Đông Bắc saong Đông Nam negar ini meda hu hajan praong, hu dom labik hu hajan biak praong. Dalam dom labik hu hajan praong, hu gah Tây Bắc tỉnh Quảng Tây saong jaik abih labik dalam tỉnh Vân Nam, dalam nan gah pai saong gah brak tỉnh Vân Nam hajan biak praong. Ini lac 2 tỉnh daok jaik taphia negar Viet Nam. Dalam harei 25 saong 26 bilan 8, di tapen tasik Đông Nam Quảng Tây jeng hu hajan biak praong.

Tui pathau khan di rajaei Japon, 2 hãng kapan haoh prong abih di  negar ni lac Ôn Ni-pông E-uây song Hãng kapan haoh (Japan Airlines) hu cakak dom mbang par dalam negar  piah pacang cakak dom mbang njom  Covid-19 di dom “labik pandiak”. Ui nan, hãng kapan haoh Ôn Ni-pông E-uây trun 45% dom mbang par dalam negar dalam bilan anak tal. Dreih yau nan, Hãng mblang kapan Japon khan lac  hu patrun  43% dom mbang par dalam negar dalam 2 adit camereip di bilan 9.  Dahlau di nan dalam bilan 3 – tuk vak jit Covid-19 rah tabiak, 80% mbang par dalam negar Japon njauk klaak tuk bruk kan kandah di jit ruak hu batabiak.

Urang lang: Ái Nghiêm – Hani Pha – 24/08 16:25:01