Tani tanat saong hệ thống di dom quy hoạch; piah khik iek saong dui pachreih buh jien tame patagok bhum

Page ini 25/11, Phaok Thủ tướng Lê Văn Thành dang akaok Nyaom biai pasang iek quy hoạch bhum taneran kraong Cuu Long vaktu 2021 -2030, pamaong tal thun 2050. Bruk quy hoạch bhum Taneran kraong Cuu Long piah hu jalan ngak brei cak rok patagok, rami ramik labik saong parabha prein khang ka dom bruk ngak kinh te -xa hoi, quốc phòng, an ninh, khik caga alam moi truong hu kuhria tal bruk pambuak dom gah, pambuak bhum saong pambuak tỉnh tui bruk lagaih haong prein khang di bhum, jak ba saong pandar siam dom phun jien piah patagok Bhum taneran kraong Cuu Long mbiah tal thun 2050 hu jeng Bhum cak rok patagok mbiah glong dut saong dalam negar; Duah thau saong rik tame langyah dom bruk kurang oh sumu dalam cak rok patagok Bhum taneran kraong Cuu Long piah pambuak brei sumu gauk, patui jalan, tani tanat saong hệ thống di dom quy hoạch; piah khik iek saong dui pachreih buh jien tame patagok bhum.

Hadei di tuk pasang iek hu jit COVID-19, ban raya HCM hu peih rilo jalan tacei bruk ngak , dong labik dok, pato pakai paglaong tangin gheih ngak… piah urang ngak mai ngak bruk veik. Ong Nguyễn Văn Sang, phaok yam ndoc pasak Dịch vụ ngak bruk dam dara ban raya .HCM brei thau, bruk caong hu urang ngak di ban raya biak prong ngan song 300 doanh nghiệp caong duah urang ngak, labaih 50.000 labik ngak bruk daok cang menuac ngak di pasak. Min dom urang ngak urak ni oh ka pabak hu ka drak pasa . Bruk oh ka yau gauk dalam bruk nao mai di dom tỉnh ban song hatai dok huac kanda ka jit COVID-19 dalam tuk vak jiak Tết jeng ngak ka rilo urang ngak oh khin mai veik ban raya.

Dalam dom harei tapa, dom F0 tagok glong gam gam ba tal dom tỉnh di Bhum taneran kraong Cuu Long brei khik catang dom jalan pacang caga jit Covid-19. Di Hậu Giang, meng harei kabroi (24/11), dom xã, phường, ban sit, labik hu jit pakat 3 tagok brei ba-ar ka mikva nao darak oh tapa 15 mbang dalam sa bilan. Urang nao darak brei klauk ginup 2 mbang vaccine. Ndam padhi oh brei pataom tapa 20 urang sa mbang haong gauk. Tỉnh Kiên Giang iek dom jabat, labik ngak bruk brei dut iek ruak samar 3 mbang dalam sa adit ka urang jakar, langyah catang tuk hu urang ngak suan 5 paka di Mintri Y tế, atau ngak suan bruk ba tabiak brei F0, F1 di sang. Daok tỉnh Bến Tre, meng mon 12 harei paguh 26/11, takik brei bhap bini tabiak jalan meng mong 21 tuk harei dahlau tal 4 tuk page harei hadei. Dom bruk ngak mbang pablei salih labik labik bida, kuan bar, karaoke, labik chiat, labik ma-in game brei padeih. Tui nan, gah y te pataom prein tame, pandap panda mac jamraih y te brei taong ruak ka urang ruak Covid-19.

Yaom hadang that di Bà Rịa -Vũng Tàu dok tagok glong ngak ka rilo urang raong hadang chreih chrai. Tuk vak meng bilan 7 - 9/2021, jit Covid-19 rah tabiak di tỉnh ngak ka hadang trun yaom , urang rong hadang khat trak . Meng bilan 10 tal ni, tuk di pak ni diukrai lagaih song jit covid, yaom hadang hu siam veik, meng 190 -250 ribau đồng sa kg (janih meng 25-30 drei sa kg). Ni lac bruk njauk bui sambai ka urang rong hadang. Min, tui ong Nguyễn Hữu Thi, Phó akaok Chi cục kaya ikan Bà Rịa-Vũng Tàu hu panuac kakei urang rong mbang ni njauk palao ka nyu mbiah piah pacang dom bruk oh ka lagaih meng langik tasik ba tal khat lahik ka hadang rong.

Tòa án bhap bini huyện Trần Văn Thời, tỉnh Cà Mau birau langyah sơ thẩm saong taong phạt urang Lâm Minh Hiệp, umo 27 thun, palei huyện Đầm Dơi, tỉnh Cà Mau, lac urang ngak di Kapol nyaom kaya ikan Minh Phú, di Cà Mau) 1 thun guk kayua duis ngak njom mbaok ruak mbuan metai manuac, tui kadha 240 Bộ luật hình sự 2015. Tui panuac khan, biar harei 23/8/2021, Hiệp hu taom gaok jaik 1 urang daok trọ jaik gauk. Hadei di nan, Hiệp ba diuk mai palei di diuk daok di huyện Trần Văn Thời. Mbiah tal harei 25-8, Hiệp taduan hu tin urang daok sang trọ jaik gauk ruak lac F, yau nan min, Hiệp oh khan y tế kayua huac nao daok labik karei. Hadei di nan, Hiệp pambak ruak ka 5 urang dalam sang.

Urang kamei Thủ tướng camereip abih di Thụy Điển lac amuk Magdalena Andersson hu panuac padeih ngak tok hadei di dom mon hu pilih ruah, pok ngak. Brei panuac dalam mbang họp báo harei kabroi, muk Magdalena Andersson brei thau lac hu ngak đơn miễn nhiệm tagok Quốc hội taneh ia ni. Bruk likau padeih ngak di urang kamei Thủ tướng bahrau đắc cử rah tabiak hadei di tuk dom urang dalam liên minh cầm quyền, đảng Xanh brei thau tabiak truh rajaei kayua oh njauk hatai haong bruk kadung jien karja . Dahlau di nan, danak dak kadung jien karja kayua rajaei Thụy Điển ba tabiak oh mek hu rilo phiếu dalam quốc hội kayua jaik abih dom nghị sỹ pachreih tui danak dak di gah đối lập.

Tổng Yam ndoc Jabat Năng lượng nguyên tử dunya (IAEA) mboh lac, bruk ndem biai nao mai ka hạt nhân haong Iran birau rah tabiak di Tê-hê-ran harei kabroi oh hu lagaih. Yaom lac hu dom kham merat di IAEA, dua gah jeng oh njauk hatai haong dom jalan langyah dom bruk daok tavak tavaiy di danak dak hạt nhân di Iaran. Tui kuhria dahlau, harei 29/11 anak tal, Iran brei ginum biai saong dom taneh ia kaya meda ka bruk thỏa thuận hạt nhân thun 2015, daok iew lac Jalan Bruk ngak taong abih gah (JCPOA). Dom bruk ginum biai di ban ine Aó hu caong lac hu jalan karei dalam bruk trun dom jalan taong phạt pamaong tame taneh ia Cộng hòa Islam piah salih mek bruk taneh ia ini takik ngak danak hạt nhân di drei.

Dalam 24tuk tapa, dom urang njom ruak Covid-19 daok hu biak rilo tapa tanut dahlau daih iak di rilo taneh ia Đông Âu ngak ka karja dom taneh ia duh hatai, châu Âu meda lac pasak mbang ka 4 ka jit covid 19. Rilo taneh ia hu ba tabiak dom jalan ngak catang bahrau, dalam nan hu bruk pacang veik, takik rei nao mai, jhul khang bruk klauk jru piah pacang cakak bruk mbuan si njom mbak ruak. Urak ni, pasak pacang caga song pasang iek jit ruak Châu Âu hu panuac cong dom taneh ia jhul khang bruk klauk dom mbang vắc-xin patagok ka urang prong, abih di nyu nan lac brei klauk dahlau ka dom urang umo labaih 40 thun; saong brei sahneng kuhria ka dom mbang klauk veik ka dom urang umo prong hu ruak dalam rup atau njauk ruak gah hệ miễn dịch./.

Urang lang: Hani Pha – Bhumi – 25/11 10:30:00