Bruk glut jaleih ar tasik Tây tỉnh Cà Mau

Page ini 27/8, Mentri pato megru brei thau điểm pakacah tamat THPT  2020 mbang ka 1. Tui talei điểm pakacah di Mentri, dalam negar hu labaih 5 ribau 800 kadha pakacah dom môn mek hu 10 điểm. Thun blaoh, kadha pakacah mek hu 10 điểm dalam negar labaih 1 ribau 200 kadha. Tui langyah ka điểm dom môn pakacah di Mentri, môn mek hu rilo tanut 10 di abih lac Giáo dục công dân, hu labaih 4 ribau 100 kadha pakacah. Ini lac janih pakacah hu tanut kuhria rah tapa glong abih lac 8,14. Môn sap Anh hu 225 kadha pakacah mek hu tanut 10, min hu tal labaih 500 kadha pakacah tok hi meng 1 điểm trun; lac môn hu anek saih pakacah tanut biar rilo abih. Dom janih môn Toán, Ngữ văn, vật lý,  hóa học hu tanut meng 6,6 tagok. Jeng tui yaok pataom di Mentri Pato megru, dalam negar drei hu labaih 1 ribau 200 kadha pakacah tok hu meng 1 điểm trun dalam mbang pakacah tamat THPT mbang ka 1. Tui quy chế, anek saih hu môn pakacah tanut biar meng 1 điểm  trun  oh hu tamat THPT.

Mesup ni,  Mintri  Y tế brei thau  oh hu urang halei ruak  COVID-19 bahrau,  dalam negar dok padeih di tanut 1.034 urang. Mintri  Y tế ba tabiak bruk 'Ayut jeng daok mekre tuk cuh patiah pacang mbaok' piah ieu pacang caga jit dalam tuk vak bahrau  .Tui yaok pataom di mintri  Y tế, urak ni hu jiak  200 vắc xin caga COVID-19 dok hu roh duah, patagok, dalam nan hu  170 pandap dok di tuk vak ngak iek dalam balik atau hu ngak iek angaok anek athur . Dalam dom janih ni hu  4 vắc xin di Việt Nam. Bilan 10 anak tal, hu  1 vắc xin di  Việt Nam yam tame tuk vak ka 1 klauk ngak iek angaok menuac.

Akok UB bhap bini tỉnh Nguyễn Tiến Hải birau mbaoh tangin tame Sarak ka bruk glut jaleih ar tasik Tây tỉnh Cà Mau . Tui nan, 4 labik ar tasik Tây di huyện U Minh saong huyện Trần Văn Thời atah abih tih labaih 3,3km hu tỉnh khan lac bruk ngak samar chip, kayua daok biak mbuan glut jaleih, mbuan ba tal calah ar tuk halei jeng oh thau. Urang dang kaok tỉnh ini hu jao ka Sở Ngak nong saong Patagok palei pala tỉnh dang tabiak, pambuak bruk saong UB bhap bini huyện U Minh saong UB bhap bini huyện Trần Văn Thời pacang labik glut jaleih trak saong mbuan glut jaleih njauk brei ngak ar pacang caga siam jang.Tui nan, padang kalaoh brei thau labik mbuan glut jaleih, brei manuac khik, tui iek tani tanat bruk glut jaleih; samar padang ngak jalan pacang caga dom labaik jaleih trak, labik ar mbuan glut jaleih khan brei UB bhap bini tỉnh thau piah ba tabiak bruk khik caga ar tasik.

Sang bac Đại học Văn Lang song  Công ty cổ phần Tập đoàn Vạn Thịnh Phát peih bruk jao brei  50 boh jamriak suak yava, yaom abih tih 12 tỷ đồng dong pacang caga  Covid-19 ka gah  y tế tỉnh Quảng Nam.  Ni lac pandap hu makna biak prong song njauk brei hu dalam tuk vak urak ni  di tỉnh Quảng Nam. Jamriak suak yava  ELICIAE MV20 pabak ka bruk taong ruak ka dom urang ruak  Covid-19 biak trak njauk suak yava meng jamriak song ka dom urang ruak suy hô hấp, urang ruak dok taong dom ruak gah jalan suak yava karei dalam tỉnh.

  Tukvak 20 tuk melam kabroi 26/8,  apui khuah khang  dalam sa gilang caik pandap praong labaih 3.000 met vuong di khu công nghiep Tân Tạo, TPHCM.   Apui khuah di gilang pandap di Công ty cổ phần tập đoàn Sunhouse, labik lô 8-10, jalan ka 1, Khu công nghiệp Tân Tạo, quận Bình Tân. Apui khuah khang, sauk tagok glong yaok rituh mét. Gilang pandap nan praong labaih 3.000m2. Dalam gilang caik rilo pandap điện, pandap panda. Hadei di Labaih 2 tuk, gah pacang khuah padam khuah meng padam hu apui khuah.        

Tal mesup harei  27-8, dunya hu labaih  24,3 triệu  urang njom  COVID-19 song labaih  828.000 urang metai. Labaih  16,8 triệu urang hu pasiam veik. Pasak pasang iek song pacang caga jit  ruak  Mỹ (CDC) hu panuac kakei dom urang  njauk njom  COVID-19 min oh mboh hagait  ye oh cang dut iek drah  Bruk salih karei ni ngak ka rilo urang jakar song urang ilamu Mỹ mboh suh sah.

Anh meda bayar jien ka dom bhap bini hu jien mek tame takik piah brei daok karei eng meyah bhap bini hu thau lac ruak atau jiak ruak Covid-19. Sasrak birau hu ba tabiak ahdei tuk dom urang gah chính trị đối lập iew Rajaei brei pandar kadung jien  piah bayar dalm tuk huac dom bhap bini oh hu jien blaih plaik njiak bruk pacang caga jit. Tui nan, dom urang hu dut iek mboh ruak Covid-19 taduan hu 130 bảng Anh sumu 172 USD dalam 10 harei brei karei. Dom urang karei dalam sang  dom urang nan jeng hu brei daok karei dalam 14 harei  saong taduan jien daong lac 182 bảng Anh.

Mintri ngak nong Bra-xin harei kabroi hu panuac ieu rajaei Trung Quốc pabak bruk dut iek brei mboh inem mek di janih virus ba tal ruak Covid-19 angaok sayaok menuk pablei tabiak meng negar Nam Mỹ ni. Bruk nan hu batabiak dalam mbang ginum biai di ban Thâm Quyến, tỉnh Quảng Đông, labik dom Tùy viên ngk nong  Bra-xin taom gaok dom urang jakar  y tế song pablei salih di Trung Quốc . Pabak veik, gah  Trung Quốc brei thau bruk dok hu khik iek kayua jabat  y tế Quảng Đông, dom urang oh hu mbaok di nyaom biai ni. Dahlau di nan harei  13/8, Rajaei ban Thâm Quyến, Trung Quốc brei thau, sa mẫu sayaok menuk liar blei meng Bra-xin tame ban mboh dương tính song Covid-19./.

Urang lang: Ái Nghiêm – Hani Pha – 27/08 11:10:29