Ngô Minh Hiếu song  Nguyễn Tất Minh gui gauk nao bac 

Page ini 7/10, di Hà Nội, Ủy ban Hukum di Quốc hội ginum biai mbang ka 30 piah taong yaom harak pathau khan di Rajaei ka danak dak Sarak peih ngak kar ja đô thị di Ban raya Ho Chi Minh. Dahalu di nan, harei 6/10, taong yaom harak pathau khan di Rajaei  ka bruk pasang iek sarak hukum dom gah ka bruk khik ramik di karja, Ủy ban Hukum di Quoc hoi hu panuac iew  tacei tabiak cambaic laic labik saong pasang iek cambaic trách nhiệm  di dom mentri, gah caik rah tabiak bruk suai patabiak sarak hakum.

Harei 7/10, UBND tỉnh Hậu Giang hu var  họp báo khan ka bruk padang ngak, jalan ngak piah pacang caga biến đổi khí hậu tỉnh Hậu Giang tuk vak  2021 - 2030, pamong tal thun  2050. Tui nan, tỉnh Hậu Giang palih ruah 4 nyaom  ngak prong  piah lagaih hong biến đổi khí hậu song patrun menieng phát thải nhà kính. Tui nan, di nyaom jalan ngak palagaih, tỉnh ba tabiak bruk pandar taneh lagaih song địa hình, hệ sinh thái di yaok bhum piah khik tani tanat  hệ sinh thái ia taba, pabak brei siam di abih bruk pandar taneh ka dom danak dak, công trình hu dalam bruk patagok kinh tế-xã hội song rami ramik dom gah, dom bruk ngak, hu kuhria tal bruk ba mai di biến đổi khí hậu.

Sở Jalan mbak pajeng ba Ban raya HCM birau pok tagok UB bhap bini Ban raya bruk likau brei mek jien danak dak peih praong jalan raya Ha Noi meng harei 1/11/2020. Danak dak peih praong jalna roya Ha Noi di dom quận 2, 9, Thủ Đức, Ban raya HCM saong ban sit Dĩ An, tỉnh Bình Dương hu padang ngak di harei 2/4/2010. Tui bruk ba tabiak, danak dak hu ngak salah saong ba tame pandar brei mek jien hadei di 3 thun padang ngak min mbiah tal urak ini tok ngak hu 76% kayua oh mek hu taneh. Tui jalan ngak gah jien ndo, meyah danak dak jaln raya Ha Noi brei mek je pabak phun jien meng harei1 bilan 10 thun 2018 ye kuhria abih tih tukvak mek jien phun lac 17 thun 9 bilan. Yau nan min mbiah tal urak ini, oh ka mek jien jalan saong bruk suai mek jien 1 thun ye tukvak dui atah jang 6 thun tra kayua jien laba tagok.

Tuk vak tapa, dalikan drut droi ka 2 ayut angan  Ngô Minh Hiếu song  Nguyễn Tất Minh gui gauk nao bac dalam 10 thun  di  xã Đồng Thắng, huyện Triệu Sơn, Thanh Hóa jeng mek hu labaih 28 điểm pakacah tame Đại học hu menuac sia khan brei gauk thau song pok meyaom bruk kham merat yam tapa kan kandah dalam bac daa di 2 ayut ranaih umo. Meng hu 28,15 điểm, Ngô Minh Hiếu hu ginup điểm tame sang bac Trường Đại học Y dược Thái Bình. Hu thau, sang bac Đại học Y dược Thái Bình halan hatain oh mek jien bac dalam luac tuk vak  Ngô Minh Hiếu bac pak di sang bac song dong palagaih bruk bac daa ka  Hiếu piah patui hatai khin jeng bác sỹ di harei hadei. Langui di nan, adei Nguyễn Tất Minh hu tame sang bac Đại học Bách Khoa Hà Nội, sang iek ruak Bạch Mai halan hatain dong iek pren yava ka  Minh dalam tuk  Minh bac đại học.

Janat cảnh sát điều tra Công an quận Bình Tân, TP.HCM hu chap khik rilo urang dalam kapol manuac dang kak jalan, pandar to ngak eng klauk manuac, meblah radaih piah duah thau rilo bruk ngak suan. Pak labik jabat pasang iek,  camereip, dom uang nan tadaun alc hu 8-9 urang hu mbaok tame bruk klauk manuac,  meblah drap ar di dua adei sa-ai Trung, Toàn mong 2 tuk page 1/10 tuk 2 urang nan peih radaih  mac ngaok jalan Cây Cám, phường Bình Hưng Hòa B, quận Bình Tân. Hadei di nan, kapol ba radaih meblah hu pablei ka urang likei daok di huyen Binh Chánh. Urak ini Công an quận Bình Tân daok peih praong bruk duah tahu, langyah.

Piah pacang cakak bruk njom mbak di virus SARS-Cov-2 song mbuan si tamuh tabiak bruk njom mbak ka 2, rajaei dom negar châu Âu dok peih dom jalan pacang caga jit catang jang  ka bhap bini di  châu âu ni. Urang Ireland oh brei tabiak truh labik quận drei dok, dom bruk pataom gauk main sambai tui kuhria hu peih ngak dalam sang njauk brei padeih, dom bruk agama  hu peih ngak tui jalan online, dom nhà hàng tok hu pablei ka tuai  daok di gah langiu. Di  Tây Ban Nha, hu dom ban brei pacang cakak meneing dalam 2 adit, dreih yau pacang ban Madrid song 9 quận langui di ban ni meng harei 2/10.  Bhap bini di dom ban ni oh daok brei tabiak truh sang, lingiu di bruk nao ngak, nao bac atau iek ruak .

Thủ tướng Anh Boris Johnson brei thau sa bruk ba tabiak ngak karei piah ba taneh ia Anh jeng sa negar khang gah ngak điện hangin meng tua-bin hangin caik langiu dom ar tasik di negar ini. Tui nan, tagok jang 4 mbang điện hangin meng tanut  10 gigawatt tagok tal  40 gigawatt dalam pluh thun ini. Rajaei negar Anh brei caik tabiak paok jien buh tame ngak birau yaom 160 trieu bảng Anh, lac 208 trieu usd ka dom pabah lamnge saong sang mac piah ngak tabiak dom tua-bin birau, daong ba bruk ngak ka 60.000 urang anak tal.  Ong Johnson mboh lac điện hangin pabak năng lượng ka yaok baoh sang di Anh. Yau nan min, dom urang gah moi truong sahanneg lac, meda oh pabak sumu bruk pasaim veik moi truong hijao piah padang ngak kinh tế kahng kajap hadei di bruk srau kadau kayua jit Covid-19. 

Dalikan drut droi di adei likei  nao takai dalam luac 93 harei,  nao tapa jiak  2.800 km meng  Italia tapa  Anh piah rivang muk pajeng amaik dok dui pachreih urang sangka angaok mạng xã hội. Kuhria meng di tuk jit ruak  Covid-19 tamuh tabiak ngak ka dom mbang par njauk padeih. Kayua lavik harei oh taom gaok song khin mai rivang muk, nan ye adei likei  11 thun angan  Romeo Cox  khang hatai tagok jalan. Mbang nao di adei hu ame nao gam. 2 ame anek  tabiak nao di harei  20/6. Dalam mbang nao di drei, 2 ame anek rik pataom hu  13.500 bảng Anh dong ka dom urang tị nạn gaok angaok jalan song hu mbaok tame halan hatain daong di sa trại tị tạn di Calais, gah brak negar Prang. Tal harei  21/9, 2 ame anek meng nao takai tal mblang bein  Trafalgar di London, Anh. Min Cox song ame brei tapa 2 adit  dok karei  meng hu tame sang muk daok di Oxfordshire./.

Urang lang: Ái Nghiêm – Hani Pha – 07/09 15:36:41