Page ini 7/6, Mentri Y te khan brei thau hu 44  urang birau njom Covid -19, taong abih jeng lac menuac dalam negar, dalam nan di Bắc Giang 24 urang, TP.HCM 12 urang, Bắc Ninh 6 urang, Hà Nam 2 urang, lac dom urang ruak meng labik brei daok karei atau labik hu pacang veik. Njauk caik hatai, dalam harei 6/6 hu 5.244 urang hu klauk jru pacang caga ruak Covid-19 di 6 tỉnh ban saong dom kapul di T.Ư. Bruk klauk jru caga ruak daok rah tabiak yau nan, lac biak suai damuai. Tui kuhria mboh di dom urang ilamu, meyah kuhria harei rilo di abih hu klauk jru pacang caga ruak di Viet Nam meng dahlau mai tal ini, lac labaih 200.000 mbang klauk jru, ye lahik sa thun tra meng klauk ginup ka labaih 70 trieu urang hu angan klauk pacang Covid-19 di Viet Nam.

Kuhria tal mon 5 beir harei  06/06/2021, hu  1.299 tỷ đồng rik dong tame kadung jien Vắc-xin pacang caga Covid-19 (dalam nan  hu jien Việt Nam song jien negar lingiu salih tapa jien \ Việt Nam). Ni lac yaom jien bahrau hu mban khik ramik kadung jien  pathau khan tagok urang pal akaok  Mintri  jien padai piah ba tabiak brei thau. Mban khik ramik kadung jien  jeng brei thau, dok hu labaih  4.367 tỷ đồng hu urang ngak pahla hu panuac sinya min ka oh  payua jien tame, patagok tanut tui kuhria tal tuk vak ni  lac labaih 5.666 tỷ đồng.

Melam 6/6, Bộ đội Tư lệnh Bộ đội biên phòng brei thau, dom gah chức năng di labik tapen negar chap khik 100 mbang urang tame negar suan hukum, taduan 48 urang. Dalam nan jalan tapen negar Viet Nam – Trung Quốc hu 50 urang tame meng tỉnh Cao Bằng lac ralo, jalan Viet Nam – Lào sa urang saong jalan Việt Nam – Campuchia 49 urang tame mai meng jalan taphia negar di Kiên Giang, An Giang. Anak dom bruk rah tabiak sraw kadau di jit Covid-19, piah pacang caga jit Covid-19, Thượng tướng Hoàng Xuân Chiến, Ủy viên Trung ương Đảng, Thứ trưởng Mentri Quốc phòng brei panuac ka taong abih bol lin brei ngak catang tui dom cong điện, harak di Thu tuong Rajaei saong jalan tacei ba di Mentri Quoc phong ka bruk pacang caga jit Covid-19.

Meng mon 7 harei ni  tal tuk hu pathau khan bahrau, Chi Cục thuế ban Thủ Dầu Một, tỉnh Bình Dương brei padeih ngak bruk di jabat kayua hu urang jakar taom gaok urang  F1 di urang njom Covid-19 di ban Dĩ An (Bình Dương). Dahlau di nan, urang F1 di urang njom Covid-19 ngak bruk di  Công ty Phúc Đạt (ban  Dĩ An) mai ngak bruk haong Chi Cục thuế banThủ Dầu Một. Taduan hu panuac khan, Chi cục hu pambuak bruk song pasak  Y tế ban  Thủ Dầu Một pruh jru pametai anek ruak tong abih jabat; khan ka urang jakar  taom gaok urang F1 brei daok paatah di sang. Tui nan, Chi cục salih bruk taduan harak gar hành chính meng jalan online tapa blah  dịch vụ công di tỉnh Bình Dương (tame labik https://dichvucong.binhduong.gov.vn) song tapa jalan bưu chính.

Biar harei kabroi, Mban tacei jalan pacang caga jit ruak Covid-19 tỉnh Tiền Giang brei thau, ngak tui tacei pat di UB bhap bini tỉnh, dom urang mai meng bhum jit Covid-19 tal Tiền Giang brei thau y te saong daok karei di sang 21 harei. Daok urang ngak bruk di Ban raya HCM saong dom tỉnh karei hu urang njom Covid-19 hu radaih taduan raok  nao mai dalam harei, oh daok karei di sang 21 harei, min njauk brei thau y te yaok harei saong ngak njauk tui  5 paka di Mentri Y te.

Gam song bruk  vắc xin di  hãng Sinovac hu  WHO brei tame harak dom anagn pandar chip ye bahrau di ni, akaok hội đồng khik ramik di Kapul  jru tavao  Sinovac Doãn Vệ Đông brei thau, vắc xin CoronaVac di hãng ni jeng hu karja  Trung Quốc brei pandar dalam tuk samar drah  ngan song uranaih meng  3-17 thun. Bahrau ni , Jabat khik ramik pandap song jru tavao Mỹ (FDA) jeng brei adat pandar vắc xin Covid-19 di Pfizer song  Bi-ô-tếch (BioNTech) ka uranaih meng  12 tal 15 thun  meng di harei  13/5 meng bloh.

Ngoại trưởng Mỹ dahlau diah lac Côn-đô-li-da Rai-xơ (Condoleezza Rice) brei thau, dom urang ngak praong di y te cong cong di Mỹ sahaneng suan dalam dom adit akaok rah tabiak jit ruak praong, tuk atah klak bruk lac virut SARS-CoV-2 ba tal ruak Covid-19 par tabiak meng sa duk bilik ngak iek di Ban Vũ Hán, Trung Quốc. Bilan dahlau, Tổng thống Giâu Bai-đừn (Joe Biden) brei panuac ka gah tình báo Mỹ kham merat tagok dua mbang piah duah thau ka jit ruak Covid-19 meng halei mai. Bruk nan hu ong Bai-đừn ba tabiak hadei di tuk Tạp chí Phố Uôn (The Wall Street Journal) brei thau, klau urang roh duah di Viện Vi-rút học Vũ Hán duah jalan taong ruak di sang iek ruak di bilan 11 thun 2019, hadei di tuk dom urang nan njauk ruak dreih yau ruak Covid-19 atau ruak cúm bhian mboh.

Hãng tin Reuters brei thau meng kapul IS dhar di Tây Phi (ISWAP) harei kabroi khan lac,  urang dang akaok  A-bu-ba-ca Xê-cau (Abubakar Shekau) di Boko Haram – kapul cagar veik Ni-giê-ri-a (Nigeria) njauk metai.Tui kapul  IS dhar Tây Phi, urang dang akaok Boko Haram metai di harei 18/5 hadei di tuk eng drei ngak brei patuh sa baoh patuh tuk dom urang pal phao di IS pagui nduac dalam sa mbang mesruh gauk./.

Urang lang: H.Pha- Ai Nghiem - 7/6/2021