Hu 90% -95% doanh nghiep ba tuia damuai nao main di Ban raya HCM brei padeih kayua jit Covid-19

Page ini, Blah web Brei thau cambaic laic Kadung jien karja di blah web ckns.mof.gov.vn hu Mentri Jien padai peih tabiak. Di var peih mbaok, dom kapol dunya taong yaom ini lac bruk praong dalam bruk brei thau cambaic laic  di Việt Nam. Ini jeng lac sa bruk ngak piah pahadar 75 thun harei padang gah Jien padai. Blah web Brei thau cambaic laic Kadung jien karja hadei di tuk ba tame ngak bruk saong pandar meda hu dom bruk siam lagaih ngan saong gah jien padai di kadung jien Karja jeng yau brei thau cambaic laic kadung jien karei.

Mintri pato megru  bahrau hu harak payua ka Akaok  Sở pato megru  dom  tỉnh, ban ka bruk  peih ngak dom bruk akaok thun bac  2020-2021. Mintri pato megu  hu panuac kakei ngak siam dom  bruk ka tuk vak anek saih  tame thun bac  song peih bruk tame thun bac bahrau 2020 - 2021 dalam negar di mesup harei  5/9/2020. Abih di nyu nan lac  iek tui bruk di jit ruak  COVID-19 di dom tỉnh ban  piah peih thun bac bahrau ka nyu lagaih, gam khik siam mekre dalam bruk pacang caga jit ruak, gam ngak ka nyu chreih chrai bui sambai di harei tame thun bac bahrau . Ngan song dom tỉnh ban daok hu bruk paatah di gauk , piah pacang caga COVID-19, piah khik caga siam mekre ka anek saih, dom labik pato megru peih harei tame thun bac bahrau tui jalan online 

Tui yaok pataom di Sở Dulich Ban raya HCM, hu 90% -95% doanh nghiep ba tuia damuai nao main di Ban raya HCM brei padeih kayua jit Covid-19. Anak bruk nan, Sở Dulich Ban raya HCM hu ba tabiak 2 jalan ngak piah daong DN dalam tukvak anak tal. Tui nan, jalan ka 1 nan meyah jit ruak hu pacang cakak di bilan 9 thun 2020, Sở Dulich Ban raya HCM likau brei peih ngak dom danak dak pachreih urang nao rivang main dalam negar pambuak dom DN ba tuai damuai, labik ndih daok…piah hu dom bruk ma-in birau, pachreih urang, salamat saong meriak gauk; patui bruk roh duah ba dom labik rivang ma-in di Ban raya HCM Tui jalan số hóa. Jalan ngak ka dua, meyah jit ruak dui atah tal quý IV-2020, langiu dom jalan ngak yau ngaok nan, ban raya HCM brei pataom tame dom jalan brei ramik veik bruk ngak, pato pakai urang ngak bruk gah dulich; daong DN ramik veik bruk ngak, tacei pato jalan duah pachreih tui damuai jeng yau dak padang dom bruk ma-in dulich birau caga peih ngak veik tuk jit hu pacang padam…

Đại tá Nguyễn Văn Trung - akaok Cục Cảnh sát giao thông (mintri Công an) – brei thau  panuac ieu patrun patakik tuk vak harak adat peih radeih meng  10 thun yau urak ni dok  5 thun hu batabiak di  nyaom biai mbang ka 4 song mbang ka 5 Hukum khik caga siam mekre jalan mbak nao mai piah mek panua di bhap bini . Jalan ngak ini lac piah khik ramik siam jang pren yava di urang peih radeih. Dalam tukvak 5 thun  hu dom urang pren yava dok siam , min jeng hu dom urang pren yava trun oh khik hu bruk peih radeih . Min, ong Nguyễn Văn Quyền – Akaok  Hiệp hội pajeng ba ôtô Việt Nam – ndom lac  tuk vak  5 thun tok pandar ka dom janih  harak adat peih radeih, dok veik dom  hạng B1 song B2 nan njauk tui hukum yau urak ni, hu tuk vak lac  10 thun. Tui ong Quyền, bruk patakik tuk vak harak adat peih radeih  trun dok  5 thun  "ngak palai pajoa  song glaih glar ka bhap bini".

Page ni 26/8, Công an tỉnh Đồng Nai pambuak saong Mentri Công an chap khik dua urang nan lac Nguyễn Trọng Dương ( umo 31 thun, palei daok di tỉnh Nghệ An) saong Nguyễn Văn Đạt (umo 22 thun, palei daok di tỉnh Lâm Đồng), kayua hu pambuak tal bruk praong ngak ja harak gar, bằng cấp, con dấu, biển số radaih, birau chap mek  di Ban Biên Hòa. Dahlau di nan, tapa pasang iek baoh sang di khu phố Tân Mai 2, phường Phước Tân, TP. Biên Hòa, gah chức năng mboh Nguyễn Trọng Dương daok ngak ja cavet radaih patuh, daok Nguyễn Văn Đạt daok ngak con dấu ngaok mac tính, chap hu rilo janih pandap birau piah ngak harak gar, tài liệu, bằng ja. Tui nan, chap hu rilo janih harak gar ja hu ngak salah blaoh yau: harak brei pandar taneh, dom janih bằng, cà vẹt radaih, thẻ nhà báo, harak tut angan pablei salih, hộ khẩu, chứng minh…Ngak bruk saong jabat chức năng, camereip dua urang nan brei thau hu ngak ja harak gar meng rilobialn ini mai saong pablei hu rilo bằng cấp, harak gar, biển số radaih ja ka rilo tỉnh, ban dalam negar.

Urang dang akaok jabat  pacang  khủng bố di Liên hợp quốc Vla-đi-mi Vô-rô-nô-cô harei kabroi khan lac, Gah  (IS) dok tagok dom mbang tong tame  tui jalan du kích di  I-rắc song Xyri. Tui yaok pataom di  Liên hợp quốc, labaih 10 ribau urang lin  IS dok di  I-rắc song Xyri yaom lac kapul khủng bố ni  daok tong lah. Dom dhar sit di IS jeng dok  tự do ngak bruk, pajeng ba phao ndao  bom suik di 2 negar, dalam tuk peih ngak dom mbang  tong  khủng bố jiak di ni di Ai Cập, Libi, Áp-ga-ni-xtan, Yê-men, Tây Phi.

Rajaei Tây Ban Nha brei bol lin nao daong dom labik tự trị pacang caga jit Covid-19 daok tagok gilac di negar ini. Tui nan, 2 ribau urang lin hu pato pakai ialmu pambuak tal bruk ini  hu ba mai daong duah dom urang hu taom gaok urang ruak Covid-19 saong dom urang urang lin  meda tagok rilo jang di tukvak anak tal. Kuhria tal 15 tuk biar harei kabroi, Tây Ban Nha hu abih tih 412.553 urang njom Cobid-19 saong jaik 30 ribau mbang urang metai.

Tui roh duah bahrau hu Viện roh duah dunya McKinsey & Co. brei thau, dom mbang pandiak ngak metai menuac , pandiak bhang, ia ndik  song ribuk  meda jeng bhian randap jang di châu Á - Thái Bình Dương, bhum taneh dok dang anak dom kan kandah dak harei dak trak jang meng biến đổi khí hậu dut song rilo labik karei di dunya. Labik ni dok gaok kan kandah praong kayua hu rilo urang kan kathaot , dom urang daok pambak tame rilo jang bruk ngak di gah langiu, dok di dom labik mbuan njauk pandik pandua kayua nhiệt độ song độ ẩm tagok glong. Tal thun 2050, dom tavak tavaiy ka dom urang ngak nan hu ngak ka labik ni khat lihik tal  4.700 tỷ USD/sa thun ./.

Urang lang: Ái Nghiêm – Hani Pha – 26/08 15:55:04