Mbang nyaom rah tabiak dalam 2 harei

Page ini, di Sang Quoc hoi, Mbang nyaom ka 5 di Uỷ ban Thường vụ Quốc hội peih pakak. Mbang nyaom rah tabiak dalam 2 harei. Bruk padang ngak hukum, Uỷ ban TVQH brei panuac tame dự thảo Sarak di Ủy ban Thường vụ Quốc hội langyah dom asar kadha di Hukum Hình sự, panuac ba tabiak di Rajaei ka bruk pabak 02 dự án Hukum tame Danak dak pandang ngak hukum thun 2022, nan lac Hukum pasiam, pabak dom paka di Hukum Tần số vô tuyến điện; Hukum Iek ruak, taong ruak (pasiam veik); panuac ka bruk mbaoh tangin tame Hiệp định Bảo hiểm xã hội di  Rajaei Việt Nam saong Rajaei Hàn Quốc. Jeng dalam mbang nyaom nan, rilo asar kadha hu makna praong karei meda hu Uỷ ban Thường vụ Quốc hội brei panuac.

Anak bruk jit ruak COVID-19 rah tabiak srau kadau, dom menuac njom dalam bhap bini tagok glong gam gam dalam rilo harei tapa, dom tỉnh Bạc Liêu song Vĩnh Long brei ngak catang dom bruk dalam tỉnh. Tui nan, di 2 tỉnh ni, dom labik pablei salih pandap mbang menyum tok brei pablei ba nao sang, brei padeih dom bruk main giải trí, jhul pakhang bruk klauk vắc xin dalam bhap bini. Di Bạc Liêu, oh brei tabiak langiu jalan meng mon 8 melam tal mon 4 mesup harei hadei, oh kuhria dom gah dok ngak bruk samar drah. Ngan song urang jakar, công chức, viên chức, urang ngak di dom jabat Đảng, karja, dom tapon nyaom bol pang phao krong dalam tỉnh, langiu di ngak njauk tui bruk nan, oh brei tabiak truh tỉnh tuk ka oh hu adat di urang dang akaok jabat, labik drei ngak bruk …

Meng akok bilan 11 thun 2021 tal ini,  tỉnh Gia Lai hu dom sruh jit ruak Covid-19 di dom palei bangsa takik daok di Ban Pleiku saong huyện Đăk Đoa. Bruk njom mbak nan mai meng  ngak adat cambat dalam bhap bini, abih di nyu lac bruk ngak dom ndam metai, ndam padhi. Dalam 3 harei meng harei 19/11 tal harei 21/11, huyện Đăk Đoa hu 165 mbang urang njom Covid-19 di 6 palei bangsa takik. Dalam nan, ta-eng palei Nú hu 88  urang. Dom urang F0  nan hu mbang huak dalam ndam padhi.

Dom tỉnh ban dok iek ruak ka urang njauk COVID 19 meng jru pacang virus Molnupiravir hu tagok tal 34 (akaok bilan 11 lac 22 tỉnh ban). Ban raya HCM lac labik camereip dalam negar pandar jru ni ka urang F0 hanjuan daok di sang . Ban raya HCM urak ni hu jiak 52.000 F0 iek ruak di sang song dom jru Molnupiravir dok veik tok ginup pandar dalam 2 harei (kuhria meng harei 20-11). Hu thau, mintri Y tế hu jao ka urang pal akaok Cục Khoa học, công nghệ song pato pakai, samar brei jru ka ban raya HCM.

Melam gala "Kayua sa Viet Nam jayak" rah tabiak tuk melam kabroi 21/11 di Muyim Mỹ thuật Viet Nam lac bruk pataom iek veik jalan nao jaik 3 bilan di mbang pakacah cih rup cih saong paneh kadha vak ka dom uranaih ruak ung thư, ruak kan kandah, njom jru mek kalik truac, jaoh jo, eng drei huac saong uranaih metui. Mbang pakacah "Kayua sa Viet Nam jayak" piah meyaom prein kham merat yam tagok dalam raidiuk, sahaneng khang kajap di uranaih kurang prein, kayua Danak dak Ia harei caong khin, Kadung jien Hy vọng di sang bac Đại học Ngoại thương, mbao VnExpress pambuak gauk peih ngak. Meng 2.200 kadha pakacah, Mban peih bruk jao giai thuong  ka 24 kadha. Dahlau di nan, biar harei 19/11, Akok negar Nguyễn Xuân Phúc hu taom gaok 16 adei ranaih sit raidiuk biak kan kandah lac anek saih hu pakacah mbang ini.

Bruk njom mbak ka 5 urak ni dok rah tabiak khang di châu Âu. Di grauk labik dalam châu Âu, bruk njom mbak tagok labaih 55% dalam adit tapa. Anak bruk ni, dom taneh ia dok sahneng kuhria ngak tui negar Áo, dalam nan hu bruk pasang iek catang bruk nao mai di dom urang oh khin klauk vaccine Covid-19 song hu jalan pacap klauk. Negar Áo song Hà Lan urak ni lac 2 taneh ia hu urang njom ruak glong abih di châu Âu.

Tui urang brei panuac di Rajaei Thái Lan Thanakorn, Thủ tướng taneh ia ini meda hu mbaok tame nyaom biai pakat glong di ASEAN saong Trung Quốc pahadar 30 thun pambuak talei rohim. Nyaom biai pakat glong di ASEAN saong Trung Quốc hu manak praong dalam bruk dak padang dalam tukvak anak tal di rilo gah. Mbang ini jeng hu dom mbang nyaom biai di dom urang ngak praong ka bruk dunya ngak kan kandah tal bhum taneh.

Sa bilan Giáng sinh bahrau hu peih tabiak di negar Prang hadei di bruk truac gom - bruk hu cang, maong di abih dalam thun hu peih ngak di jalan roya Champs Élysées di ban ine Pari, melam kabroi (21/11). Karei jang thun bloh, bruk truac hadah gom thun ni hu chreih chrai jang song hu mbaok di rilo bhap bini Prang hadei di 2 thun dunya rah tapa jit ruak prong Covid-19./.

Urang lang: Hani Pha – Bhumi – 22/11 10:26:39