Thủ tướng tacei jalan ka dom mintri dom gah 

Page ini, QH yam tapa mbang tangi sua saong javap calei  puac abih di mbang nyaom ka 2. Urang dang akaok Rajaei, Thủ tướng Phạm Minh Chính javap calei bruk tangin sua di urang QH. Rilo urang caong khin Thủ tướng ba tabiak dom jalan ngak piah pasiam saong patagok kinh tế - xã hội di taneh ia dalam tukvak siam mekre birau. Tapa nan, daong ka bhap bini sahanang hatai ngak bruk, urang ngak kong gilac veik sang mac, doanh nghiep  gilac veik ngak bruk yau dahlau daih.

Biar harei 11/11, Mintri Thông tin Truyền thông peih nyaom biai pato pasram peih ngak Danak dak “Daong brei thau, pathau khan ka bangsa, agama”, hu Thủ tướng Rajaei pasang iek, mbaoh tangin di harei 21/2/2019. Bruk ngak di danak dak lac piah jhul khang bruk brei thau, pathau khan ka bangsa haong sajarah, ilamu di bangsa; dom jalan sahneng, jalan ngak di Đảng, sarak, hukum di Karja ka bangsa, agama, adat cambat tanarakun, dom yaom glaong di agama ngan saong raidiuk… Danak dak hu tukvak peih ngak meng thun 2019 tal thun 2023.

  Anak bruk urang njom Covid -19 di Ban raya HCM tagok glong, yaok harei jeng hu labaih 1.000 urang njaom birau, UB bhap bini Ban raya tabiak harak iew dom gah, quan huyen saong doanh nghiep brei dut iek ruak samar, brei pa-atah di gauk  sumu, taong ruak hu siam…Langiu di nan, pasang iek manuac nagk bruk  piah padang dom balai y te lưu động  sumu saong dom urang F0 birau ruak, brei samar paglong prein ngak bruk di y te cơ sở. Gam haong nan, brei hu dom labik klauk jru vaccine  lưu động, abih di nyu lac di dom pabah jalan tame tabiak labik karei, mblang radaih, mblang radaih pui piah klauk jru ka bhap bini.

Urang ngak nong tỉnh Bình Thuận daok caga ngak bilan Đông Xuân. Min yaom pandap ngak nong tagok glaong, abih di nyu lac yaom khak drak, ngak ka urang nong gaok rilo kan kandah. Tui Sở ngak nong saong patagok palei pala tỉnh, tui kuhria bilan Đông xuân thun 2021-2022, dalam tỉnh pala drak jaik 46.000 ha. Meng akaok thun tal ini, yaom khak tagok gam saong urak ini jeng daok glaong, meng 850.000 đồng tal labaih 1 triệu đồng sa mbao tui janih. Dahlau daih, jien blei khak abih jaik 5 triệu đồng sa ha, min urak ini tagok tal labaih 10 triệu đồng sa ha. 

Di pabah mbang negar Dunya Thường Phước, tỉnh Đồng Tháp, biar harei kabroi,  lambaok Kapol urang Khmer - Việt Nam di Campuchia hu taduan 750 paok pandap kayua Ủy ban ka Urang Việt Nam pak negar langiu di Ban raya HCM alin brei, piah payua tal mikva urang Viet Nam saong bhap bini hu raidiuk kan kandah kayua jit ruak Covid-19 di negar Campuchia. Kuhria abih tih paoak pandap nan tui jien lac 1 tỷ 500 trieu dong, gam 15.000 pataih y te pacang mbaok, 200 klaoh ia rao tangin, 1.000 blah khan ao uranaih saong 2,5 tấn brah.

Mỹ hu menuac tame sang iek ruak  kayua COVID-19 tagok rilo dalam 3 harei gam, dahlau di nan, menuac tame sang iek ruak trun jaik 55% kuhria meng bilan 8; menuac tame sang iek ruak tagok 10% di 14 bang di Mỹ dalam adit blaoh. Mỹ urak ini hu labaih 758 rabau urang njauk COVID-19, dalam tuk labaih 68% rahra umo meng 12 thun tagok hu klauk ginup. Tui sahneng mboh dahlau di Pasak pasang iek saong pacang caga jit ruak Mỹ, meda hu 15 rabau urang metai di Mỹ dalam 2 adit tal kayua COVID-19.

Hà Lan hu labaih 16.000 mbang urang njom ruak Covid-19 dalam 24 tuk tapa, nan lac glong abih kuhria meng tuk rah tabiak jit mbiah tal ini. Piah pacang caga jit tamuh tabiak, Mban tacei ba pacang jit  di Rajaei  Hà Lan hu panuac ieu brei pandar dom jalan pacang caga ruak meneing. Tui nan, brei kareik pabah mbang dom sang daoh saong labik chieu phim, brei klaak dom bruk praong saong kareik pabah mbang kuan café saong nhà hàng. Tal urak ini, labaih 85% bhap bini meng umo dam dara tagok di Hà Lan hu klauk ginup jru pacang ruak Covid-19.

Thủ tướng Ixraen Naftali Bennett saong dom urang daong bruk pakat glong hu nao tal lubang chỉ huy hạt nhân piah ngak iek tui bruk tamuh tabiak di sa biến thể COVID-19 pacang veik vaccine. Tui kịch bản, sa chủng SARS-CoV-2 tui hatai sahneng tabiak, hu angan ieu lac "Omega" pacang hu vaccine COVID-19 bo Ixraen hu ba tabiak kauk biak rilo dalam thun ini, ngak brei uranaih tame sang iek ruak biak rilo. Tui bruk ngak iek ini, Thủ tướng Ben-nét tabiak bruk brei ka uranaih daok dalam sang, rajaei pacang veik jalan tapen negar saong hu panuac tham vấn haong karja Palextin, dom urang ngak praong di dải Gaza saong Giooc-đa-ni./.

Urang lang: Mousaphuong- Ái Nghiêm -12/11