Dah page ni 6-7, Mintri Y tế brei thau lac hu  277 urang njom Covid-19 bahrau, taeng di ban raya HCM hu 230 urang. TP.HCM daok caga padang pasak tacei pato dut iek piah parabha menuac ngak siam lagaih jang saong jhul samar bruk pasang iek di dom quận huyện. Sở Y tế TP.HCM  brei thau lac dom urang njom dalam rahra tapa pasang iek di sang iek ruak saong bhum pacang cakak tagok samar yaok harei, tapa nan brei mboh lac bruk njom mbak jit ruak Covid-19 hu di grauk ban raya. Dom urang njom hu mboh dalam rahra, labik ngak kong, doanh nghiệp, công ty, dom darak pasa praong – darak meng kan – darak pas 6/7/2021a tamuh eng saong dom labik y tế...

Meng  7 tuk mesup ni  tỉnh Bình Phước peih bruk dut iek Covid-19 meng RT-PCR pataom tame sa mbang ka tong abih urang ngak dalam dom labik ngak cong. Di tỉnh Đồng Nai, meng kreh melam 5-7, dom labik pacang cakak  pasang iek Covid-19 di Đồng Nai hu peih bruk pasang iek, pandar brei hu  harak dut iek âm tính song Covid-19  di tong abih menuac urang mai meng  TP.HCM song tỉnh Bình Dương.Tỉnh Sóc Trăng padeih bruk pablei pandap mbang menyum pak di labik  meng  12 tuk harei  5-7.

Urang lambuak mintri Y tế brei thau lô vaccine của Pfizer/BioNtech camriep labaih 90.000 mbang meda mai tal mblang kapar haoh dunya Nội Bài di dah page 7/7. Tui kuhria, dalam quý III thun ini meda hu labaih 3 triệu mbang saong quý IV hu 27-28 triệu mbang vaccine Pfizer/BioNtech mai Việt Nam. Yaom jien blei vaccine ni meng kadung jien kanja. Ni lac vaccine Covid-19 ka 4 hu Việt Nam brei adat samar drah, hadei di AstraZeneca (Anh), Sputnik V (Nga) saong Sinopharm (Trung Quốc).

  “Siêu thị 0 đồng” song “var lisei 0 đồng” kayua ong Đinh Vĩnh Cường – urang Việt daok di negar Japon bahrau peih tabiak di labik 12 jalan Nguyễn Quang Bích, phường 13, quận Tân Bình, TP.HCM piah dong ka rahra hu rai duik kan kandah dalam tuk jit ruak. “Siêu thị 0 đồng” hu peih pabah mbang di dom harei  som, but, sut dalam adit song alin brei saoh dom pandap mbang menyum yaok harei ka rahra. Daok “var lisei 0 đồng” hu peih tabiak di taong abih harei dalam adit ngan song 100 pok brei ka bhap bini di labik brei dok karei, 200 pok brei ka  mik va daok di quận Tân Bình. Tui kuhria dua labik nan hu peih tabiak meng ini mbiah tal harei 20/7.

Harei 5/7, jabat cảnh sát pasang iek Công an huyện Đạ Tẻh (Lâm Đồng) hu tabiak harak brei ba tabiak kaoh tui hukum hình sự “ngak njom pambak jit ruak njom pambak kan kandah ka manuac karei” ngan haong 2 diuk pasang daok di puk Phú Mũ, xã Mỹ Đức, huyện Đạ Tẻh.  Tui nan, harei 26/6/2021 muk V.T.T haong pasang lac N.M.H nao meng huyện Hóc Môn – ban raya Hồ Chí Minh mai labik daok di puk Phú Hòa, xã Mỹ Đức, huyện Đạ Tẻh  min pathau khan oh njauk lac drei mai meng Đăk Lăk. Tal urak ni, amuk V.T.T ngak brei njom mbak jit ruak Covid-19 ka 6 urang ruak karei daok dalam palei.

Anek ruak Delta duah mboh mbang camereip di  Ấn Độ dok njaom mbak samar yau sa bruk khuah glai  tal  98 negar  song ngak ka dunya daok dalam tuk kan kandah. Oh lac njom mbak  samar, vắc-xin pacang COVID-19 mboh lac pacang caga hu takik jang ngan song anek ruak ni  Dom negar samar ramik veik  bruk klauk vắc-xin dalam nan hu bruk klauk dom janih vắc-xin, hu panuac kakei  klauk mbang ka 3 ka urang hu takik prein pacang caga ruak... piah pacang cakak siam lagaih hong anek ruak bahrau ni.

Harei kabroi, urang dang akaok danak dak samar drah di gah Y tế dunya WHO, tiến sĩ Mai Rai-ần (Mike Ryan) hu panuac lac dom taneh ia njauk caik hatai jang saong njauk suai veik bruk pacadu dom jalan pacang cakak. Panuac nan di urang ngak praong di WHO hu ba tabiak dalam tuk dom taneh ia châu Âudaok brei pacadu dom bruk pacang veik. Tui ong, dom bruk njom mbak bahrau lac oh plaih hu saong yaok urang njauk caik hatai dahlau di tuk dom bruk jeng kanjah jhak jang.

Labaih 150 anek saih trung học njauk cap mek nao hadei di tuk dom  urang pan phao  tong tame sa sang bac nội trú di  bang Ca-đu-na  (Kaduna, Ni-giê-ri-a) harei 5/7. Hu thau, dom urang pang phao tong tame nyaom khik iek sang bac song ba anek saih tame  sa labik glai jiak di nan. Cảnh sát song bol bala Ni-giê-ri-a dok duah dom urang pang phao  piah dong pa-klah nyaom anek saih.Bruk cap mek anek saih ndok jien loh bhian rah tabiak di  Ni-giê-ri-a. 8 bilan tapa, hu tal jiak 1.000 urang njauk cap mek, dalam nan hu labaih 150 urang tal urak ni jeng dok lahik./.

Urang lang: Thu Thảo & H.Pha -  6/7/2021