Bhap bini pachreih hatai ka nyaom roya anak tal 

Page ni 6/8, di Jabat Rajaei, Thủ tướng Nguyễn Xuân Phúc pan akaok nyaom biai trực tuyến ka bruk peih ngak tui Hiệp định Thương mại tự do di Việt Nam saong Liên minh châu Âu, vak katut lac EVFTA. Thủ tướng brei thau, ini lac hiệp định pablei salih tự do rai birau hu tanut chuẩn glong, abih gah, peih praong saong kein laba dua gah sumu gauk. Ngan saong VN, tui roh duah di Mentri Kế hoạch saong Đầu tư brei mboh, bhian di nyu, Hiệp định nan rik tame ngak brei GDP tagok kuhria raha tapa tal 3,2% dalam 5 thun camereip peih ngak, 5 thun patui di nan tagok tal 5,3% saong tagok tal 7,72% ka 5 thun hadei di nan. Yau nan min, EU lac darak pasar kan ka chất lượng saong tanut chuẩn glong ngan saong pandap pandar, dịch vụ. Yau nan ye, urang jakar, dom gah brei paglong ilamu ngak bruk, bruk ngak di drei, daong ka doanh nghiep ngak siam dom paka dalam Hiệp định.

Harei ni, “ATM pataik pacang pambah” brei saoh camriep abih di ban raya HCM hu peih tabiak di labik 204B Vườn Lài, quận Tân Phú. Nan lac bruk tabiak meng hatai sahneng di saai Hoàng Tuấn Anh, urang ba tabiak danak dak "ATM brak”, daong urang kan kathaot meng akaok bilan jit Covid-19. “ATM pataik pacang pambah” hu chức năng thau cambaih mbaok manuac, hu urang ngak gah dalam, tuk kateik tame nút, pataik pacang pambah nduac tabiak tal tangin urang mai mek. Yaok urang mek hu 3 blah pataik pacang pambah kháng khuẩn meda papak hu saong pandar hu 30 mbang. Mac ngak bruk meng maong 10- maong16 bier harei di dom harei jip dalam adit.

Rajaei Cuba birau daong ka Viet Nam yaok ribau kalaok jru in-tơ-phe-rôn An-pha 2B (interferon Alfa 2B) kayua Cuba ngak tabiak.Ini lac jru mek hu tanut chuẩn Châu Âu, tuk ba tame rup nyu ngak brei prein yawa khang kadang pacang hu virus Sars Cov-2, hu makna dalam bruk iek ruak ka dom urang ruak Covid-19 trak. Taong abih jru nan hu pajeng tame Quảng Nam, Đà Nẵng piah caga jit.

Harei ni, negar drei hu viek 1 urang metai kayua suy thượng thận mạn tính saong njom Covid-19, nan lac urang ruak ka 651. Urang ruak lac kumai, 67 thun, daok di Duy Xuyên, Quảng Nam,  hu ruak suy thận mạn tính dalam rup, Lupus ban đỏ, maik saradang type 2 saong njom bimao darah. Yau nan, ini lac urang ka 9 di negar drei metai kayua njom COVID-19 saong dom janih ruak trak hu dahlau dalam rup.

Dalam dua harei 5 saong 6 bilan 8, Viet Nam pambuak saong dom jabat chức năng Mỹ ba jaik 350 bhap bini Việt Nam mai veik taneh ia hu salamat. Hadei di tuk par trun mblang kapal haok Nội Bài, dom urang nanhu ba nao daok karei tui njauk hukum ba tabiak di karja.

Harei ni, negar drei hu viek 1 urang metai kayua suy thượng thận mạn tính saong njom Covid-19, nan lac urang ruak ka 651. Urang ruak lac kumai, 67 thun, daok di Duy Xuyên, Quảng Nam,  hu ruak suy thận mạn tính dalam rup, Lupus ban đỏ, maik saradang type 2 saong njom bimao darah. Yau nan, ini lac urang ka 9 di negar drei metai kayua njom COVID-19 saong dom janih ruak trak hu dahlau dalam rup.

Tui Cục Khí tượng Trung Quốc, meng ini tal puac adit, hajan khang gah Barak ba tal ia tagok glaong di kraong Hoàng Hà hadei di tukvak ngak kan kandah gah meraong labaih 2 bilan. Ia hajan di gah barak negar glong jang meng 50 tal 100% dut saong dom thun dahlau. Hu dom labik hu hajan patau saong hangin khang. Tal urak ini, ia sua di Trung Quốc ngak khat lahik  tal labaih 20 tỉ USD, takik di nyu lac 158 urang metai saong lahik, labaih 54 triệu 8 rituh ribau urang daok di 27 tỉnh, ban gaok

Rajaei Thái Lan khan lac meda hu bruk ngak njauk hukum ngan haong mạng xã hội Facebook kayua oh patakik dom kadha suan hukum. Panuac nan hu ba tabiak hadei di bruk lang sap tự động di Facebook langyah suan sa khau tin di var papar sap tapak tuk pahadar harei manek patau Maha Va-ji-ra-long-korn di adit dahlau. Facebook hu payua panuac am pul saong kariek chức năng langyah tự động sap Anh tapa sap Thái min jeng daok taduan panuac chỉ trích kayua bruk ngak suai lavik. Hukum di Thái Lan pakauk ndom jhak tal Hoàng gia. Dom kapul halei, urang halei ngak suan jeng njauk langyah catang./. 

Urang lang: Thu Thảo -Ái Nghiêm- 6/8  15:00:00