Rilo doanh nghiệp dong ka urang ngak kan kandah 

Page ni, Ban pato tacei pacang caga jit Covid-19 brei thau lac 2 urang njom bahrau di Hải Dương saong Quảng Nam. Urak ni Việt Nam hu 964 urang ruak, dalam nan 456 urang hu thit ruak, meblah labaih 47% dom urang ruak. Dalam sa bruk hu pambuak tal, UB bhap bini tỉnh Hải Dương brei pacang veik 28 harei, meng maong 12 melam ni (17/8) di labik 10, phố Trần Văn Giáp, phường Thanh Bình, ban Hải Dương saong khu phố Mạc Thị Bưởi, ban sit Nam Sách, huyện Nam Sách; padang labik pacang cakak meng maong 12 melam 17/8 di puk Trực Trì, xã Quốc Tuấn, huyện Nam Sách tal tuk halei hu panuac khan brei thau bahrau.

Ban Đà Nẵng bahrau hu harak payua  Thủ tướng rajaei  ka bruk brei adat  ka bhap bini di dom tỉnh ban dok gam daok di ban Đà Nẵng hu nao veik sang di drei. Tui nan, meng 0 tuk  harei  28/7 tal urak ni , tong abih dom radeih peih nao mai  Đà Nẵng jeng brei padeih peih, ngak ka labaih  16.000 urang ngak langiu  tỉnh gar veik di  Đà Nẵng kayua jit ruak  Covid-19. Meyah kuhria gam urang ngak dok ngak bruk di dom khu công nghiệp, hu labaih  100.000 urang.

Tal bier harei 16/8, Bình Thuận hu mboh gilac 11 urang meng dom labik hu manuac njom mai tal tỉnh ni, patagok dom urang daok tui iek prein yava tal 3.360 urang. Tal urak ni hu 985 mẫu dut iek di Bình Thuận brei mboh âm tính haong Covid-19 meng akaok jit tal urak ni, oh hu urang halei njom SARS-CoV-2. Tui Sở Y tế, yaom lac yau nan, min bruk njom ruak kan si thau dahlau. Kayua yau nan ye, yaok urang oh njauk maong bier, bo ngak njauk haong panuac kakei pacang caga jit ruak Covid-19 di Mintri Y tế.

7 bilan tapa, tỉnh Bình Phước hu jiak  700 urang ruak song  2 urang metai  kayua pandiak tabiak drah , rah tabiak di tong abih dom puk palei dalam  tỉnh. Dut song tuk vak ni thun  2019, urang njom trun  84% min tagok sa  urang metai. Pasak pasang iek ruak kik  tỉnh Bình Phước ndom lac, tuk vak anak tal dom urang ruak pandiak tabiak drah  meda tagok kayua langik tuk pandiak tuk hajan, palagaih ka jamuh  njom ruak patagok. Piah sami samar dalam bruk pacang caga ruak pandiak tabiak drak, tỉnh hu peih bruk pametai  bọ gậy di dom  xã, phường song pruh jru pametai anek ruak di dom labik mbuan si pambak glong. 

Meng jhul khang bruk khan brei thau, peih ngak siam dom danak dak, sarak y tế di Đảng, kanja saong tỉnh Lai Châu, mikva bangsa takik di huyện Sìn Hồ dak harei dak thau iek glang prein yava, klaak meneing dom adat cambat klak oh daok lagiah yau ye ieu yang piah taong ruak atau hu ruak trak meng nao tal labik y tế iek ruak. Dalam thun bloh, pasak hu iek ruak, taong ruak ka labaih 250 ribau urang ruak, dalam 6 bilan akaok thun ni, pasak y tế huyện Sìn Hồ hu daong jien mbang brei ka labaih 3.000 urang ruak ngan haong yaom jien jaik 1 tỷ đồng.

Dunya hu jiak  22 triệu urang njom nCoV, jiak  773.000 urang metai, rilo negar daok hu urang  njom bahrau tagok khang . 213 negar song bhum taneh  hu labaih  21 triệu 800 ribau urang njom  song labaih  772 ribau urang metai kayua  nCoV, hu labaih  14 triệu 500 ribau urang  hu pasiam veik. Mỹ jeng lac bhum jit ruak prong abih di dunya hu labaih  5 triệu 564 ribau urang njom  Covid-19 song 173 ribau urang metai . Tổng thống Donald Trump brei thau rajaei  liên bang hu pabak  125 triệu patiah pacang mbaok meda pandar veik di grauk negar  Mỹ, saong pachreih dom  bang brei adat ka anek saih hu nao bac veik, yaom lac hu panuac kakei brei caik hatai sangka sahneng kuhria di gah y tế.

Page ni, Thủ tướng Niu Di-lân brei thau bruk pilih ruah tui kuhria peih tabiak di harei 19/9 anak tal meda hu kadun viek di harei 17/10 piah khik ginup salamat ka yaok urang dalam tuk jit Covid-19 tamuh tabiak viek di negar ni. Gam tui di nan jeng hu vaktu pabak khau tin ka cử tri jang yau roh duah dom labik buh phiếu. Tal tuk dahlau jit Covid-19 tamuh viek di New Zealand di adit blaoh, dom mbang sua tangi manuac sia jeng brei mboh Thủ tướng Jacinda Ardern saong Công đảng di drei tui kuhria mada mek hu jayah dalam mbang pilih ruak anak tal.

Glai Amazon – praong abih di dunya, hu mong lac “hala  phổi di boh taneh ” dok dang anak bruk tagok rilo di abih dom mbang khauh glai dalam bilan  pandiak ni. Taeng 10 harei akaok meti  di bilan 8 hu labaih  10 ribau mbang khuah glai, glong di abih kuhria  meng di thun  2010. Kapul Hòa bình xanh (Greenpeace)  lac kapul lingiu rajaei hu panuac lac  mbuan si hu sa mbang  khủng hoảng môi trường trak, dalam tuk khủng hoảng y tế kayua jit prong  Covid-19 ngak kan kandah tal dom kham merat ka bruk khik iek glai  di rajaei Braxin. Dom urang ilamu brei thau  dom mbang khuah glai tagok  17% dut song tuk vak ni thun dahlau, ngak ka thun  2020 jeng thun trak damak di abih ka bruk khuah glai kuhria meng thun 2010./.

Urang lang: Thu Thảo -Hanipha