Paglaong chất lượng urang ngak bruk meng dom labik patao bruk ngak

Sang bac Trung cấp bruk Tahanek ngak pandap mbang, bruk dulich saong thời trang Hà Nội lac sa dalam dom labik pato bruk ngak lavik thun hu rilo ilamu dalm dom gah yau ngak pandap mbang, bruk di nhà hàng, lai ia menyum, khik ramik khách sạn, bruk taduan raok tuai damuai, jhik khan ao thời trang. Ini lac dom bruk brei hu rilo manuac saong daok cak rok tagok. Yaok thun, sang bac pabak labaih 1 ribau urang ngak ka Ha Noi. Min dom urang nan lac biak takik duk saong bruk caong khin di dom nhà hàng, khách sạn. Oh lac duah hu bruk ngak chip, rilo sinh viên di sang bac daok hu ngak bruk di labik chuyen nghiep, pakat dunya, dom doanh nghiep hu angan je praong dalam saong langiu negar saong hu jien bilan biak glaong. Adei Đinh Văn Ninh, Sang bac Trung cấp bruk tahanek ngak pandap mbang, bruk du lịch saong thời trang Hà Nội brei thau: “ Hadei di tuk bac 2 thun di sang bac, adei hu dom cei gru nai gru abih hatung pato ka bruk ngak, takre bruk ngak. Hadei tuk bac tamat blaoh, sang bac hu ba tame ngak bruk di  khách sạn 5 patuk,  khách sạn bo sang bac pambuak bruk. Hadei di 3 bilan ngak iek, dahlak hu khách sạn ba tame ngak nhân viên. Urak ini, bruk ngak di dahlak biak tani tanat.”

Doanh nghiệp khin hu rilo urang ngak naih joi, yau nan min dom sang bac pato bruk ngak oh ka pabak sumu kayua daok dom tavak tavaiy gah palih ruah anek saih. Langiu dom sang bac bruk ngak hu chất lượng glaong, labik pato siam, lagaih, dom sang bac pato bruk ngak karei biak kan palih ruah hu ginup urang bac. Langiu di nan, dom thiết bị pato pakai di sang bac meda oh tui sumu bruk cak rok patagok di doanh nghiep. Piah dang hu saong cak rok patagok, dom thun jiak di ini, dom sang bac bruk ngak hu pambuak bruk saong doanh nghiep, sa dalam dom jalan siam di abih, hu kein ka sang bac, ka doanh nghiep saong ka sinh vien.

 Tui ong Đồng Văn Ngọc, Akok Sang bac Cao đẳng cơ điện Hà Nội, caong khin paglaong chất lượng urang ngak bruk meng dom labik pato bruk ngak, langiu di bruk pambuak gauk saong doanh nghiep ye dom sang bac pato bruk ngak brei jhul khang bruk pato pakai kỹ năng, ilamu ngak bruk; jhul pakhang bruk xa hoi hoa, ralo menuac ka bruk cak rok patagok gah pato pakai bruk ngak, paglaong ilamu dom gru pato; dak padang dom tanut chuan bac tamat tui tanut chuan bruk ngak lagaih saong khung trình độ pakat negar:“ Khol dahlak hu duah thau danak dak chuẩn bac tamat tui tanut dunya, dalam nan hu duah thau dom danak dak tiên tiến di dom bruk ngak bo urak ini Viet Nam hu ba tame, nan lac dom danak dak jao brei di Úc, di Đức. Danak dak chất lượng glaong ini, khol dahlak sanya lac bruk ngak siam jang saong hu ngak bruk di dom labik meriak gauk tuk dom adei bac tamat.”

Piah ngak siam bruk salih birau saong paglaong chất lượng patao bruk ngak dalam tukvak anak tal, Bộ Lao động - Thương binh saong Xã hội brei peih ngak sumu gauk 8 nyaom jalan ngak, dalam nan hu 3 kapol jalan ngak bahrau lac: Brei quyền tự chủ ginup abih ka dom labik pato bruk ngak nao gam saong paglaong ilamu khik iek; Chuẩn hóa dom bruk khik kajap chất lượng, pambuak bruk pato bruk ngak saong darak pasar urang ngak, bruk ngak khang kajap saong an sinh xa hoi. Ong  Lê Quân, Thứ trưởng Bộ Lao động-Thương binh saong Xã hội ndom lac: “ Dom sang bac brei sanya kajap, yaok thun palih tame hu hadom, bac tamat hu hadom. Hu dom sang bac ngak biak siam min jeng hu dom sang bac oh pabak hu bruk pato pakai saong palih tame yau nan. Meng ini tal thun 2020, khol drei dak harei dak brei tui phun jien saong chất lượng urang bac tamat blaoh jeng yau dom urang bac tamat tabiak ngak.”

Piah dang hu saong cak rok patagok, dom labik pato bruk ngak oh daok jalan halei karei lac njauk salih birau meng danka dak tal jalan pato pakai, dalam nan brei pato dahlau dom gah, dom bruk khin hu urang ngak; salih bruk ngak hu kỹ năng lagaih; ngak po saong pandar hu kein laba dom bruk cak rok di ilamu khoa hoc cong nghe, ky thuat; pambuak saong doanh nghiep piah jao brei, taom gaok hu cong nghe birau; tacei jalan, ba tabiak jalan bac ngak bruk kak kajap haong bruk ngak saong tui caong khin di xa hoi./.