Anek saih pakacah hu cuh tanyaih pacang mbaok 

Tui pathau khan di mBan tacei pato mbang pakacah THPT thun 2020 di dom tỉnh, ban, tal tukvak ini, bruk kuhria caga ka mbang pakacah hu blaoh blai, njauk adat hukum. Dom tỉnh ban daok pataom tame pato veik ka anek saih dom kadha daok kurang, oh ka kajap. Dom tỉnh ban hu peih bruk brei ka anek saih ngak iek piah samar bac veik dom kadha njauk hu ka mbang pakacah.

"Salamat saong Siam mekre” lac panuac bo akaok Mintri Pato Megru Phùng Xuân Nhạ ndom tal tuk ngak bruk haong dom tỉnh, ban piah caga ka mbang pakacah thun ini, abih di nyu lac bruk paglaong trách nhiệm dalam yaok bruk peih pakacah:

" Abih di nyu lac parabha bruk pambuak haong trách nhiệm cambaih laih, vak cambaih tame nan piah ka dom urang dang akaok dom bruk brei hu trách nhiệm, hu quyền hu tacei pato, plaih bruk oh cambaih laih, ba tal srau kadau, oh cambaih trách nhiệm. Meyah hu mblo tabiak bruk hagait ye ndom biai tapak haong Mintri piah langyah"  

Thun ini lac thun camereip mbang pakacah THPT hu mbaok di 3 gah pasang iek lac: Pasang iek di Karja, Pasang iek di Mintri Pato Megru, Pasang iek di tỉnh ban nan. Kayua yau nan ye, bruk phân công, phân nhiệm dalam gah Pasang iek jeng hu kuhri kuhria ka nyu cambaih laih piah ka bruk ngak ini hu siam mekre di abih.

Tui ong Mai Văn Trinh, Akaok Cục khik ramik chất lượng, Mintri Pato Megru, tal tukvak ini, bruk tut angan pakacah di dom anek saih 63 tỉnh thành dalam taneh ia hu blaoh blai:

"Dom tỉnh ban kham merat pasang iek abih janih saong caga ka mbang pakacah. Dom tỉnh ban jeng hu kuhria caga jalan piah langyah tuk hu bruk oh lagaih meng langik tasik meda tamuh tabiak dalam bilan 8 ini. Abih di nyu lac di dom bhum mbuan hu ia sua, glut jaleih taneh. Saong hu dom jalan ngak piah pacang caga jit, abih di nyu lac dalam tuk jit Covid-19 jeng daok mbuan ba tal dom kan kandah."

Dalam dom harei tal, Mintri Pato Megru daok brei dom kapul mai dom tỉnh ban piah pasang iek, langyah dom tavak tavaiy di dom tỉnh, ban dalam tuk kuhria caga ka mbang pakacah THPT thun 2020./.

Urang lang: Mousaphuong