Rija pui di urang Dao tỉnh Hà Giang lac inem krung ilamu phi vật thể pakat negar

Pahadar 1010 thun Thăng Long - Hà Nội (1010-2020), brei mboh ilamu siam gheih “Menyum ia hadar halau ia” di bangsa, Kapol urang lambaok vakil Ban Hà Nội kayua ủy viên Bộ Chính trị, Bí thư Thành ủy Hà Nội Vương Đình Huệ ba kaok tame cuh gilau pahadar di Cố đô Hoa Lư, tỉnh Ninh Bình. Cuh gilau ngak tui adat cambat di Kalan kakuh Patao  Đinh Tiên Hoàng, Kalan kakuh Patao Lê Đại Hành saong Bia patau pahadar  Patao Lý Thái Tổ di Labik inem mek sajarah dakrai ilamu Cố đô Hoa Lư. Labik ini lac Kinh đô di karja phong kiến trung ương tập quyền akok meti di Việt Nam Nam  (968-1010) di 3 samar patao Đinh, Tiền Lê saong Lý, dahlau di tuk patao  Lý Thái Tổ panduan mai Thăng Long –Hà Nội.

Mintri ilamu -Thể thao song Du lịch hu sarak pok angan rija pui di urang Dao tỉnh Hà Giang lac inem krung ilamu phi vật thể pakat negar. Rija pui lac sa ilamu hadah krah song lavik jaman di urang Dao Đỏ, brei mboh pren khang di anek menuac ngan saong langik tasik, ngak po rai duik. rija nan bhian hu peih ngak di tuk melam dalam 15 harei akaok bilan sa, lac tuk piah ka bhap bini thau brei mboh hatai thau dar phol ong muk ong kei, likau ka bilan pala siam mekre song rai duik trei sil.

Cục Kapal haok Viet Nam birau iew Mentri Jalan mbak pajeng ba brei katut veik tukvak kareik pabah mbang Mblang kapal haok dunya Nội Bài piah ngak pasiam veik jalan peih kapal haok, jalan nduac. Tui nan,  hadei di sa tukvak katut panak padeih ngak bruk  kayua jit Covid-19, meng akaok bilan 9 thun 2020 mbiah tal ini, dom hãng kapal haok dalam taneh ia peih veik jalan par dalam negar. Dom hãng kapal haok daok peih dom jalan par birau. Kayua yau nan ye, kapal haok di dom hãng peih par hu tagok rilo mbang dalam tukvak tapa ba tal bruk suai par di mblang kapar haok Nội Bài rilo, abih di nyu lac dalam dom tuk tabung glaong meng 12 tal 13 tuk yaok harei. Piah meda dui atah di dom mbang par dalam dom tukvak, Cục kapal haok iew peih pabah mbang aval jang meteh mong, saong brei kareih pabah mbang meng 0 mong 30 minit tal 6 tuk.

Sở Du lịch ban  Đà Nẵng hu peih bruk taduan kapul tuai  du lịch dalam negar camereip abih mai veik rivang main  di ban tasik Đà Nẵng, hadei di labaih  2 bilan bruk  du lịch di ban ni  njauk padeih piah pacang caga  jit  COVID-19. Tui nan, kapul tuai hu  55 urang nao kapan haoh meng ban Hà Nội par trun mblang kapul haoh Đà Nẵng mesup harei  4/10.Dahlau di nan, piah caga peih ngak veik di  gah du lịch, Sở Du lịch Đà Nẵng hu peih bruk pacang caga  jit COVID-19 song mbaoh tangin song dom labik ngak mbang gah du lich di ban piah khik siam mekre ka bruk pacang caga jit dalam bruk  du lịch. Urak ni hu  477 khách sạn peih veik (dalam nan hu  43 khách sạn 4-5 patuh) song  11 dalam  16 labik ravang main hu peih pambah mbang veik

Ông Trần Văn Bảy –Akok UB bhap bini Quận 9, TPHCM brei thau: tapa bruk duah thau hatai sahaneng hu labaih 138.000 dalam 142.000 mbang cử tri njauk hatai brei ba 3 quận tame padang jeng ban Thủ Đức, ralo cử tri njauk hatai meblah labaih 97%. Langiu di nan, 152 cử tri hu panuac karei saong 454 phiếu buh suan. Labaih 136.500 cử tri meblah labaih 96% njauk hatai haong angan ban Thủ Đức hadei di tuk ba tame. Daok quận Thủ Đức, ngan haong bruk palih ruah iew lac Ban Thủ Đức, hu jaik 200 ribau cử tri njauk hatai, meblah 97,51%,  urang oh njauk hatai labaih 2 ribau urang meblah 1,15%. Ndem tal bruk ramik veik 3 quận 2, 9 saong Thủ Đức jeng đơn vị hành chính pakat huyện, tok hu 192.724 cử tri njuak hatai. Langiu di nan, jeng daok hu panuac karei oh ka njauk hatai.

Melam  4/10, Phủ Thủ tướng Pháp tabiak harak brei thau, ban ine Paris song 3 tỉnh jiak tapen lac Hauts-de-Seine, Seine-Saint-Denis song Val-de-Marne hu ba tame angan dom labik hu tanut  báo động glaong di abih ka y tế kayua jit Covid-19.Yau nan, harak khan di Phủ Thủ tướng Pháp jeng hu makna lac bruk  y tế di ban ine Paris song dom tỉnh jiak tapen oh siam dalam dom harei tapa. Tui kuhria, di jala pandiak harei ni, 5/10, tui tuk vak Prang, karja ban  Paris song dom tỉnh Hauts-de-Seine, Seine-Saint-Denis song  Val-de-Marne hu ba tabiak dom jalan ngak cambaih laih piah pacang cakak bruk njom mbak di vi rút, nyaih laik tame bruk y tế samar drah.

Tòa án sơ thẩm liên bang di hạt Clark (bang Nevada, Mỹ) taduan bayar abih tih 800 trieu USD ka dom urang gaok bala saonggauk gar di urang nan dalam mbang patuh phao bak darah dalam sajarah dakrai di taneh ia ini pak ban Las Vegas thun 2017. Di bilan 10 thun 2017,  Stephen Paddock lac urang patuh phao di sang glaong tal ka 32  Khách sạn saong Sòng bạc Mandalay Bay saong patuh phao tame labik hu labaih 22.000 urang hu mbaok di lễ hội ragam daoh đồng quê di gah ala ngak brei 59 urang metai saong labaih 800 urang njauk rambuac. Hadei di nan, Paddock metai dalam bilik khach sạn saong bruk pametai manuac tal ini jeng oh ka thau mehlai. Dom urang gaok bala ngak harak pathau  công ty MGM Resorts International, po Sòng bạc Mandalay Bay, kayua oh khik iek siam jang caik ka Paddock khik piah phao siuk ralo dalam bilik khách sạn. Tui thỏa thuận, brei langayah bruk yak bak pathau, công ty MGM brei bayar 49 trieu USD, dom cong ty bảo hiểm  di MGM brei bayar 751 trieu USD daok veik piah bayar ka baoh sang saong dom urang gaok bala.

Magawa, sa drei kangaru châu Phi, bahrau hu kapul ngak pahla gah thú y hu angan  PDSA di  Anh jao huân chương dũng cảm kayua duah mboh dom pluh  boh mìn di Campuchia. Dalam 7 thun tapa, Magawa hu kuac kakac labaih  141.000m² taneh di  Campuchia, duah hu 39 boh song 28 pandap patuh. Magawa lac drei kangaru camereip taduan hu huân chương dalam dakrai  77 thun di  PDSA. Kapul ni hu pasram ka rilo drei takuh piah duah pandap patuh, tuk mboh labik halei medhi, nyu kuac tal haluk gah angaok piah khan ka urang pasang iek. Magawa meda duah di labik prong samu sa mblang taong tennis dalam 30 minite, dalam tuk anek manuac brei hu tal 4 harei./.

Urang lang: Ái Nghiêm - Hani Pha - 05/09 15:56:56