Rilo labik peih bruk am cuh glau hadar tal Wa 

Pahadar 131 thun harei menek Chủ tịch Hồ Chí Minh (19/5/1890 - 19/5/2021), page harei 18/5, Kapul urang mBan Chấp hành Trung ương Đảng, akaok negar, QH, Rajaei, UBTWMT negar VN hu mai pok biingu saong tame kalan sirah Wa.Labaih 50 thun tapa, mengg hatung hatian praong uranam, thau dhar phol praong glaong di Chu tich Ho Chi Minh, hu labaih 60 trieu mbang bhap bini saong tuai damuai di dunya tame Kalan rivang sirah Chu tich Ho Chi Minh. Dalam nan, hu labaih 10 trieu mbang tuai damuai mai meng dom taneh ia, bhum taneh saong kapol nyaom dunya. Ngan saong ilamu meng labik mai “ Tapak tapaiy abih hatai, jum pataom pambuak talei rohim, hadah krah kuhria caga”, labaih 50 thun tapa, Bộ Tư lệnh khik iek Kalan Chủ tịch Hồ Chí Minh tuk halei jeng ngak siam bruk chính trị hu jao brei, taduan raok, duh brei salamat ka bhap bini saong tuai dunya tame Kalan rivang Wa Ho, patagok makna chính trị, ilamu di danak dak Kalan Chủ tịch Hồ Chí Minh.

Bier harei kabroi, di Hà Nội, Ủy ban Trung ương MT negar Việt Nam hu tadian paok jien 45,7 tỷ đồng meng kapul: adei saai anit ranam bingu lan Việt Nam” rik tame haong Dang, kanja piah jhul kadun likuk bruk njom mbak di jit ruak Covid-19. Hu thau, abih tih paok jien daong meda hu parabha samu nao tal tinh, bal daok kham marat pacang  caga jit, pabak ka bruk blei vaccine piah daong ka dom urang kathaot, urang gaok kan kandah dalam rahra.

Page ini, Viet Nam hu veik 31 mbang urang birau njom ruak Covid-19.Dalam nan, langiu sa urang brei daok karei chip tuk tame negar, 30 mbang urang ruak dalam negar di dom labik brei daok karei, labik njauk pacang caga di 4 tinh, ban. Yau nan, kuhria mbiah tal 6 tuk page ini, Viet Nam hu abih tih 3.072 mbang urang njom Covid-19 njom dalam negar, dalam nan hu urang birau njom ruak meng harei 27/4 mbiah tal inio lac 1.502 mbang.

Pambuak tal urang dương tính bahrau duah mboh di sang chung cư Sunview Town, jalan Gò Dưa, ban Thủ Đức, lac urang ruak ka 4514 hu mintri y te khan brei thau di dah page ni (19/5), Sở Y tế TP.HCM brei thau, hu 2 sang iek iek bo urang ni hu nao taong ruak lac sang iek ruak Vinmec Central Park daok di quận Bình Thạnhsaong sang iek ruak ban Thủ Đức. Urak ni dom urang ngak gah y te hu dut iek mboh âm tính mbang ka 1. Sở Y tế TP.HCM ieu kakei abih tih dom sang iek rua ngak catang bruk pasang iek, parabha, brei daok karei chip haong dom urang bo yau ruak gah suak yava, abih di nyu nan lac lahik vị giác lac bhian mboh abih.

Gah y tế Ninh Thuận daok samar ngak brei salah bruk mek mau dut iek SARS-CoV-2 ka 13 ribau urang hu ba tabiak piah palih ruah ka Quoc hoi, HĐ bhap bini dom pakat saong urang dom tổ palih ruah. Tỉnh hu padang ngak dom jalan pacang caga jit Covid-19 dahlau saong dalam harei palih ruah, tuk halei jeng brei caga dom bruk karei rah tabiak. Dalam mbang palih ruah urang ka Quoc hoi mbang XV saong HĐ bhap bini vaktu 2021-2026, Ninh Thuận hu 10 urang hu angan palih ruak ka QH; 89 urang hu angan palih ruah ka HĐ bhap bini tỉnh; 400 urang hu palih ruah ka HĐ bhap bini pakat huyen saong 2.863 urang palih ruah di pakat xã. Dalam tỉnh kuhria mboh dahlau hu 523.256 cử tri brei buh phieu.

Jaik sa adit hadei di tuk hu pabak harak adat samar drah, vaccine caga Covid-19 di Phai-dơ (Pfizer) hu klauk ka labaih mateh triệu ranaih di dalam ummo meng 12 tal 15 thun di Mỹ. Tổng thống Joe Biden brei thau, 60% dam dara urang Mỹ hu klauk takik abih lac sa mbang vắc-xin caga Covid-19. Taneh ia Mỹ hu ba tabiak jalan lac tal harei 4/7, 70% urang Mỹ bak dam dara hu klauk takik di abih lac sa mbang vắc-xin caga Covid-19.

Mentri Công nghiệp saong công nghệ thông tin Trung Quốc brei thau, kuhria tal puac bilan 3 thun 2021, taneh ia ini hu padang ngak abaih tih 819.000 balai 5G meblah labaih 70% di dunya, hu labaih 9000 ứng dụng hadah krah 5G…, lac mang lưới 5G praonga bih di dunya urak ini. Trung Quốc jeng ba tabiak bruk kham ngak brei hu 600 trieu urang pandar 5G, sumu 40% urang pandar 5G di dunya tal thun 2025.

Bộ Chỉ huy pasak di mintri Quốc phòng Mỹ brei thau, bruk ba bol lin di negar ni tabiak truh Áp-ga-ni-xtan (Afghanistan) ngak hu blaoh meng 13% - 20%. Kuhria tal urak ni, Bộ Chỉ huy pasak hu ba tabiak truh biak rilo pandap panda quân sự meng Áp-ga-ni-xtan, gam tui di nan jao 5 ribau pandap panda ka mintri Quốc phòng Mỹ piah palai klaak. Jabat ni jeng hu jao ka mintri Quốc phòng Áp-ga-ni-xtan 5 labik quân sự. Tui jalan ba tabiak, bruk ba bol lin tabiak truh meda hu ngak salah dahlau di harei 11/9./.

Urang lang : Thu Thảo - Ái Nghiêm -19/5