Rilo labik parang iek thaot binguk Wa ka bhap bini duah thau 

Pahadar 131 thun harei menek Chủ tịch Hồ Chí Minh (19/5/1890-19/5/2021), page ini 19/5, di Ban raya HCM, dom urang jakar ngak praong di Đảng, di Karja kayua Uỷ viên Mentri Chính trị, Akok negar Nguyễn Xuân Phúc ba kaok saong Kapol urang ngak praong di Thành ủy, HĐ bhap bini, Ủy ban MTTQ Viet Nam Ban raya kayua Uỷ viên Mentri Chính trị, Bí thư Thành ủy Ban raya HCM Nguyễn Văn Nên ba kaok hu mai pok bingu kakuh hadar dhar phol Chủ tịch Hồ Chí Minh. Dom urang kuh akaok hadar dhar phol praong glaong di Wa Ho ngan saong bruk nagk cách mạng hadah hadai di Đảng saong bangsa.

Kreih pandiak harei 19/5, mintri Y tế brei thau, dalam 6 maong tapa, dalam negar hu veik 36 urang njom Covid-19 di Bắc Giang, Bắc Ninh, Hà Nội, Hải Dương, Bệnh viện K labik Tân Triều, Điện Biên, Thái Bình saong Vĩnh Phúc. Dalam dom urang ni hu 27 urang njom bahrau dalam labik brei daok karei saong 9 urang dalam labik pacang  cakak. Hu thau, bruk langyah gene dom mẫu dah page ni dom tinh hu payua mai hu tal 29 mau di biến thể B.1.617.2 lac biến chủng mbang camriep hu duah mboh di Ấn Độ. Tui dom chuyên gia dịch tễ, ni lac biến chủng kép, njom pambak biak samar drah.

Pasak Pasang iek ruak kik Ban raya Ho Chi Minh brei thau, hadei di tuk hu 2 urang njom mbak dalam bhap bini di ban raya, harei kabroi brei mek mau drah samar saong dut iek ruak, mbiah tal page ini hu labaih 5.300 mau. Urak ini dom urang nan mboh âm tính mbang  camereip. Tui Sở Y tế Ban raya,  bruk mbuan njom mbak ruak meng labik sang iek ruak meng urang ruak ka 4514 lac biak takik kayua  samar thau, brei pacang caga labik, padam jit. Urak ini di Ban raya hu 3.895 urang hu brei daok karei, 296 urang daok karei di sang saong labik daok.

Tỉnh Long An daok peih bruk mek mau pasang iek Covid-19 ngan haong abih tih 6.000 chuyên gia negar langiu di 16 labik công nghiệp daok ngak bruk di pak ni. Urak ni ka oh duah mboh bruk halei pambuak tal Covid-19, min gah chức năng pak ni daok hu jalan pasang iek bruk nao mai, bruk nao daok karei. Dom gah chức năng jeng hu dut iek ngẫu nhiên 1.000urang ngak saong kapul urang ngak bruk pathau khan jak ba di dom labik công nghiệp. Long An hu jak ba dom urang ngak pahla daong pataih pacang  mbaok, jru pametai anek ruak saong dom pandap panda y te piah pacang  caga jit ngan haong paok jien lac 1 tỷ đồng.

Page ini 19/5, Công an tỉnh Đồng Nai brei pasang iek chip Balai xăng menyek 233 di Công ty TNHH Vận tải – Thương mại Phúc Đại An di xã Hố Nai 3, huyện Trảng Bom. Gam haong pasang iek labik daok di Bùi Ngọc Toàn, urang lambaok ka kong ty ini, chap mek hu rilo tài liệu saong pandap panda. Bùi Ngọc Toàn njauk chap mek. Tui Công an tỉnh Đồng Nai, tapa tangi sua peih praong Chuyen an 920G, hu 60 urang ba tabiak kaoh tui hukum. Chuyen an daok hu peih praong bruk ngak brei mbaic laic.

Hạ viện Mỹ bahrau brei tapa sarak pacang  ginaong pamaoh pamaong tame urang gốc Á, daok hu ieu lac hukum ka duas ginaong pamaoh Covid-19, piah pacang  cakak dom bruk  taong paoh pamaong tame urang Mỹ gốc Á, daok patagok di dalam tuk jit praong Covid-19 tamuh tabiak di negar ni. Hadei di tuk hu Hạ viện brei tapa, sarak hu payua tal Nhà Trắng piah ka Tổng thống Joe Biden mbaoh tangin tame ngak jeng hukum di harei 20/5.

Tui Mentri Y tế Ấn Độ, taneh ia ini harei kabroi tagok 4.529 urang metai kayua nCoV, abih tih urang metai dalam negar tagok tal 283.000 urang. Ngan saong labiah 25,5 trieu mbang urang njom nCoV, tagok 167.334 mbang urang birau njom ruak dalm 24 mong tapa, Ân Độ  dang anak jit ruak Covid-19 mbang ka dua biak  trak, ngak ka dom sang iek ruak qua tai kayua kurang laneing gaiy ndih iek ruak, oxy saong jru taong ruak. Oh huac jit ruak Covid-19 daok sraw kadau jeng yau bruk pakauk di karja palei, rilo urang Ân Độ daok pataom gauk rilo manuac peih ngak adat hukum agama. 

Jit Covid-19 daok mboh tagok khang di dom negar Đông Nam Á. Harei kabroi, mintri Y tế Thái Lan brei thau lac hu 35 urang metai kayua Covid-19, tanut glaong ka oh bhian mboh di negar ni, gam haong jaik 2.500 urang njom bahrau. Dalam tuk nan, Malaysia jeng hu manuac metai yaok harei glaong di abih kuhria meng dahlau mai kayua Covid-19 lac 47 urang, glaong abih meng di tuk hu jit. Indonesia jeng daok huac ka dom mbang njom mbak jit bahrau hadei di tuk bilan Ramadan di agama Islam bahrau tamat blaoh. Taeng di harei 17/5, Indonesia hu 4.295 urang njom bahrau saong 212 urang metai./.

Urang lang : Thu Thảo - Ái Nghiêm -19/5