Ong Đỗ Văn Chắc, umo 86 thun, hu 65 thun umo Đảng, urak ni dok di  xã Trung An, ban sit  Mỹ Tho, tỉnh Tiền Giang brei thau :  harei 23/9/1945 ong  dok di  xã Thành Thới A, huyện Mỏ Cày Bắc, tỉnh Bến Tre. Yaom lac umo bahrau 13thun, min ong hu mbaok tame Tiểu đội thiếu nhi xã Thành Thới A.  Harei 23/9/1945, ong song Tiểu đội thiếu nhi pak ni hu mbaok tame bruk trun jalan, pathau khan preo ieu tong abih bhap bini dang tagok meblah mek karja. Labaih 73 thun tapa, min ong   Đỗ Văn Chắc jeng dok hadar cambaih dalam tai dom thun bilan  hào hùng di mùa  thu sajarah thun 1945:

Yaom lac  uranaih min tuk nan drei thau, pachreih hatai lo Tong abih bhap bini, dang tagok pal hala dok, tong gar yuk pi meng kreh melam tal dah page. Khol ni ieu pataom anek naih veik, hala dok Việt Minh, preo khang sap ieu trun jalan, ngak brei kol nyu huac. Dom ong du kích cap mek khol Tề làng ba nhà việc, mboh kak dom ong  chủ cả. Drei chreih chrai lo oh huac hagait.

Di huyện Bình Đại, tỉnh Bến Tre, bruk Nam bộ kháng chiến jeng rah tabiak khang. Tong abih anek saih, sinh viên, urang nong, dam dara (dalam nan hu anek di  địa chủ) jeng pataom gauk, tame  Đội Thanh niên Tiền Phong piah pasram biak chreih chrai, caga meblah mek karja mai tangin bhap bini. Trung tướng Nguyễn Văn Thạnh, urang dahlau deih ngak Chính ủy Quân khu 9, yaom lac urak ini umo  98 thun,  pren yava oh daok khang kajap, min dok hadar biak cambaih dom tuk vak sajarah di harei 23-9 -1945 di palei ong, lac xã Bình Đại, huyện Bình Đại, tỉnh Bến Tre. Ong brei thau, tuk vak nan, ong hu mbaok tame  Đội Thanh niên Tiền Phong huyện Bình Đại.  Harei 23/9/1945, Đội Thanh niên Tiền Phong bahrau hu 30 urang, min hu mbaok tame meblah karja , pagui mek hương chức, hội tề lac tay sai di Prang; mek hu  27 mbaih phao dom janih. Đội Thanh niên tiền phong ba kaok nao dahlau dalam dom mbang mít tinh, trun jalan, ieu tong abih bhap bini dang tagok tong tayah khol tay sai, pablei taneh ia.  Trung tướng Nguyễn Văn Thạnh khan lac: Nam bộ kháng chiến prong khang lo. Harei  23-9, dahlak nao pachreih tui bruk diệt trừ ác ôn, meblah mek karja. Karja ( klak) tuk nan tayah abih .  9 tuk ye họp mít tinh di akaok pasa , brei thau karja cách mạng mai tal tangin bhap bini . Tal harei  25-9, Karja peih sa mbang mít tinh  hu labaih 10 ribau urang. Tuk nan karja dok di  angaok quận meng mai ginup abih.  Nam bộ kháng chiến ja yah rilo gah, drei meblah hu karja biak aval.  Bloh patui di nan kol drei padang tapon nyom bol pan phao kraong, tui bruk  kháng chiến chống Pháp.

       Hadei di “Nam bộ kháng chiến”,ong Đỗ Văn Chắc, Trung tướng  Nguyễn  Văn Thạnh jang yau dom urang jakra , urang lin- bhap bini  tỉnh Bến Tre daok nao tui   “sap ieu taneh ia”  dang tagok mesruh metak, oh huac metai lihik, rambah rambeip glaih glar ngak jeng bruk Đồng khởi dane angan di grauk  chiến trường miền Nam song rik dong biak prong ngak jeng jayah bilan Xuân 1975, tamat bruk  kháng chiến chống Mỹ dong ka taneh ia. Taneh ia hòa bình, thống nhất, dom urang jakar prong tagok meng  mùa thu sajarah thun 1945,  jeng daok buh pren tame ka bruk dak padang song khik caga taneh ia, ngak ka taneh ia drei dak harei dak patagok,  salih bahrau yau  Wa  Hồ cong khin./.