Pahadar 75 thun harei ilamu Quân khu 7 (10.12.1945 - 10.12.2020), tapon nyom bol pan phao kraong Quân khu 7 hu cuh gilau labik pahadar di xã Bình Hòa Nam, huyện Đức Huệ (Long An) – lac labik padang Quân khu 7. Tapa nan, Quân khu 7 hu peih pakak dom danak dak: padang ngak labik caluai ia saong ramik pasiam sang bac tiểu học Bình Hòa Nam, jalan bê tông meng jalan nao dom xã tame labik sajarah. Dalam dom bruk nao rivang daok hu hội trại meng kan di Bộ Chỉ huy quân sự 9 tỉnh, ban dalam Quân khu 7; iek ruak saong brei jru ka bhap bini; alin hadaih pandap ka dom sang mbang tui sarak kanja saong ranaih kan kathaot.

Di mbang nyaom ka 18 tuk vak  2016-2021 bahrau rah tabiak  Hội đồng bhap bini  tỉnh An Giang mbang  9 brei thau : thun ni, yaom lac dok biak rilo kan kandah biến đổi khí hậu, bala meng langik tasik, abih di nyu nan lac Covid-9, min  kinh tế-xã hội di An Giang jeng hu labik hadah. Bruk patagok kinh tế beir jang dut song tuk vak ni rilo thun, min dok di tanut glong dut song tanut kuhria rah tapa  dalam negar, tui kuhria lac 5,45%, yam tapa  9/13 tanut.Di mbang nyaom,dom urang hu ginum biai dom bruk prong yau : jalan patrun patakik hareik  thải nhựa dalam tỉnh; sarak dong pambuak bruk ngak tabiak song pablei salih pandap ngak nong, dong ka dom  hợp tác xã hu mesraiy jien di karja.

Mban peih ngak danak dak pakat negar ka pachreih bruk pablei salih thun 2020 tỉnh Cà Mau brei padeih dom bruk dalam danak dak piah pacang caga jit Covid-19, khik siam mekre prein yava di rahra. Nan lac nyaom biai pambuak dom jabat, kapul negar langiu di Việt Nam haong tỉnh Cà Mau; Cà phê pambuak haong rivang main ngan saong kadha “rivang main Cà Mau siam mekre, salamat” saong parang iek dom pandap panda di harei pataom pablei salih. Bahrau ini, urang jakar tỉnh Cà Mau hu brei daok karei di sang urang kumei lac F2 di urang ruak ka 1.347 saong 13 urang nao gam sruh radaih haong urang kumei daok di Bạc Liêu mai meng Trung Quốc dauk bruk daok karei.

Peih ngak danak dak  241 jhul khang bruk bayar jien tapa gilang pariak  ngan saong bruk  thu phí dom dịch vụ công di gilang pariak karja , UBND TPHCM brei thau, bayar oh jien mbaok  di dom  dịch vụ công di ban raya  hu yam tapa tanut batabiak. Dom boh sang bayar jien điện oh pandar jien mbaok  hu jiak  99 %. Yaom lac, bayar oh jien mbaok  di  TPHCM jeng dok rilo tavak tavaiy  kayua dom urang mbang jien  hưu, dong brei yaok bilan rilo meng lac urang prong thun, oh naih ghieh công nghệ; jamriak  ATM di dom huyện ngoại thành, bhum  palei pala oh ka hu rilo.

Hu Bein pakat negar Phước Bình sangka ginup yau nan ye yaom lac bahrau jaik dua bilan, tapon limo gilai lai 11 drei dahlau daih eik lipa di huyện Bác Ái, tỉnh Ninh Thuận hu siam veik, limek tagok tapa yaok harei, abih di nyu nan lac limo binai F2 manek hu sa drei la-oi F3. Nan lac sa bruk biak bui sambai  ka danak dak, brei mboh lac tapon limo gilai lai meda manek saong khik hu nguồn gen. Min, piah thau cambaih bruk lai limo gilai hu hadom phần trăm, anak tal bein pakat negar Phước Bình meda peih bruk mek mẫu payua tal gah chức năng piah dut iek.

Rajaei Prang  brei thau ka bruk klauk vắc xin pacang jit  Covid-19 ka bhap bini, Tui nan hu 200 triệu mbang vắc xin ginup piah klauk brei saoh ka bhap bini hu hatai khin  Bruk klauk hu parabha jeng 3  mbang. Mbang camereip meng bilan  1/2021 brei ka labaih  1 triệu urang umo prong. Mbang 2 meng bilan  2/2021 ka labaih  14 triệu urang lac dom urang mbuan njom ruak, urang hu ruak dalam rup. Mbang 3 hu peih ngak ka tong abih bhap bini dalam bilan  xuân thun hadei . Rajaei Prang hu buh tabiak  1tỷ 500 triệu  euro dalam thun  2021 ka bruk klauk  vắc xin pacang Covid-19.

          Jabat pasang iek saong khik caga urang pandar Nga brei thau, langiu di 3 janih vắc -xin pacang caga Covid-19 hu thau tal, di Nga daok cak rok patagok takik di nyu 10 janih karei saong sa janih vắc-xin pagam pacang veik ruak cúm saong Covid-19. Vắc xin camriep di Nga "Sputnik-V" hu klauk ka labaih 100.000 urang mbuan njom ruak glaong. Vắc-xin ka dua "EpiVacCorona" daok hu ngak iek di rilo manuac, ngan haong 40 ribau urang daok di dom bhum karei di Nga. Vắc-xin ka klau di pasak Chumakov daok hu ngak iek angaok menuac mbang ka 2 ngan saong 300 urang halan hatain.

Dom urang ngak hukum di Australia bahrau brei tapa sa hukum brei adat ka rajaei hu  quyền klaak thỏa thuận di karja dom mban haong rajaei dom taneh ia karei .Yaom lac Thủ tướng Australia Scott Morrison ndom lac, hukum bahrau oh mong tame sa negar cambaih laih halei, min tui dom urang lanyah, hukum ni mong tame Trung Quốc song meda gak brei trun talei rohim di 2 negar. Dahlau di nan talei rohim di 2 gah nyu catang tagok  hadei di tuk Australia hu panuac ieu peih dom mbang pasang iek dunya ka anek ruak njom mbak di  Covid-19 song dom bruk oh njauk hatai dalam palei salih di 2 gah./.

Urang lang: Thu Thảo - H.Pha  4/12/2020 16:46:36